【脫老癦記】話說，由細到大，我有粒八婆癦喺嘴角左上，細細個成日俾阿叔笑我有日會出條毛。
我愈大個佢愈大粒，仲微微凸出，成日想脫但得個講字；有時幻想，我邊講嘢邊用手撩條毛😂
去年年尾，終的起個心肝去美容院用傳統方法（點藥水）搞搞佢，最後結焦再甩焦，有個印，中間都仲有一點啡色，老癦條根應該好深吧，要整多次。（最後懶，一直未約再整）
有日貼住塊膠布出街（我好怕整親佢），撞返個舊朋友，知我脫老癦，介紹我做laser脫埋個尾。醫生手勢不錯，中間那細細細點結焦，我小心地每晚貼上防水膠布先沖涼，幾日後自然甩焦。
現在用傳統方法整時嘅大印都淡色了，laser做完後嘅那點啡都不見了。
究竟仲駛唔駛再脫？後日再見醫生就知老癦走咗未😂
#大家有冇脫老癦經驗
#有冇人真係出咗條毛呢
#勤力搽去疤膏個印開始淡色
#肉眼睇唔到中間再有啡點啊
#LMskincentre #再見老癦
