Search
【清潔郊野遇上一地dom dom】
因為疫情延期、又延期、再延期，我今早終於在陰晴不定下參加鞍山探索館的「大奇蹟日山徑清理活動」，在馬鞍山郊野公園一帶與義工一起執垃圾。垃圾的種類多到你估唔到，膠樽、口罩、煙蒂不在話下，路邊還見到十幾個不同牌子的避孕套包裝袋散落一地，還有奶樽、梳子......
兩個月前寫過一篇題為《行山只為Happy吓》的專欄，我當時想「自己垃圾自己帶走」的概念老生常談，但為何郊野仍然垃圾處處。原來真的有人只當郊野是「一夜情人」，Happy完就算，不用負責任。
我們亦向沿途行山人士派發「背包提示帶」，齊齊「守護山野，一生平安」。大家到郊野「到處留情」也好，「鍛鍊身體」也好，都要「垃圾帶走，Thx」。
琴日各界愛山愛自然嘅過百位朋友
兵分八路一齊到各大山徑黑點執垃圾🚮
咪以為早兩日落完大雨啲垃圾就沖走晒。
用過嘅口罩、啲溶左嘅紙巾碎、碎濕濕嘅煙頭、沾滿泥濘嘅包裝袋、埋左一半喺泥土入面嘅膠樽、仲有綁實喺樹枝嘅不織布/尼龍標記帶 ⋯⋯呢啲諗到嘅當然有，諗唔到嘅仲有安全套、枱腳、大貨車嘅倒後鏡！
大自然令我地放鬆，尤其今年疫情肆虐，更加成為好多人避疫嘅地方，但我地俾左咩大自然？
今次鞍山探索館、#野外動向HKDiscovery 野Guide 聯同Kolon Sport Hong Kong發起【五區山野大奇蹟日】，為山野出一分力💪🏻，亦向行山人士派發 #背包提示帶 ，希望大家好似上面寫嘅「#垃圾帶走THX」、「#守護山野一生平安」
然而，最心底裡嘅我
希望呢類清徑活動以後唔需要再搞、唔應該存在，因為人人都愛護山野，自己垃圾自己帶走🤝
我手頭上仲有十幾個背包帶，有興趣幫手做「人肉流動宣傳牌」嘅朋友，可以留言，我寄俾大家！
#米袋可以當垃圾袋 #其實大卷廁紙嘅長膠袋都係好選擇 #夠硬淨又夠深 #最重要係物盡其用 #唔駛開多個大垃圾膠袋
前天參與 Kolon Sport Hong Kong 支持「#山野大奇蹟日」，沿馬鞍山山徑清理垃圾，並派發「山野背包提示帶」，宣揚「#自己垃圾自己帶走」和「#山野無痕」的意識。
在清理山徑途中突然落雨，然後又出太陽，天氣反反覆覆🌦⛈🌨著上雨衣，繼續專心努力清理垃圾，執到很多膠樽、汽水罐、紙巾、煙頭、口罩等等。
雖然天氣悶熱焗促，落雨後山徑泥路很濕滑，步步驚心（因為隻腳都係岩岩好返），但辛苦過後覺得特別有意義。
希望大家去行山，唔好留低任何垃圾，因為會破壞大自然生態。每人出小小力，將自己垃圾帶走，愛護山野🌲🌳🌍
三月初的一個潮濕早上，微雨紛紛，雲霧遮蓋着馬鞍山礦場遺址，令人猶如置身仙境，難以想像數星期前同樣地方正受山火蔓延之虞。
「見到火種好近我哋，不斷有火舌飛到天上，距離大概一百米左右，就喺我哋後面山脊燒緊！」Ric是鞍山探索館的館長，負責保育及推廣本地礦場歷史的工作已八年。雖然不是第一次在這山頭經歷山火，但這次規模特別大，令他心有餘悸，「其實只要風向轉啲，如果火一落嚟，就好快燒到我哋。」
如果中心真的被燒會怎樣？「一定好心痛」，作為館長，護館心切是理所當然，「無論我哋嘅建築，定留低嘅文物都好重要。」Ric記得火災當晚，他與同事跑回來了解情況及「執包袱走」，將部分文物帶離近火場的地方，令損失減至最低。最後虛驚一場，他始鬆一口氣。
「因為都係大家由零開始建立出來嘅地方」這份痛心，源於Ric的用心。回想八年初到貴境，四處雜草叢生，一片荒蕪，館長就由去雜草開始，一步一步把中心辦得有聲有色。
一館之長就是坐在冷氣房內䟴䟴腳？Ric也許是其中一個例外。他會沖咖啡，為中心內的咖啡廳研發新菜式，最近較為應市的有「口罩型麵包」及「COVID-19型肉丸」。他與同事打成一片，對他們信任有加，「以前我好快就會將自己諗法講出嚟，依家發現可能唔出聲，佢哋嘅創意仲犀利過我。」
互信令中心職員如家人般相處，因為疫情要Work from Home，但他們就自願Work from Hill，構思出新計劃，嘗試彌補山火後的損失。Ric在山火後曾多次到火場視察，發現不少垃圾，所以他和同事們打算向行山人士派發「山野背包提示帶」，又計劃植樹，向公眾宣傳「山野不留痕」的訊息，減低留下火種的機會。
活動名為「大奇迹日」，Ric可相信奇迹？「我相信，我哋過去一直做鞍山探索館嘅時候，都無諗過可以連繫到唔同人，人與人之間嘅連繫係最重要，每個人都可以做到少少嘅時候，就對環境保育嘅影響好大。」
每個人都可以為自己想看到的風景努力，一起創造奇迹，好嗎？
