《能夠喺伴侶面前放屁先係真●感情》
話說我同女朋友同居咗差唔多一年，一直都無咩大問題。唯獨喺放屁方面未能夠取得共識。咩共識? 咪就係女朋友成日放屁唔撚認囉! 我為咗樹立榜樣，我次次放屁嘅時侯，我都會大大啖索返自己篤屁，然後大膽承認:「篤屁係我放嘅!」一直以嚟，我都嚴格執行「自己放屁!自己認!」但女朋友就唔理解我呢種行為，仲話我成個低能兒童同埋好變態，但佢有時侯放屁又唔撚認，攪到我都無哂癮，所以我決定下次放屁我係唔會認。
直至今朝早，我個肚突然間好痛，仲隱約聽到『咕咕、咕咕』嘅聲音，心諗:「屌!一定係琴晚打邊爐食咗啲唔乾净嘅野，攪到依家極度肚痛!」
當我想起身去廁所時侯，嘩!凍到呢......完全唔想起身離開個被竇! 擁有多年肚痛經驗嘅我，呢啲肚痛通常痛一陣就無事!於是就由佢。
但係肚痛就好似地震一樣，分成幾波衝擊住我，間中亦帶有餘震，根據我中五程度嘅地理知識，當地應力超過岩石本身能承受嘅強度時侯，就會令岩層斷裂錯動，其巨大嘅能量就會釋放出嚟，形成地震。就係咁，當呢種衝擊難以再忍受嘅時侯，我就會選擇放屁嚟減輕痛楚，放放下就無事!
我淡淡然咁喺被竇到放幾篤屁，嘩屌!爽到呢!痛楚經篤屁慢慢抒援落嚟，一時之間我為我嘅機智感到有種自High感覺。
『阿明，你放屁呀?』瞓喺我隔離嘅女朋友突然間問我。
我即刻驚咗一驚，但我無理佢，繼續恰埋眼扮瞓覺。女朋友見我無回應，都無再問而繼續瞓。
唉屌......呢一刻我真係好難受，我眼淚開始湧出嚟，我真係好失望。
我握緊拳頭心諗:「間房得我同你，唔係你放屁就係我放屁架喇，點解仲要明知過問? 係咪想落我面? 依家放屁好失禮你咩!? 我當你係我至親嘅人，我愛你先喺你面前放屁，點解仲要問我! 點解你唔明白我! 點解呀!!!』
屌!愈諗愈激氣，唔覺意動咗道真氣，肚入面嘅衝擊波又嚟料，佢老味......問我係咪放屁丫嗱!?介意我放屁丫嗱!?我就放比你睇!
今次我唔再遮遮掩掩，收收埋埋咁放屁，佢決定向女朋友展現出我最真實嘅一面，將心中嘅怨憤同肚入面嘅"氣體"通通排出。
一篤......兩篤......三篤......四篤......百鳩幾篤......
短短幾分鐘內，我開始聞到我啲屁偷偷地從床被缝隙中滲出嚟，幾乎充斥住成間房，臭到連我都聞得到。
可能我真係有啲變態，唔知點解我聞到啲屁我會好想笑到仆街!於是我分咗少少精力去忍住笑。
呢個時侯，我沾沾自喜咁偷望下女朋友有咩反應，只見女朋友慢慢咁將身驅轉向另一邊，無講任何說話，無發表任何怨言，無再問我係咪放屁。
此情此景，我內心感到好欣慰，我心諗:『好開心你終於接受到。』
突然，肚入面嘅痛楚愈黎愈強烈，即使我不斷放屁嚟減輕痛楚，但仲係痛到仆街!!!同時間，我發覺我放屁嘅聲音愈嚟愈大聲。
『呠~~~~~~~~~~~~~~』一篤放屁聲，天籟之音，劃破長空。
女朋友聽到一聲屁響之後，即時起身大叫:『我真係頂唔順喇! 究竟你係咪放屁姐!? 不如你去廁所喇!』
我都即時起身大叫:『咩放屁呀? 你有咩證據呀? 你唔比啲臭味喺街外傳入嚟架? 同埋就算係我放屁咁點丫! 你係咪介意先? 係嘅話我即刻走! 雖然唔係我放!!!!』
女朋友呆望住我呆咗幾秒之後，然後笑笑口拍一拍我膊頭，好溫柔咁講:『傻豬豬嚟嘅，我問下姐，其實係我放屁，我想睇下你有咩反應姐，乖! 繼續瞓! 我起身去廁所先。』說罷，女朋友就起身去咗廁所。
我望住女朋友嘅背影，心入面一陣甜蜜嘅愛意湧上嚟，我心諗:『作為女朋友，佢真係唔話得，明知係我放屁都會認係佢放，就係為咗唔想我地因為放屁而嘈交，愛護我地依段感情，處處為我著想，最重要嘅係......佢終於肯認放屁。』
於是我決定繼續瞓返，而嘴角仍然展露出一絲絲嘅甜蜜，不禁地說:『我愛你。』
-----------------------------------------------------------------------
-------------------------------------------------------------
---------------------------------------------------
-------------------------------------------
---------------------------------------
----------------------------------
----------------------------
---------------------
---------------
----------
------
----
--
-
十分鐘後。
『女朋友!!我求下你喇!!你開門比我入去喇!!! 我頂唔順喇!!! 我就嚟急到賴屎呀!唔好玩喇!!』我不斷敲打道廁所門。
廁所入面嘅女朋友怒叫:『你條仆街! 你係咪男人嚟架!? 放屁都唔撚認!你喺出面放屁放飽佢喇仆街!!』
「嗚呀!!!!!!!!!」
.............
......
....
..
..
一覺醒來，我呆呆咁望住天花板，我摸一摸自己個肚，任何痛楚都無了
望一望個日曆，2016年1月14日。
我先發現原來一切都係發夢......
等我仲以為搵到一個唔介意我放屁嘅女朋友......
我慢慢起身站喺窗台前，涼風吹來，帶點濕氣，似乎冬天已經結束。
我腦海仲不斷回味剛才嘅夢......
我用盡所有力吸了一口氣，對住窗外放一篤屁。
我再索一索，然後笑了。
******************************************************
隔住個MOON都聞到臭...
通常啲人放屁都唔會認，而屈身邊嘅人，大家知唔知比人屈放屁係一件好淒慘嘅事....希望大家下次放屁記得勇敢地認!
而自己又唔知做咩見到人放屁唔認時侯，我就笑到仆街!一笑，啲人就更加認定係我放屁.....
所以能夠喺伴侶面前放屁同承認放屁嘅人......記得要珍惜。
可惜我識放屁同會認放屁....但首先我要....
比卡超比!
肚咕咕聲放屁 在 肚子咕咕叫、放屁多是什么原因？暗示什么病？ - YouTube 的八卦
《健康之路》 肚子老是“咕咕叫”？ · 生活智多星第358集－肚子咕嚕叫哪裡有問題? · 肚子里经常咕咕叫，是正常的还是疾病引起的？ · 肚子發出青蛙叫聲，恐是 ... ... <看更多>