是咁的，我做地盤。
今日晏晝放飯，我買咗碗牛腩河加啤酒。
「阿哥，無咗堂食喎。」粉麵店阿姐話。
「得喇！阿叔我單手拎住黎食！男人老狗，我唔驚熱既！」我。
阿姐冷笑咗一聲。
當我行出麵店，打算去附近公園坐低慢慢嘆。
我心諗，你班香港人真係唔捱得，外國人都係咁樣野餐咋！
點知…公園被紅膠帶封晒，唔講以為入面有命案發生。
算數！我行過去人少少嘅路邊食！
正當我打開個麵，諗起一個問題。
仆街…戶外口罩令，我一除低咗，咪犯法囉？！
話口未完，冚家富貴落雨！！我即刻閂返個蓋保護住碗牛腩河，連個天都玩鳩我！
唔緊要！我去商場啲後樓梯食！
好多廚房佬，晏晝落場都去嗰啲地方訓覺，仲有冷氣！不知幾爽！
點知，我一打開商場後門，見到已經有兩條友喺度食緊飯。
「室內限聚令兩人啊，過主啦！」其中一個話。
於是，我行晒成個區所有屋苑、商場…全部後樓梯都被人霸晒。
最後，我只好入去商場廁所，每格都有兩個人食緊飯！
我想食個飯啫，點解要咁對我喎？！
「你唔介意嘅入去食囉。」清潔廁所嘅阿叔，打開廁所放雜物嗰格畀我入去食飯。
我入到去，搬開啲雜物，坐咗喺廁所板。
突然間，一陣臭味傳過黎，隔籬廁格條仆街，食完飯即刻屙！
算數，我真係好肚餓…
我打開碗牛腩河，啲麵脹鳩晒！筷子夾極都夾唔起！
我飲咗一啖已經唔凍嘅啤酒，好苦，好澀
好似我人生一樣咁苦澀。
幾十歲人，我有咩苦未捱過？
我淨係唔想犯法，同埋食碗牛腩河啫…點解都咁囉啊？
嗰一刻，我忍唔住喊咗出嚟。
我唔敢抹眼淚，因為我啱啱先醒起，我唔記得洗手。
（完）
後記：
屌你老味弱智政府，我連寫個故都覺得自己唔合邏輯。
大家都知疫情好多嘢都唔方便，但大佬啊，你啲政策用吓腦吖
畀少少同理心唔會好難嘛？
喜歡文章花半秒like & share
轉載請註明出處
買小說支持作者：
新書《三分鐘熱度》開售！
https://bluegodzistore.boutir.com/
粉麵店 在 辣椒油橫飛｜粉麵店食客不滿大聲咳嘈交阿姐怒喝：打爛我啲嘢呀 的八卦
星島頭條#SingTaoHeadline緊貼新聞資訊▹ https://www.stheadline.com/《星島頭條》APP盡睇各項精采內容本地飲食▹ https://bit.ly/3PFC5E6健康資訊▹ ... ... <看更多>