生活上的小節, 如細心欣賞, 即使是平淡重覆, 當中也充滿了樂趣.
1. 的士上
幾個月前, 有次截的士.
上車時, 電話不大夠電, 難得我可欣賞窗外沿途的風景.
司機間中從倒後鏡望向我, 欲言又止.
最後, 他忍不著問:
‘好少見後生仔上車唔玩電話架喎?’
我說: ‘電話快無電啦, 索性唔玩囉!’他說: ‘啊……你無得玩電話咪好悶? 你介唔介意聽歌?’
‘當然唔介意啦!’ 我興奮地應著, 覺得司機很體貼, 會播歌給乘客解悶.
卻未料, 司機清清喉嚨後, 便引吭高歌……
這程的士, 前所未有的漫長……
2. 街上
幾日前, 前往補習社的路上.
前面是一對父子, 兒子還小, 不斷問爸爸問題, 爸爸盡力答.
突然, 兒子問: ‘爸爸, 耶穌有沒有結婚?’
爸猶疑地說: ‘應該無喎……’
兒問: ‘那耶穌有沒有爸爸?’
爸肯定地答: ‘呢個我知, 耶穌爸爸是天父!’
兒再問: ‘那耶穌有沒有媽媽?’
爸更肯定地答: ‘呢個我都知, 耶穌媽媽是聖母瑪利亞!’
本來話題已老, 但爸爸意猶未盡, 加多一句:
‘有聖父聖母, 所以耶穌是聖子!’
這時兒子突問: ‘聖子係咪上次好好食果D呀?’
爸爸先是一呆, 但未幾反被兒子引導開去,
頻說: ‘係呀, 炒聖子最好味!
3. 地鐵
幾年前, 搭地鐵.
突然, 車廂中的一個男人打乞嚏!
我與他有一段距離, 沒被波及, 但我相信他面前的扶手桿上, 應沾有不少的飛沫.
期間, 他更趁著眾人不覺, 時而用手捽抹鼻頭, 乘機把分泌物邊扶邊塗在扶手桿上!
我覺得非常噁心, 正想應否挺身而出指責他……
但這時, 地鐵到站, 乘客上落車, 我也左移右挪, 讓出空間.
車子續行.
再回頭, 原本那個地方, 已站著一對母子.
真是喝也喝不住, 我未及衝前提醒, 他倆已伸手緊握那扶手桿!
‘罷了……’ 我心道, 伴著一絲絲嘆息.
卻未料, 兒子突然問:
‘媽媽, 點解條鐵好似有D濕嘅?’
那女士似有點學識, 蠻有信心地解釋:
‘空氣, 係有水分的…… 有時車門開關, 又凍又熱之下, 便會形成凝聚的情況……’
一邊一說, 更一邊將手套在鐵桿, 起勁上下捽動, 以證其說!
兒子有樣學樣, 發覺果然如此, 心悅誠服地看著母親.
整個旅途, 兩母子還間歇地在濕漉漉的鐵桿上捽,
只看得我笑又不是, 哭也不是!
聖母瑪利亞結婚 在 【搶先預告】生日當天把自己嫁出去！#shorts ｜阿部瑪利亞 ... 的八卦
即將27歲的 瑪利亞 ，面對媽媽的催婚，發起的 結婚 大作戰！究竟待嫁姑娘最後花落誰家呢？♔ 2nd Single ♔ʟɪsᴛᴇɴ ɴᴏᴡ▸ ... ... <看更多>