面就人哋俾，假就自己丟。FB唔喺香港起海底纜，SBI撤出香港，香港國際地位係點，再明顯不過。被美國傳統基金剔出經濟自由度指數，波叔去信反駁，果俾人一句K.O.：「你醒下啦，咪當我睇唔到先得㗎」。香港過往嘅國際金融中心地位，係經歷好多代人嘅努力而嚟，結果千年道行，一朝喪。
近來新聞太sad，成個人都冇咩心機。偶然掃到單新聞，其中一個數字，又觸動到我神經。話說有香港虛擬保險推份按揭火險，利用科技嘗試改變市場生態，將保費壓縮，由條街一般嘅0.08%至0.15%，壓至0.03%。
個數字係咪熟口熟面呢？陳茂波最近都提過呢個magic number，同樣係0.03%，但佢係講緊加股票印花稅0.03%。
事實上，唔少香港初創公司，正積極用唔同嘅方法，去令香港同世界市場接軌。好似過往買按揭火險，中間牽涉唔同嘅中間人，如銀行，保險經紀，人一多，抽水就越多，結果你買嘅保費，佣金都佔好大部份。睇返OneDegree訪問，佢係利用科技簡化程序，減低成本，從而令用家見到0.03呢個magic number。
你話一時三刻，可唔可以顛覆到行業生態，令成個行業都減價？我唔敢講，但至少有新公司行出第一步，就可以作為一個起點，逼其他保險公司review個收費。
自古成功在嘗試，係老土，但香港可以建立到國際地位，正正係有唔少人願意喺呢一個地方，投資時間、金錢試新嘢，打出一條新血路。
不過當唔少香港人仲喺度努力，話俾人聽香港係有希望嘅時候。金融業作為香港其中一個基業，波叔就同樣用0.03%呢個數字，話比國際聽，香港就係要反其道而行，走回頭路，帶領香港跑離國際軌道。記得問過個Startup founder，你對政府有咩期望，佢咁答我：「唔係話期望你幫到我，你唔好拖後腿阻住我都算好㗎啦。」
其實波叔明明自我感覺良好，但又走去寫信，迫其他人認同自己。除咗中二病外，我諗唔到原因。
By千頌C
股票印花稅收費 在 香港股票交易稅、股票印花稅收費在PTT/mobile01評價與討論 的八卦
股票印花稅收費 在PTT/mobile01評價與討論, 提供香港股票交易稅、股票印花稅收費、港股手續費比較就來美股台股投資觀測站，有最完整股票印花稅收費體驗分享訊息. ... <看更多>