【轉播分享】
對不起，Got a bad news，我地其中一位演員， Jeff Chan ，剛証實患上了第4期肺癌，希望大家可以俾多D支持同鼓勵佢！感謝你呢兩個月每星期都為大家拍片帶歡樂俾大家。
JEFF: 你一個分享或鼓勵都可俾我多一份希望。謝謝。
人行 Jeff 原文：
我係陳積榮 Jeff，對唔住！我嘅朋友，有一個壞消息， 我患上四期肺癌。 知道好多朋友都好關心我，所以藉此 video , 希望公開咁同大家update我嘅近況。
六月尾嘅時候，我發覺背脊肌肉痛， 起初以為係做gym拉親，之後立即去朋友度做物理治療，一星期後都未見好轉，所以立即去照mri， 骨科醫生發現我背部有一個腫瘤( 果一刻嘅心情有機會再講) ，因為情況危急， 腫瘤壓住我神經，醫生話有機會導致半身不遂/失禁， 建議我立即到私家醫院做 pet CT 等etc..癌症嘅測試。
23-25/7 我入港安醫院留咗兩日，做咗幾個測試，Imaged Guided Lung Biopsy Bronconscopy，另外照肺， 血液，DNA … 總之用最短嘅時間查出究竟個禍心響邊度。
幾日後，報告結果顯示我左邊下肺出現咗個6x5cm，非小細胞型式腫瘤，另外區別為 EGFR exon19 , 仲有其他 PDL1/ BRAF/ALK 嘅數據，証實屬於第4期肺癌，因為已經有擴散嘅跡像。
之後，我睇咗好幾個唔同嘅醫生做consultation...
一路睇私家醫生，除咗一路洗錢之外，同時亦接收到唔同嘅醫治方向， 老實講...起初極度迷惘，淨係標靶藥一代二代三代：
一代——兩萬蚊/ 一個月；
三代 —— 五六萬蚊/ 一個月，
仲未計其他醫療費用，我淨係聽到呢個數字已經沮喪，以我嘅積蓄冇可能承受得到，之前買嘅危疾，醫院加埋做嘅測試，已經冇咗70%，之前買咗十年嘅醫療plan, 剛剛上年又完咗～～好無助..
托賴十分慶幸，呢兩個禮拜有好多朋友陪伴著我，各大中小同學都畀咗我好多知識上嘅支持同支援，僥倖地透過朋友轉介，搵到一個癌症權威性嘅醫生幫我診斷，畀到我好多中肯嘅意見，起碼現在可以明確清晰地知道暫時現在最適合我的治療方案…
今個星期開始我會先進行電療，一連5日，先處理我背部嘅腫瘤, 同時間會食標靶藥去控制( 食咗兩日暫時感覺良好)，大家唔使擔心我，幫我集氣啦。
我希望大家可以幫我SHARE 呢個post 俾多D人知道我呢個case，俾多D意見我，包括藥物又好，食療又好，有咩團體可以加入，或者有同路人互相鼓勵...呢一D都對我好重要！我非常需要大家不同形式的支援，多一個人就多一分力。我自己一個一定打唔贏呢場仗，有大家嘅力量，我肯定會冇事。
工作方面，由運動開始，到而家疫症，好被動，接近停擺。這一年，相信冇一個香港人係會好過，但點都好，經過今次呢件事，我更加覺得心靈健康係非常之重要， 雖然我都估唔到咁樂天嘅我都會屈到病，但凡事必有因，所以無論發生乜嘢事，開心，享受生活係最重要！
熟悉我嘅朋友一定明白， 我一拍攝/演戲，就會成個人精神曬， 所以嚟緊嘅日子我會繼續拍攝( 放心，我一定會以身體狀況優先)。
除咗我【 人行 】嘅facebook同埋youtube 會定時 update 之外，本身上年籌備中嘅一套**有製作**嘅港產片（ 不是已完成那三部電影），因為疫情暫緩，呢個時候我會重新啟航， 因為我確信 ，上天話咗畀我聽呢個時間掣，所以我更加應該去完成我這人生中最重要嘅一課…
幾難行都要轟轟烈烈去實行自己嘅夢想！如果你想同我一齊行呢條夢想路，inbox / whatsapp 我，非常歡迎各單位支持。
最後老土講句，這幾天令我深深感會到嘅就是人間有愛，尤其我嘅家人，同我女朋友，原來照顧一個癌症嘅病人確實需要好大嘅勞力同心力，我好愛大家，亦都知道大家都好愛我，這場仗我一個人肯定冇辦法面對， 所以希望每一位朋友，可能你簡單嘅分享, 尤其現在網絡嘅威力，我相信唔同人，唔同嘅經歷，唔同嘅資訊，都可以幫我克服呢個病。
有任何資訊/建議可隨時inbox/whatsapp我哥哥：
https://wa.me/85268189176
如果大家想支持一下小弟醫療上經費，我獻上萬二分感激！
chan chik wing
763 054 020 668 Heng Seng Bank
FPS 轉數快(快速支付系統識別碼) :6691216
你一個分享或鼓勵都可俾我多一份希望。謝謝。
Jeff FB專頁： 人行
Jeff Youtube: http://www.youtube.com/c/拍板wefilmhk
--------------------------------------------------------------------
