《美股有無險2》
近日科技股顯著挨沽，唔單止港股好似騰訊（700）、美團（3690）咁呀，就連美股納指都咁，隔夜為例丫，道指低開200都可以倒升，但係納指就要跌近2%收市。好多人都知喇，資金明顯出逃新經濟而湧入舊經濟既板塊，好似金融同資源咁。有人就問喇：咁到底科網股係咪玩完？
首先，同大家解釋下今次資金輪動既主要原因先，就係美債既孳息急升（粉紅色線）因為美債既回報上升對資金既吸引力大增，於是，部分資金就會從主打增長而唔係主打派息既科技股度流出黎，加上科技股又累積左一定既升幅呢，呢個就係中港美科技股點解要顯著挨沽既原因喇。
至於「挨沽」既幅度會係幾多？會唔會釀成科技股股災，甚至係大見頂？不如我地就用上年3月果次小股災黎做例：當時美債既孳息（粉紅色線）急升，納指（橙色線）就即跌；之後粉紅色線回落，橙色線就見底。跌幅係就係急而且勁，但科技股就無玩完，跌完仲回升創埋新高添！
基於目前全球央行既放水政策不變，疫情受控之後，經濟復甦既預期亦不變，因此，我係完全唔會懷疑牛市會咁快斷纜既，亦唔會懷疑高增值、有質地既科技股會見大頂。不過，短暫回調既風險係需要正視既，而方法有兩個：第一，就係按個別股份既走勢黎分析，失位就果斷減倉。
第二個方法就係：用反向兩倍既FI二華夏納ETF（7522）黎幫正股既倉位做對沖。拿，我依家對納指既睇法呢，响2月4號已經交代過架喇，唔知大家記唔記得。當時我話：「往後一旦（納指）跌穿12985點既話就要做淡，目標睇12000，止蝕就响返前頂13728。」今晚就穿架喇～
傳送門：《美股有無險》
https://www.facebook.com/325141490900505/posts/3690719414342679/
🙃
#美股 #納指 #科技股 #風險 #華夏 #反向ETF
