多謝 U Magazine Bonnie嘅訪問，一篇主要關於外界對《全民造星》嘅疑問同我自己做咗呢個節目三年嘅睇法同感受。
全文重點：「造星全組同事都好心地」❤️
👆🏾根據主持人強尼所知及所信均為真實，僅以至誠確認，一概是真！🙏🏽
Special thanks to
Make up by @yukimakeup
Hair by @fong_sio_i
Management by Yvonne @dinodog396
PR arrangement by @lamcheuk.gladys
Jacket by Brown Sugar
Eyewear by Blackzmith
#多謝Jacky @umagazinehk 嘅相影得好靚
#感恩每一篇專訪
#遲啲仲有訪問video
《TALK TO YOU》內文
text|顏紫茵 photo|Ricky edit|chun art|MING
即使你聽過強尼，你也未必知道強尼有多強，如果你未曾撳過去99台。
強尼無處不在，長霸 ViuTV 黃金時段，由《全民造星 III》、《暖男爸爸》、《晚吹》、《今晚趁熱食》到《Chill Club》，你都會見到佢，如果你有撳過去99 台。 關於《造星》種種傳聞、謠言，記者找不到花姐，拿着同樣的問題，一樣可以找強尼回 應，他有代表性。
上世紀亞視有陳啟泰，強尼就是ViuTV台徽，或嗰隻白雪雪北極熊公仔。
12月初訪問當日，強尼為了《全民造星 III》而來，在錄影廠時空， 十強一早誕生，任由記者如何旁敲側擊，他也守口如瓶。 「莫講十強名單，連心水都唔講得，做司儀跟評判一樣要公正。好似我跟某幾位參賽者一早認識，在他們出局之前， 都刻意保持距離，唔想對其他選手唔公平。」公正、嚴謹如強尼，換個場地在《有酒今晚吹》錄影廠，飲大兩杯，又會面紅紅講下心底話，有趣。
強尼連續三屆坐鎮《造星》首席主持，《全民造星 III》有冇造馬?強尼答唔答到?「唔需要平反，同樣情況，舊年都有 傳聞話我偏幫，我完全冇擺喺心。」花姐 話評判撳燈她控制不到;強尼說《造星》是一個真人騷，「你以為上一 round 睇 晒呢個人嘅全部?睇埋呢 round 先講， 觀眾自己會打倒昨日的我。」他以中國舞 Dilys 為例，「她由80殺入50強，網民話有冇搞錯，要罷睇;到她在50強出局，大家又瘋狂留言『還我中國舞』，觀眾真係好可愛。」
網民話，VO 總係挖苦選手;為了節目效果，經剪接後的「故事」亦屢次激嬲參賽者，要私下開 live 平反，「攝製隊日日跟着參賽者綵排，每晚有海量的片要睇要剪，表演好唔好觀眾有眼睇，但背後故事就要靠剪接。」強尼強調，《造星》全組同事都好心地，「這team人我夾了三年，以我了解，一定不是挖苦。」以傷害 最少、幫助最大為前提，「你愈係話佢唔好，觀眾自然會發掘佢好嘅一面;你一味話佢好咩，反而會乞觀眾憎，某程度上，捉摸到觀眾心理。」
強尼的故事，如果要用三言兩語講 完——城大工程系畢業，2004 年兼職在 有線球彩台做主持，其後索性辭去工程師 筍工全職講波，及後跳槽 ViuTV 成為台 柱至今。
在未 cut 有線的年代，強尼夥拍李佳芯主持《空間大改造》，幾乎集集捧場， 而我不知道昔日在 Ali 身邊的人正是眼前強尼，「有難捱的時候，總括還是快樂的，由工程師跳去有線，是想在追求穩定 收入以外，尋找可能性，畀自己過一個不一樣的人生。
「我是 90 年代尾大學畢業，當年搵 食唔難，整個社會氣氛令大家好輕鬆，莫講話我做工程，好多同學入行做 sales， 收入都多我幾倍。」既然選擇了一條不一樣的路，再多路障都要行落去，「我來自一個收費電視台，如果你冇裝個盒仔，唔識強尼完全係正常。每年都煩惱，下年仲 有冇得做?」講波佬，十大可能會消失的 夕陽行業之一，「足球行業萎縮得好快， 要電視台去拎球賽轉播權，是一件好昂貴 的事，電視台亦覺得，回報都唔係咁大啫，評述員由兩個變一個，再由一個變零。
「呢兩年經濟差，索性唔播，有英超睇，德甲唔使啦。」每當聽到球迷話寧願聽英文評述，強尼都會扯火，「點會有人唔鍾意聽母語?點會有人抗拒廣東話評 述?如果你想有一日廣東話消失於電視頻 道，請隨便。」
強尼是這樣煉成的。2020 年正式 upgrade 成為全尼——全能強尼。嘉賓身 份上《Chill Club》唱《越問越傷心》， 「細個參加過大專聯校比賽，去過唱片公司試音。」僅此而已，再沒有發歌手夢， 「做歌手，我唔夠膽亦都覺得唔容易。網 民讚我唱得好，因為沒期望，上節目唱幾 句歌沒走音，大家喜出望外。如果台下有 評判撳燈，我估我唱唔到咁樣。」主持唱 歌講波未夠，最近在《暖男爸爸》演一 腳踏三船的 Lantau，角色衰格卻出奇討 好，「我唔敢講我自己全能，在娛樂圈， 好多人同一時間可以做好多嘢，單單在 ViuTV 已經好多人做到......」曝光率高到變成台徽，「睇得多怕會惹人討厭，呢個係我每日都擔心緊嘅嘢。」
總括而言英文 在 總言而之英文在PTT/Dcard完整相關資訊 - 數位感 的八卦
提供總言而之英文相關PTT/Dcard文章，想要了解更多總括來說英文、總言而之英文、總括而言英文formal有關資訊與科技文章或書籍，歡迎來數位感提供您完整相關訊息. ... <看更多>