此為佔中三恥之一陳建民，佢向毓民落井下石，我不會怪他，因為如果有日佢收皮我都會拍手掌。但重點係，所謂雷動，就係佢老友戴耀廷攪出嚟，你話有冇私怨？
身邊仍然有朋友覺得我在誇大雷動對毓民的影響，我解釋埋最後今次。
1, 熱普城講咗唔參與，而你仍然夾硬去計埋熱普城（仲要用「我好大方益埋你嘅心態」向外人宣示），即係你而家係在熱普城不情願下夾硬幫佢配票；
2, 有人話雷動會有提議，但參與者有自由意志。這是廢話中的廢話，你開間茶餐廳有一款套餐俾人揀，放喺餐牌第一頁，同時又話俾人聽可以嗌其他食物，咁你係咪都引導緊人揀個套餐呢？最後最多人揀，幫你去最多貨嘅，係咪都預咗就係嗰個套餐呢？
3, 有人話參與雷動的不是真的很多人，熱普城支持者都唔會玩。但重點是4/9投票日，蘋果日報就借咗佢嘅數據與及「提議」當作新聞咁出，公開叫人放棄毓民，票投游蕙禎。自始幾多人參與雷動已經不再重要，因為蘋果已經將佢變成新聞，被影響嘅就係所有蘋果日報的讀者！尤其是大量原本不知雷動是甚麼的普通選民；
4，熱普城講咗唔參與雷動，而你仍然強行用埋佢嘅票源嚟「配票」俾游蕙禎，還當成新聞出街，而最後毓民只輸四百票，你夠膽仲話雷動冇影響？呢啲唔係種票係乜嘢？
5，蘋果與毓民有私怨人所共知，而家陳建民仲出埋個咁嘅post，你地肯明白未？
你用文字去寫衰一個人，再叫選民不要投他，還勉強可以算你「光明正大」，因為都叫由選民自己判斷他的價值，但你借一般選民對保持「非建制」議席的含糊式概念，公開去搧動民眾的投票意向，影響選舉的公正（再強調，熱普城一早話咗唔參與雷動），道德上，就真的說不過去。
再重申，我不是熱狗，一次熱血時報的節目都未聽過，我之前也有文章寫過我不喜歡黃洋逹，甚至競選前我連鄭松泰是誰都不知道，所以不用在這裡跟我講熱狗如何如何，我沒有興趣代他們講好說話。我只是一個在是次選舉支持熱普城的概念，與重視毓民在議會的價值的人。
當你在咒罵保皇黨用蛇齋餅糉去引導投票意向是種票之時，為甚麼你反過來又會覺得借一個所謂由電腦「統計」出來的消息去引導投票意向是冇問題？（再再強調，熱普城冇話要參與這個「配票」行動）當中的分別，難道只是一個寫在掌心，一個印在手機？還是一個明正言順吃了蛇齋餅糉，一個卻讓大家誤以為跟了就是正在支持「非建制」，感覺好似正義咗？
這單明顯借傳媒來左右選票的事件，沒有甚麼人理會，但當鄭松泰當選後，說要對付肥佬黎，大家卻覺得他私怨冇風度。這些年我們不是學懂要認清敵人嗎？他就是認清敵人喎！大家還要怪他？難道他的團隊被人不君子地傷害了，還要出來說我地以後要團結？識講門面假話的泛民議員已經好多，唔需要再多鄭松泰一個。
一個人再乞你憎，你再真心想佢輸，也請你讓他輸得公義一點。而嘔心的是，這個媒體，以至這班所謂學者，還竟然不停用著公義、民主來作招來，而很多人仍然覺得冇問題。
我不知戴耀廷是不是一個真心膠，我只是想再說一句--你收手啦，唔好再搞香港人啦好冇？
#最後的香港人
糉正字 在 【字言字語】曾鈺成—食「糉」定「粽」？ - YouTube 的八卦
端午節剛過去，大家應該會吃應節食物，至於是「糉」還是「粽」？其實兩個字都通用，但切記不要與「傻」字混淆，沒有人會吃「傻」。 ... <看更多>