#緊記摩連奴啟示
#今晚呢3分我哋袋硬
#快車期每場都係6分波
10:15PM
各位仲喺街上嘅朋友,
聽我話,返屋企。
有睇開足球嘅,
幫我手解釋比其他人聽。
大家嘅訴求,
唔知幾時先至達到,
總之呢條路好漫長。
我假設仲有3個月,即係90日,
咁今晚,就只係一場球賽裏面嘅1分鐘。
(事實可能係十倍咁長,咁即係今晚只係6秒)
呢1分鐘,對方擺明喺龍門口泊大巴士,
先等你哋攻,然後佢哋急速轉守為攻。
但你諗下佢哋幾重成本?
佢哋領隊由今朝開始籌備,做咗大量鋪排,
下晝3點出嚟做晒賽前記招,
成班兵佈晒防,就係等12點開你波。
佢哋當正今晚自己主場(自己以為),
個個重裝備,孭住幾十磅,預咗成個通宵同你哋大戰。
(但事實班兵心裏面只係等緊換更)
想像一吓,
如果我哋而家個個返屋企,
今晚街上面無蒙面人俾佢𢭃,
咁佢哋就真係on99嘞,
仲要全程俾人直播。
聽我講,如果大家而家返屋企,
今晚呢3分,我哋袋硬㗎!
由而家到區議會選舉之前,進入快車期,
每場都係6分波,明唔明呀?
明嘅幫手向隊友解釋吓。
神隊友,今晚我哋要袋3分。
由得豬對手,
今晚戇鳩鳩。
Search