樓盤專家教路，買呢類迷你戶新盤，要留意自己可以承受單位嘅供款壓力。但阿明清楚一樣嘢，就係好多所謂專家都係廢嘅，因為無人提過要有承受局促細面積單位嘅精神壓力。
新婚後入伙，响呢個二百呎唔夠嘅空間，一廳一廁一露台嘅格局入面，除咗張床之外已經無乜活動空間，阿明以為仲可以同老婆明嫂親密少少，但一個月唔夠，阿明知道响劏房入面，兩公婆永遠都係近距離你眼望我眼，精神壓力好大，明嫂越來越無理取鬧，阿明只能忍讓。
有朝起身，明嫂喊住話發夢見到阿明出軌，問阿明點解要咁做，阿明比唔到合理解釋亦無道歉。「你今晚唔好响房瞓！唔好同我瞓。」房乜春？大家不嬲都係响廳瞓。「總之唔好比我見到你。」
個晚收工，阿明返到去一眼就見到明嫂未嬲完，「你瞓同屙都响出面露台，除咗返工你唔好經過個廳。」佢望望出面個露台，發覺地下多咗個尿壺。尿壺都預備埋，佢知道明嫂唔係講笑。
阿明無出聲，扲住張披，揸住支水，擔咗張膠凳就走出露台。
單單一個鐘頭已經好難過，出面好凍，張凳好硬，個屎忽坐到好痛，佢隔住塊反光玻璃望住入面自己層供緊嘅單位，淚水開始響眼眶打轉，阿明忍唔住，輕輕拍咗幾吓玻璃門，雖然自己真係無錯，但不如都係講聲對唔住，希望明嫂心軟。
明嫂未開門，但旁邊反而出現另一把聲音：「第一次呀？係男人嘅就頂住。」出聲嘅係鄰居陳生，原來陳生都走出自己個露台，佢一路講一路好熟手咁打開張帆布床，仲放低個枕頭。原來男人被趕出露台瞓，似乎係新型劏房盤嘅常態 ，隔壁陳生何嘗唔係更慘，佢老婆差唔多成二百磅，180呎單位，畀老婆住咗入去，實用面積又再少多50呎，而家仲要比老婆趕埋出露台瞓。阿明有覺同病相連，一時感慨下，原來已滿臉淚水。
說時遲那時快，明嫂打開露台門，望住阿明：「阿明，你喊呀？」阿明並無把握呢個道歉機會，而係大喝一句「喊你條毛！」，然後繼續講：「塊面濕就係喊？我洗緊面準備瞓呀，我要你扲埋支補濕精華出嚟比我，呢度好乾，但我會頂得住，你唔道歉我係唔會入返嚟！」
明嫂當然無道歉，佢掉咗支曼秀雷敦男士滿水復活精華面霜出露台，然後大力鎖上門，阿明眼尾都無望過明嫂一眼，只係慢慢執起支嘢，撳咗啲面霜出嚟，溝埋自己的眼淚水一齊嚟滋潤佢俾風刮到乾哂嘅面，嗰一刻佢覺得好fresh，心境豁然開朗，然後慢慢擰側望住隔離露台o既陳生。目睹一切o既陳生，都睇到眼紅紅，佢以認同o既眼神，向住阿明用力點咗一下頭。兩個陌生男人各自响自己個露台度流馬尿，呢種惺惺相惜，只有住劏房o既有婦之夫先會明白。
可能因為呢篇文係廣告o既關係，坐響露台嘅阿明，成晚都唔捨得放低支曼秀雷敦男士滿水復活精華面霜；又可能因為佢含有非洲生命樹保濕精華，一搽就覺得散發出強大嘅生命力，咩尊嚴都返曬嚟。望住樽上「復活」兩隻字嘅佢，若有所思，如果畀佢揀多次，佢都會揀復活自己作為男人o既尊嚴，而唔係復活同老婆o既關係。
http://bit.ly/2rgzC9h
精華面霜 在 面霜精華- 優惠推薦- 2023年1月| 蝦皮購物台灣 的相關結果
正品推薦 萊蔻日本美白櫻花精華面霜 臉部保養補水保濕 收縮毛孔控油修護乳霜 溫和滋潤美白祛黃 乳液乳霜. $139. $68. 已售出529. 桃園市桃園區. ... <看更多>