經過各位香港人一個月來的堅持，香港已經喺世界爭取民主平台上佔了重要一席位，呢個係事實。當現時大部份國家都為咗利益自我滅聲，全球唯一只有香港人夠膽企出嚟向暴權說不。外國傳媒由無乜興趣到要追住報導，都係各位每日辛苦上街嘅成果。
而我地要求嘅，其實好簡單好清晰，只係基本法同中國前領導人鄧小平談判、趙紫陽簽署嘅中英聯合聲明賦予我地嘅自治權利。記住，唔係額外要求㗎，唔係乜獨乜毒，唔好混淆視聽，係中國原本就答應香港、真正嘅「一國兩制」。五十年內，香港人，自己地方自己管理，唔明內裡嘅冒毛唔該讀讀歷史先同我講，咪喺度嘈嘈閉，鬧都鬧得有理據少少啦，巧Boo巧？當中當然包括2008年已經應該落實，十一年後仍然未有嘅真普選。
林鄭再次出來用語言偽術呃呃騙騙，實在係非常之咁annoying。誠意唔係齋講話自己有誠意就等於係，妳有無誠意大家有眼睇。同埋我想溫馨提示一下，而家雖然仲係講緊一條逃犯條例，但問題嘅根本，終歸要返到去講真普選，閣下自己好自為之。
香港人唔係一句「壽終正寢」就可以打發走，當然呢啲呃外國傳媒嘅伎倆，睇真啲咁樣仆出嚟，都應該唔係同我地講嘅，取巧譯做「the bill is dead」，咁又以為自己可以矇騙過去，真係too simple, sometimes naive。
好心攞出你嘅誠意真係解決問題啦，如果妳仲知咩叫真．誠意嘅話。
p.s.在途上返緊嚟。
知道好多朋友仔擔心我安危，雖然我唔覺得佢地會蠢到用行動證明我嘅說話，但為咗大家安心，我返到嚟香港機場會報平安。👌🏿
