都係嗰句，打工仔遇到好上司嘅機會率並唔高，但係一期一會已經無憾。
早前我間獵頭公司嚟咗一位新人，三個月都未開到單，老細諗住唔畀佢過試用期，但係上司見到呢位新人真係有努力，所以佢抽起手上最easy嘅幾單job出嚟，高難度嘅就留畀自己，結果新人作出咗零的突破，起碼增強返少少自信先啦！喂我呢排都開唔到單呀，有冇嗰種有身份證有呼吸就請嘅easy job益我呀？
呢位上司仲試過為同事頂撞老細，事緣有人遲到，但仍然好似食家咁買咗大堆頭早餐喺個位慢慢嘆，老細見到10點鐘先返已經火滾啦，佢仲要"雪雪聲"食麵，咁又係抵鬧既，不過上司就對老細講咗句：「你要個準時返工但做唔到嘢嘅人冇意思架喎。」我真係聽到O晒嘴，後來佢都認個邏輯唔啱，工作能力同守時係兩回事，只係要維護下屬，冇計啦！
幸運地，上司嘅付出亦得到回報，自此班細嘅好識做，除咗準時返少少 (本來10點，而家9點半，但合約寫明返9點...)，仲會買方便嘅早餐作為一日工作嘅開始，無論如何，成件事都算係雙贏，管理方式唔一定要下下照肺，你對下屬好，佢哋點會feel唔到？
而家呢班食家同事揀早餐都健康咗，見佢哋追住聖安娜餅屋 Saint Honore Cake Shop嘅 #紫薯軟歐包 同埋 #合桃蜂蜜柚子軟歐包 嚟買，前者添加新鮮紫薯餡，口感細膩綿軟，後者就添加橙皮同合桃，仲係選用韓國柚子蜜，兩個新包都蘊藏有益乳酸菌，幫助到腸胃消化，咁咪幾好囉！聽日我都跟佢哋食聖安娜Euro Soft軟歐包。
