【點樣揀職業介紹所】
Inbox收到海量留言係讀者想搵工，喺呢度連埋《點樣揀職業介紹所》嘅教育文一併講解下。
【法律問題】
因為我本身係Headhunt，公司合約訂明唔可以做涉及相同業務嘅正職或兼職，所以我私人去做就係違反合約。
另外做職業介紹所生意係要向勞工處申請牌照，我呢個page冇申請，法律上係唔可以做中介業務，呢個堅係犯法。
如果聶瞳冇誠信冇操守，辦公室日報就唔值得你follow架喇，其身不正，講一套做一套，我會愧對大家。
【客觀問題】
如果我私下收你份CV，再帶去我本身Headhunt嘅公司，換言之即係身份曝光，咁就會引發另一個問題------我唔可以再講一啲職場不公義嘅事，所有嘅客就會話：「嘩，搵聶瞳呀？一陣講咗啲真嘢咪隨時畀佢寫上facebook？」
久而久之，呢度再唔會有任何真人真事分享，全部post都係為呃like而老作，咁呢片淨土亦會陸沉。
的而且確，介紹到求職者畀個客而又被錄用，賺到嘅佣金起碼等於我幾隻廣告，Senior職位嘅佣金可以係我10隻廣告費嘅總和，真係好過日寫夜寫畀人追稿，但建立呢個專頁嘅初衷係揭發職場嘅西人西事，我寧願賺少啲，都唔想辦公室日報變質。
【咁點樣揀適合你嘅職業介紹所？】
1) 如果搵工，其實唔建議依靠職業介紹所做主導，因為呢行始終係幫客搵人，範圍會細啲，如果調轉幫人搵工，50個人50種職業，要全部符合條件再推介畀啲公司，係一件不可能完成嘅任務，一日有48小時兼不眠不休都唔掂。對於搵工嘅你，成件事亦變得迂迴咗，若然職業介紹所主動搵你又唔同講法，因為佢哋已經鎖定咗目標同範圍，唔會大家一齊兜圈。
2) 冇一間獵頭公司特別好，完全係睇你個agent有冇責任感，上唔上心，大公司仆街agent何其多，但係好嘅都唔少，細公司一樣有仆街，一樣有好人，所以睇獵頭公司個牌頭係冇意思，feel下個agent係為你著想，定係諗住佢自己利益，呃呃氹氹嗰啲好易分。
【新措施】
我決定開個group畀人喺度招聘，條款目前訂立中，例如要先message我確認公司背景先可以出招聘post，咁大家就可以有多一個渠道搵工。
以下呢條Link係勞工處嘅持牌職業介紹所搜尋器，我聽過好多人話有headhunt搵佢，但完全未聽過間agency嘅名，有啲仲約喺Cafe interview，有咗呢個搜尋器，須未致於牛鬼蛇神全部現形，但起碼都知道間職業介紹所地址喺邊，同埋有冇牌照，如果check唔到佢喺呢個list度，奉勸你唔好去見工，亦唔好隨便將CV畀人，其實好多人會轉賣個人資料賺錢，大家要小心！
Click完之後按"I accept"或"同意"，輸入Agency個名，甚至係用地區去Check都得。
http：//www.eaa.labour.gov.hk/tc/search.html
職業介紹所牌照申請 在 申請職業介紹所牌照簡介.VID152 - YouTube 的八卦
本影片不是Past Paper, 不是Pass Paper, 不能Download, 不能下載，沒有PDF主要講述 申請職業介紹所牌照 簡介，如同學如需購買模擬試題進行練習， ... ... <看更多>