有時我係度諗，如果我係一個警察，而家我會覺得點。
//
細個讀書不成，四肢發達頭腦簡單，考入警隊之後出黎就月薪兩萬幾，住又有宿舍，放假就去叫下雞，過大海賭下錢，工作又無咩特別野做，行下beat抄下牌又一日。
唯一可惜係學堂畢業到退休咬糧，都無機會係訓練以外開過一槍。日日幻想自己係英雄人物開槍除暴安良，但係就只可以FF。
結果到2019年6月開始，雖然個個禮拜都OT到成隻狗咁，但係無限補水，個個袋兩糧三糧笑到停唔到口。雖然辛苦D但份糧厚左，最重要係：
終於可以不停燒煙！仲可以打人！
幾個月黎，個個落場都有收穫，收隊之後阿漢，斌仔，大衛，大哈，阿Lam，汽水，個個都笑到停唔到口，話頭先打得好爽，打到D曱甴爆曬頭見曬血，鬼唔望快D下個operation再落場打過。
但我一諗到終有一日呢場運動會完，
自己要除低件防暴裝，著返普通制服出去行beat，我就開始怕。
我唔怕會有什麽獨立調查委員會，因爲根本唔會查到D乜。
但我怕場運動完，當唔再係成個pat一齊行動，而係自己落單既時候，自己會比人背後插一刀。
咁多位兄弟大家做過咩自己知。幾個月黎有幾多人想我地死。
咁多個人資料比人爆曬上網，電話號碼住所咩都穿曬，
而家就話無人襯落班搞我地，但幾個月後呢？
我係咪以後一除低D裝備放工返屋企，就要提心吊膽怕人斬我一刀？
我地大大隻都可能還好，好似Suki姐，Vivian，阿燕果D，始終都係女人，比人伏既話真係會好危險。
呢幾個月袋埋袋埋，都未必有命洗
//
以上純屬虛構，人名如有雷同實屬巧合。
終有一日 在 终有一日同风起，扶摇直上九万里抖音 - YouTube 的八卦
终有一日 同风起，扶摇直上九万里抖音. 5 views5 views. Nov 15, 2021. 0. Dislike. Share. Save. hui she. hui she. 36 subscribers. Subscribe. ... <看更多>