【深夜雪糕車】
＊＊下半部分有繁中華語＊＊
＊＊下半部分有繁中華語＊＊
（上集）https://bit.ly/2UmBywd
萍姐慌張得完全亂晒陣腳，望吓窗又回頭望吓喺床上驚醒嘅兒子。
最後，萍姐都係決定先安頓床上一臉懵然嘅健豪。佢凝望住健豪熟睡嘅臉孔，或者只係錯覺，硬係覺得有種說不出嘅陌生感。
除此之外，幾乎每晚半夜，萍姐都會聽到有人喺屋外徘徊，除咗腳步聲仲聽到有人經過掃到屋外盆栽所發出嘅窸窣聲。
雖然自嗰次之後，已經聽唔到有怪聲，亦見唔到有任何靈體出現，但萍姐總係放心不下。
呢幾日留喺屋企嘅健豪亦變得愈來愈古怪，雙眼眼眶變得紫黑，笑起上嚟完全唔似以前嘅佢。有時候，萍姐半夜行出廳，竟然發現佢呆企喺浴室裏照鏡。
萍姐丈夫無宗教信仰，只帶咗健豪去睇醫生，但醫生話只係一般受驚，無乜大礙。
眼見事情變得愈來愈嚴重，萍姐托朋友搵到阿公幫忙。阿公聽完來龍去脈之後，就前往琵琶洲睇睇健豪。
阿公第一眼望到健豪，先睇吓佢眼球底部有無黑線或紅線，檢查佢有無被落降頭。阿公話聞到健豪有一陣燒焦嘅泥土氣味，呢種係遊魂野鬼先有嘅氣味，但健豪嘅情況唔像被鬼附身。
阿公叫健豪脫去上衣，發現沿住脊椎有十二個發黑嘅針孔，針孔非常細小難以被發現。
「妳之前喺窗外聽到嘅，的確係妳個仔嘅求救聲。而你個仔嘅軀體被遊魂野鬼奪舍。」阿公。
「奪舍？點解會咁㗎？」萍姐。
「有人用針刺入佢體內，佢嘅魂魄會從脊椎慢慢散走，再畀遊魂野鬼入侵。」
「係咪嗰個雪糕車嘅阿伯？」
「我唔知道佢咁做嘅目的，但首先要召返你個仔嘅魂返嚟。」
阿公喺健豪嘅背上畫咒，遊魂野鬼似乎知道阿公想驅逐佢離開，立即大叫又猛力掙扎，仲發狂砸爛晒屋企嘅嘢，點都唔肯畀阿公接近。
「乖…乖…無事，係咪整痛你啊？」萍姐始終心疼自己個仔。
「忍一忍，再咁樣落去，妳個仔嘅魂魄會慢慢消散。」阿公。
「媽媽，我唔要啊，我會乖乖聽話喇，唔好咁啦，好痛啊。」健豪撲進萍姐懷中，聲淚俱下。
「萍姐，相信我，我會救返佢。」阿公。
萍姐咬緊牙關，點一點頭，雙手抓住健豪。
「媽咪妳做咩啊？我唔要啊！嗚～」健豪發出淒慘嘅哭叫聲，但萍姐狠下心頭將佢捉得更緊。
「安靜！」阿公燒咗一杯符水強行灌入健豪口中，又用紅色硃沙喺背上寫咒。
健豪捏住喉嚨，甚狀痛苦，不斷大力咳嗽。
「師傅，佢會唔會有事㗎？」萍姐。
「妳睇吓。」阿公指向健豪背脊。
背脊上嘅針孔，慢慢有黑色嘅幼針冒出來，阿公小心奕奕將幼孔全部拔除後，再將幼針放入另一杯符水內。原本清澈嘅符水，竟喺一瞬間變成深綠色嘅墨水一樣。
健豪全身冒冷汗，喺床上昏睡過去，阿公用一張黃色寫有符咒嘅布蓋喺健豪身上。
「佢裏面嘅遊魂野鬼已經離開咗，畀佢休息一陣，而家佢魂魄非常虛弱，過兩日就會發高燒，我哋要盡快搵到散落喺外面嘅魂先得。」
呢一日，阿公留喺萍姐屋企等到凌晨三點先出發，佢話這個時辰係陰氣最旺嘅時候，比較容易找到健豪嘅魂。
萍姐跟住阿公喺深夜嘅琵琶洲上四處尋找，阿公將一個類似銅鈴嘅法器握入手中，佢話只要銅鈴一響，就代表有靈體喺附近。
走到碼頭附近，喺阿公手中嘅銅鈴不斷震盪。阿公眉頭緊鎖，猶豫不決咁察看著四周圍。
「師父，搵唔搵到？」萍姐。
「呢度有太多靈體，妳個仔只得半個魂被打出體外，我好難分辨到邊個魂先係屬於健豪。稍有差池，佢又會被其他靈體附身。」阿公。
就喺呢個時候，遠處竟然傳來雪糕車嘅音樂。
阿公亦見到周圍嘅遊魂野鬼，慢慢向住雪糕車嘅方向飄過去…
「解鈴還需繫鈴人，想要知道真相，就要搵佢問清楚。」阿公。
（待續）
下集應該結局了！
＊喜歡阿公，請花半秒like & share＊
《阿公講鬼３》小說已經推出！
書店沒有，只能網購：
購買連結：https://bluegodzistore.boutir.com/
＊＊＊＊＊＊＊＊＊＊＊
＊＊＊繁中華語版＊＊＊
＊＊＊＊＊＊＊＊＊＊＊
萍姐慌得完全亂了陣腳，看出窗外又回頭看醒來的兒子。
最後萍姐還是決定先安頓在床上一臉懵然的健豪。她凝望著健豪熟睡的臉，或許只是錯覺，卻有種說不出的陌生感。
除此之外，幾乎每晚半夜，萍姐都會聽見有人在屋外徘徊，除了腳步聲還聽到有人經過掃到屋外盆栽所發出的窸窣聲。
雖然再也聽不到怪聲，也看不見有任何靈體出現，但萍姐總是放心不下。
在家裏的健豪也變得愈來愈古怪，他的眼眶變得紫黑，笑起來也不像以前的他。有時候，萍姐半夜走出廳外，竟發現他呆站在浴室裏照鏡。
丈夫沒有宗教信仰，只帶健豪去看醫生，但醫生說只是一般受驚，沒有大礙。
眼見事情變得愈來愈嚴重，萍姐托朋友找到阿公幫忙。阿公聽完來龍去脈之後，就前往琵琶洲看看健豪。
阿公第一眼看到健豪，先看他的眼球底部有沒有黑線或紅線，檢查他有沒有被下降頭。阿公說嗅到健豪有一陣燒焦的泥土氣味，這是遊魂野鬼才有的氣味，可是，健豪的情況不像被鬼附身。
阿公叫健豪脫去上衣，發現沿著脊椎有十二個發黑的針孔，針孔很小難以被發現。
「妳之前在窗外聽到的，的確是妳兒子的求救聲。而你兒子的軀體，被遊魂野鬼奪舍了。」阿公。
「怎麼會這樣？」萍姐。
「有人把針刺進他的體內，他的魂魄會從脊椎慢慢散走，再讓遊魂野鬼入侵。」
「是那個雪糕車的阿伯嗎？」
「我不知道他這樣做的目的，但我先把你兒子的魂召回來吧。」
阿公在健豪的背上畫咒，遊魂野鬼似乎知道阿公想驅逐它離開，立即大叫又猛力掙扎，還發狂砸爛家裏的東西，不讓阿公接近。
「乖…乖…沒事，把你弄痛了嗎？」萍姐始終心疼自己的兒子。
「忍一忍吧，再持續下去，妳兒子的魂魄在外面會慢慢消散。」阿公。
「媽媽，我不要，我會乖乖聽話了，不要這樣。」健豪撲進萍姐的懷中，聲淚俱下。
「萍姐，相信我，我會救他的。」阿公。
萍姐咬緊牙關，點一點頭，雙手抓住健豪。
「媽媽妳幹嗎？我不要！嗚～」健豪發出淒慘的哭叫聲，但萍姐狠下心頭將他抓得更緊。
「安靜！」阿公燒了一杯符水強行灌進健豪口裏，又用紅色的硃沙在背上寫咒。
健豪捏住喉嚨，甚狀痛苦，不斷地大力咳嗽。
「師傅，他不會有事吧？」萍姐。
「妳看看。」阿公指向健豪的背。
背脊上的針孔，慢慢有黑色的幼針冒出來，阿公小心的將它們全部拔除後，再將幼針放進另一杯符水內。原本清澈的符水，竟在一瞬間變成深綠色的墨水一樣。
健豪全身冒冷汗，在床上昏睡過去，阿公用一張黃色寫有符咒的布蓋在健豪身上。
「裏面的遊魂野鬼已經離開了，先讓他休息一下，現在他的魂魄非常虛弱，隔天會發高燒，我們要盡快找到散落在外面的魂才行。」
這天，阿公留在萍姐的家等到凌晨三點才出外，他說這個時辰是陰氣最旺的時候，比較容易找到健豪的魂。
萍姐跟著阿公在深夜的琵琶洲上四處尋找，阿公將一個像銅鈴的法器握在手中，他說只要銅鈴一響，就代表有靈體在附近。
走到碼頭附近，銅鈴一直在阿公的手中震盪。阿公眉頭緊鎖，猶豫不決的察看著四周圍。
「師父，有找到嗎？」萍姐。
「這裏有太多靈體，妳兒子只有半個魂被打出體外，我很難分辨到哪個魂才是健豪。稍有差池，他又會被其他靈體附身。」阿公。
就在這個時候，遠處竟然傳來雪糕車的音樂。
阿公也看著周圍的遊魂野鬼，慢慢向著雪糕車的方向飄過去…
「解鈴還需繫鈴人，我想要找他問出真相了。」阿公。
（待續）
下集應該結局了
＊喜歡阿公，請花半秒like & share＊
《阿公講鬼３》小說已經推出！
書店沒有，只能網購：
購買連結：https://bluegodzistore.boutir.com/
