Search
罕有大昏迷，完全聽唔到鬧鐘，掙開眼竟然12點 😱
我諗我真係太攰。
12/23 上晝，我哋嘅火雞、黃雞、
scones已經賣晒，
非常多謝大家支持。
另一邊廂見到同事send俾我出貨嘅相片，
每個客都訂好多嘢，今晚開party，
而我竟然瞓過龍無去跟出貨，好內疚，
好彩有同事撐住。
今年火雞售罄，而黃雞同scones，
我哋會即刻趕製，
好快再度上架 🙏🏻🙏🏻
我而家趕返公司做嘢，
#OOTD 今日發「皮」氣，「灰膠鞋」。
#kartellboots
#Ocheflab #食物研究所
【屍人屋苑】病毒變種、喪屍橫行，一個屋苑困獸鬥的故事……（３）
為咗兩日後可以搭直升機離開呢座大廈，我同阿俊決定預先上去廿五樓暫避。經歷完後樓梯嘅一場追逐戰之後，我哋總算喺千鈞一髮之間趕得切入屋。
然而，就好似我之前擔心過咁，呢間屋裡面果然仲有人住緊……
「你哋……到底係咩人？」少女一臉恐懼咁問。
雖然唔敢話好靚，但喺今時今日呢個環境，已經唔係剩低好多後生而又活生生嘅女人。何況佢俾人感覺楚楚可憐咁，好容易令人產生保護欲。
「我係屋主個仔。」阿俊舉起雙手講：「呢間屋係我老豆好多年前租畀陳生，所以我先會有呢度嘅鎖匙……妳係陳生個女？」
少女點咗下頭，但手依然係握緊刀柄，未敢放低戒心。
「Sorry，我哋本來諗住呢度唔會有人住，所以先打算上嚟避下。」阿俊繼續講：「放心，我哋唔會留喺度好耐，兩日之後就會上天台搭直升機走……」
「直升機？」少女皺起眉頭。
「係我老豆派人嚟接我哋……」
我不禁反咗下白眼，其實阿俊根本無必要咩都講晒出嚟。就算少女外表睇落幾弱幾冇威脅都冇，始終都係陌生人。而根據我以往嘅經驗，俾陌生人知道自己嘅事絕對係弊多於利。
－－－－－－－－－－－－－－－－－－
《屍人屋苑》前三回：
https://www.facebook.com/pg/Echo.of.Heart/photos/?tab=album&album_id=1935947799870360&__tn__=H-R
－－－－－－－－－－－－－－－－－－
「兩日就會走？」少女確認。
「嗯……係嘞，陳生陳太呢？佢哋喺唔喺度？」阿俊禮貌咁問。
我注意到少女聽完之後望咗一眼廚房。正打算回應嘅一瞬間，大門外突然傳嚟一下強烈嘅撞擊聲。隨即聽到喪屍嘅嚎叫同腳步聲──睇嚟班喪屍終於撞冧咗道防火門，入侵咗廿五樓嘅走廊。
……嗚嗚……嗷……
我用最細嘅動作起身，再透過防盜眼望出去，即刻就見到一張蒼白而腐爛嘅臉孔經過門外，及後仲有更多喪屍接二連三咁出現。簡單一數已經接近廿隻以上，呢個量係絕對冇可能突破到。
「咩情況？」阿俊用口形問。
我搖搖頭表示唔樂觀，然後就慢慢行埋去梳化嗰邊坐低。過程係刻意俾少女見到我手上把刀，話俾佢知我根本就唔驚佢。
雖然早就預計過會出現咁嘅情況，但事實比想像真係惡劣太多了。除非諗到方法又或者有其他人引走班喪屍，唔係兩日之後我哋肯定係上唔到天台。
所以，而家根本冇心情考慮少女嘅情況。就算佢同我一直幻想嘅女主角好吻合，而家都係應該要面對現實……
阿俊睇完門外情況之後都跟住過嚟，再同少女講：「門外面有好多喪屍。如果妳堅持要我哋走，可唔可以等到佢哋散咁啲先？而家出去嘅話，肯定係死路一條……」
因為有雨聲做掩護，所以呢個聲量係唔會吸引到外面嘅喪屍。但就算吸引到都冇所謂喇，反正情況都已經夠晒惡劣……
可能係見阿俊夠真誠，又或者純粹貪佢靚仔，少女總算垂低握刀嘅手。
「你哋可以留喺度……但兩日後一定要走……然後……」佢指向廚房嗰邊，「……你哋唔可以入廚房，又或者去其他房間……」
「當然冇問題。」阿俊轉身向少女展示自己嘅背包，「我哋有食物，應該夠捱埋呢兩日，肯定唔會打擾到妳。」
「你哋想要水嘅話就用廁所水喉……如果仲有其他需要，就去最近嘅房拍門叫我。」
說罷，少女本來轉身就想入房，但阿俊卻叫停佢問：「我都未知妳叫咩名？我叫阿俊，佢係老超。」
「琪琪。」
「琪琪……」等到琪琪入房閂埋門之後，阿俊即刻坐喺我旁邊，「睇嚟佢父母唔喺度，唔知係失散定已經死咗？」
難怪佢頭先冇追問落去，因為驚會勾起人傷心回憶。不過都合理嘅，如果琪琪嘅父母仲喺度，點可能剩係得佢一個人面對我哋兩個？
「佢父母係點唔得閒理喇，重點係我哋兩日之後應該點上去。」我回應。
「兩日咁耐，應該有機會散啩？」可能見死過返生又暫時安全，阿俊好快就放鬆咗心情，「喂，老超，而家咁樣唔似你喎，你唔係成日都想趁呢個時勢搵個伴咩？」
記得有一晚就係放鬆過頭飲咗兩枝酒，結果唔小心提到呢件事……估唔到阿俊居然仲記得。
「有女都要有命享先得。」我重新望返去大門嗰邊，感覺雨聲好似已經再遮唔住喪屍嘅叫聲。
但到底係雨落細咗，定係外面喪屍嘅數量越嚟越多？只希望答案會係前者……
留喺度嘅第一日算係相安無事，但走廊嘅喪屍並冇減少嘅跡象。至於琪琪，除咗需要整嘢食嗰陣要入廚房同埋去廁所之外，幾乎係冇離開過自己間房。
「班喪屍……係咪就係你哋引入嚟大廈？」一整日時間，佢只係問過我哋呢條問題。
「係，但我哋真係冇心……」阿俊回應：「我哋當初只係諗住入嚟避下……」
「有冇心都好，你哋都已經害咗好多人……」
琪琪講完就行入廚房。其實我注意到佢每次出入廚房嘅時候神情總係特別古怪。好在我哋嘅食物同水都唔係佢負責，唔係我肯定會覺得佢係諗住落毒……
「落毒？你諗太多喇。」阿俊聽完我嘅疑慮先係一笑，但突然好似諗起啲嘢咁睜大雙眼，「咪住先……」
佢開著自己部電話，然後喺圖片庫裡面搵出一張相，驟眼睇落應該就係呢座屋苑嘅平面圖。
「我哋係A室，然後廚房係同H室連住。老超，我好似諗到計聽晚點走喇。」阿俊起初仲係興奮，但下一秒又收返笑容，「但係……呢個計劃一定要同埋琪琪一齊商量。」
「吓？」我不解，「點解？」
「等我叫佢出嚟。」
阿俊起身行埋去拍門。等琪琪出埋嚟之後，佢即刻開口問：「琪琪，妳會唔會考慮同我哋一齊搭直升機走？」
「吓？」琪琪聽完當然好驚訝。而我都係一樣，呢件事同計劃又有咩關係？
唔通，佢係見我好似對琪琪冇興趣，所以終於露出二世祖本性，想將琪琪追到手？只要帶佢離開呢個人間煉獄，再保證佢去到安全島之後唔需要捱苦，應該大部份女仔都會願意上釣……
「我有個計劃。」阿俊拎出一張佢手畫嘅平面圖，「我注意到呢座大廈A室同H室嘅廚房係相連嘅。即係只要小心啲嘅話，我哋絕對係可以喺廚房開窗爬過去隔離屋……琪琪，妳知唔知H室仲有冇人住？」
「應該……」琪琪又望咗下廚房，「……冇。」
「咁就好。跟住你哋望下H室嘅正門，啱啱好就喺走廊另一邊，而且一出去就係另一邊嘅後樓梯。」
「我明喇。」我聽到呢度終於恍然大悟，「只要聽晚我哋諗辦法將喪屍集中喺呢一邊走廊。再爬過去隔離屋，就唔需要面對呢班喪屍……」
「有個更保險嘅做法，就係乾脆開埋呢間屋嘅大門，再將班喪屍引入屋。總之將走廊嘅喪屍數盡量減到最低……去到可以應付嘅數量。」
「但要點做先可以將喪屍引入屋？」琪琪問。
「我電話仲有少少電。」阿俊拎起自己部電話，「到時只要較定鬧鐘，預先將部電話放喺呢間屋最入嘅房，最後開門……等到鬧鐘一響，就可以引班喪屍入嚟。」
越諗就越覺得呢條橋行得通。當然仲要面對好多問題，譬如點樣安全咁爬過隔離屋，之後仲要解開廚房嘅窗花。而且，隔離屋始終可能仲有人又或者喪屍喺度……
「但係……確定要咁做嘅話，其實今晚就要開始做好準備。」我回應。
「冇錯，所以我先問妳。」阿俊望向琪琪，「琪琪，我知道咁做就等於要放棄呢間屋，所以先建議妳跟埋我哋一齊走。」
「但如果……我唔想走呢？」琪琪反問。
「我哋都會照過去隔離屋，再留低部電話吸引班喪屍。雖然佢哋仲會留喺走廊，但至少我哋都有機會……之後部電話就俾妳用啦，反正都就冇電……」
「即係你哋點都要入廚房？」琪琪追問。
其實我當時已經覺得呢條問題有啲古怪。但因為諗緊點樣完善呢個計劃，所以就冇再深究。
「嗯。」
之後係短暫嘅沉默，過咗大約一分鐘，琪琪終於回應：「可唔可以……畀多少少時間我認真考慮下？」
老實講，佢唔當場拒絕我已經覺得係萬幸。話晒係由兩個識咗都唔夠廿四個鐘嘅人提出嘅計劃，本來就唔知可唔可信，仲要犧牲埋自己嘅安全室。換轉係我嘅話，肯定第一時間就拒絕，根本唔洗考慮。
「明白，但妳最好……今晚畀到答案我。」阿俊誠懇咁講。
但無論佢嘅決定係點都好，呢個計劃都係勢在必行。
結果，琪琪入返房之後，足足四個鐘都冇出過嚟。而阿俊堅持要等琪琪有答案先行動。所以喺準備好晒攀爬用嘅繩同爆窗工具之後，我哋兩個就只可以喺度呆等……
老實講，呢種等時間一分一秒過嘅感覺並唔好受。
「你想去邊？」見我企起身，阿俊即刻問，佢已經第四次確認條布繩穩唔穩陣。
「廁所。」
本身我真係諗住去廁所的。但行到門口嘅時候，我突然心血來潮想試下去說服琪琪。然而，就喺我行到去房門前，準備拍門嘅一刻……
……咦？
「媽……如果我走咗嘅話，妳一個人點算？」雖然聲音好細，但確實聽到琪琪講緊嘢。
媽？原 來陳太一直都喺屋裡面？為咗確認清楚，我慢慢將耳湊到門前……
「但……萬一佢哋係呃緊我……好似王伯咁嘅話……」
王伯？邊個係王伯？點解我完全聽唔到陳太講嘢？係佢真係冇出到聲抑或有其他原因？
「妳話……殺……殺死佢哋？」
突如其來嘅一句說話不禁令我背脊發寒。但都未調整好心情，突然有一隻手冷不防咁拍向我肩膀……
「哇！？」我當場嚇一跳。
「你搞咩……」原來係阿俊，佢過嚟嘅時機可以話係非常差。
我正想拉佢走，但房門偏偏喺呢個時候打開。不過只係開咗少少，剩係夠見到琪琪嘅左半身，睇唔到佢右手嘅情況、亦都睇唔出房入面到底有冇人……
「你頭先……係咪偷聽我講嘢？」琪琪問，語氣就好似冰一樣。
「我冇偷聽！我只係想搵妳商量……」
「你講大話，你肯定係聽到……」
「好呀！妳要迫嘅話我咪直接講囉！」我望向阿俊，「我頭先聽到佢同阿媽講嘢，佢提到一個叫王伯嘅話……仲話要殺死我哋！」
「吓？」阿俊驚訝。
「我冇……」琪琪否認。
「今次到妳冇喇？」我盯住琪琪，手已經放喺腰間準備隨時拔刀，「咁妳開門呀，等我同陳太直接講！有咩不滿就趁而家傾掂佢！我仲未想死住呀！」
琪琪聽完唔單止冇開門，反而將左手放喺門邊，好似驚我會推門咁。
「老超，你細聲少少先，唔係班喪屍……」
「比起喪屍，我更加驚呢個女人！」我加重咗語氣，「妳係咪唔開門！？」
琪琪依然唔肯放手，當然我都唔敢亂推門，因為驚佢右手係拎住刀……推門嘅話就會俾佢有落手嘅先機。
「好，妳唔開門嘅話……」我一個轉身行返出廳，行埋去台隔離一手拎起布繩、另一手拎起爆窗用嘅工具，「阿俊，我唔會留喺度等俾人殺……我要過隔離屋先！」
「喂！你冷靜先……琪琪，頭先到底發生咩事？」
「我……」
我冇再聽落去，氣沖沖咁推開廚房門，可以見到裡面係改裝過多咗一間細雜物房。就喺我開始綁繩準備一陣爬過去嘅時候，竟然聞到旁邊雪櫃傳嚟一陣血腥味。
轉身望過去，唔單止血腥味，雪櫃底仲有乾咗嘅血潰喺度。出於好奇心，我戰戰兢兢咁打開雪櫃門……
一開，即刻見到一個老男人嘅斷頭，佢嘅雙眼已經被挖咗出嚟，頸部有被咬過嘅痕跡，臉仲有幾處刀痕。而斷頭下面就係佢嘅殘肢……
見狀，強烈嘅噁心感瞬間湧上心頭，我下意識退後幾步，正好退到雜物房嘅門前……
……嗚……
曾經有一瞬間，我仲以為自己係聽錯屋外面嘅喪屍聲。直至雜物房門一下撞落我背後，我先意識到自己大錯特錯……
「吼啊啊啊啊啊啊！」
我猛地轉身，眼前係一隻中年女喪屍。佢雙手一下蠻力將我撲落地，張開血口準備咬過嚟……
（待續）
越長越發現多嘢可以寫，不過下集真係會完結了。之後會繼續出短篇故事，各位要繼續支持呀。
睇完記住幫手留個嬲同分享出去！
p.s. 留言有個大廈平面圖，以免大家唔明個結構。
－－－－－－－－－－－－－－－－
【地方的無默媽資助計劃】（試行中）
近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
Payme 連結：
https://payme.hsbc/echoofheart
轉數快 FPS ID：6065460
計畫緣由及詳細內容：
https://bit.ly/39b5Fuw
－－－－－－－－－－－－－－－－－
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售！
－－－－－－－－－－－－－－－－－
IG：echoofheart
多位早晨，今日係10月15號星期日。今日天氣有啲變化喎，大致多雲有一兩陣驟雨🌦稍後會有啲雷暴， 24至27度，大家記得帶遮☂️😘
假期啲時間真係過得特別快，兩日假期真係唔係好夠呀😆我真係仲想繼續訓繼續訓繼續訓😴😴😴大家有冇同感？🤣
#今朝聽到鬧鐘響好想自己發緊夢 #周嘉儀 #venuschow
上次用大家分享過一個改善鼻鼾的枕頭，我本人覺得幾好既，可惜我老公只係用左接近兩個月就唔肯再用....因為佢覺得太硬.....結果只有我無鼻鼾既用左（因為我覺得睡眠質素好左，雖然佢唔係軟林林個種枕頭）
可是鼻鼾還在......我好醒訓的......嗚嗚....我又唔想分房訓啦～
為左自救，為左大家！！！一係唔做，一係做到最好！所以我決定試晒現存網上話有用既止鼻鼾器！！！！！由包頭既，夾耳既，塞入個口既，我都訂左！我會要我老公個個都試，最後話比大家知邊個最有用！
在此之前我會用住耳塞先，唔好以為求其一個耳塞就有用，NO LA！好多都隔唔到音（無理由帶個好大既訓，同埋又要聽到鬧鐘呀）我試過好多耳塞，發現呢種泥膠FEEL既隔得最好
當然不能完全隔晒，一般LEVEL的鼻鼾聲，隔到2/3,但高LEVEL既鼻鼾只隔到1/2，好過無啦～～
的以為初初會唔慣，但又OK WOR～但種點你要塞得入少少，會隔音隔得更好～！
你記得較番個鬧鐘做大聲，咁就仍然聽到了～
其他止鼻鼾器試完再同大家分享：）！
祝大家日日有覺好訓～
#止鼻鼾器 #鼻鼾 #睡眠質素
聽 不到鬧鐘- 不知道是因為太累了還是怎樣早上完全聽不到鬧鐘所以可想而知就是一路睡過頭整個大遲到各位也有這樣過嗎?(閒聊與趣味第1頁) ... <看更多>
我都覺得好唔好意思好自責，但我都真係好唔想自己係咁，我唔係聽到唔理照瞓而係真係完全聽唔到，以為啲鬧鐘壞咗，test下佢又work，我先至係壞咗嘅人… ... <看更多>
聽 唔 到鬧鐘 在 普通鬧鐘叫不醒？ 這APP鐵定可以| 台灣蘋果日報 - YouTube 的八卦
早上該起床、 鬧鐘 響了，不少人都會有「無意識關掉 鬧鐘 」的行為，導致不管設下幾個 鬧鐘 ，都會不自知的被自己親手關掉。如果你也是這樣的人， ... ... <看更多>