＜＜＜家長指引：請勿胡亂試藥＞＞＞
電話響起～
我：「你好，乜乜…」
佢都未等我講完就：「係咪你開咗藥俾我個女食呀？」
我：「你好呀太太，你介唔介意俾你個女啲資料我先？我同你睇咗排版先呀～」
佢：「乜乜乜呀！」
我：「你有冇佢覆診卡號碼或者身分證號碼呀？」
佢：「我係佢阿媽點知咁多嘢呀？」
哦？即係我會比阿媽知得更多了解得更多？
我：「佢係幾時嚟睇呀？」
佢：「今朝呀！」
我望望今朝嘅紀錄：「請問太太你有啲咩想問㗎？」
佢：「你開咗啲咩藥水俾佢咁難飲呀？」
我望望排版，搵唔到有藥水一項：「太太呀？你話有藥水呀？你個女電話號碼係幾號呀？我同你對一對資料先呀～或者你俾佢聽呀」
佢：「佢沖緊涼呀，我問你咩藥水嚟都要佢聽㗎咩？」
我：「因為呢…醫生冇開到藥水俾佢㗎喎？」
佢：「咩嘢冇呀！喺你哋個醫生袋入面㗎！成包㗎！」
包？我：「我哋啲藥水一樽樽㗎喎」
佢：「喺你哋個醫生袋入面㗎！」
我：「係～知道～你介唔介意講我知隻藥水係咩色呀？」
佢：「粉粉哋紅，粉紅呀！透明嘅！」
我哋診所成年人藥冇粉紅色藥水啊～
我：「咁包裝係點嘅樣㗎？」
佢：「一條條，透明袋，好似韓國人飲藥咁唧入口，大包啲呀」
謎底已經解開啦！
我：「太太呀，你所講嘅應該係洗傷口藥水嚟，應該係你女女自己喺舖頭買嘅～唔係用嚟飲嘅～你飲咗呀？飲咗幾多呀？你介唔介意話我知係咩味呀？」
佢：「你自己試啦死仆街！」
嘟。
魚～太太你咁自私飲，唔話俾我知咩味…
粉紅色洗傷口藥水 在 粉紅色消毒藥水多個牌子受菌污染,可以點洗傷口? - YouTube 的八卦
近日港府先後公布六個牌子的 粉紅色 消毒 藥水 受惡菌感染,貓狗家長可以用什麼為毛孩 洗傷口 ?大家聽專寵獸醫診所資深獸醫助護CHERRY介紹。 ... <看更多>