一直有傳拍拖超過廿年嘅基仔同Lorraine會喺有寓意「一愛一世」嘅12月14日拉埋天窗，原來大家都估錯晒，兩人喺美國時間7月12日於拉斯維加斯正式註冊成為夫妻。尋日基仔喺微博發放一張喺外國one way公路手拖手影嘅婚紗相，寓意兩人攜手步入幸福單程路，sweet到漏啊！
據知兩人喺當地一間小教堂由律師見證下舉行婚禮，出席人數少過10個人，更冇圈中人；婚禮咁神秘，原來神秘到連新娘子都係當日先知自己要結婚架！知情人士透露，基仔表示想去拉斯維加斯度假玩吓，仲叫Lorraine向公司度7月嘅期；自己就另一邊廂偷偷籌備婚禮，希望俾個surprise Lorraine咁話。
基仔搵嚟一個經常合作拍MV嘅導演朋友幫手，book定教堂同餐聽，又買定禮服同戒指，為免露出馬腳，仲託人將婚紗先偷運過Vegas。
當日朝早基仔繼續做戲，話要去行街街，去到當地婚姻註冊處Lorraine先知咩事，雖然有啲嚇親，但都感動到眼濕濕！登記完，基仔就叫髮型師同化妝師幫老婆裝身，隨即喺小教堂行禮，歷時大約半個鐘。當晚佢哋再喺當地一間米芝蓮星級餐廳，請有份出席同幫手嘅朋友食飯慶祝；雖然冇大宴親朋，但兩人都相當隆重咁著上黑色禮服同紅色晚裝裙出席。席間兩人做足晒切結婚蛋糕同合卺交杯等儀式。
勞師動眾搞場大龍鳳，其實都係想俾個驚喜同難忘回憶對方，話晒呢段愛情長跑超過廿年，雖然對於結婚一早有共識，但都唔可以變成例行公事嘅。咁肯花心思為博Lorraine一笑，基仔呢啲好男人去邊度搵丫？(蘋果日報）
http://m.next.hk/news/ent/20140716/58493
-Admin丁丁
米 芝 蓮 星級 在 挑戰米芝蓮星級推介 - YouTube 的八卦
店名：El Celler de can Roca。地址：Carrer de Can Sunyer, 48, 17007 Girona 传奇级的世界第一米其林三星El Celler de can Roca ... From the ... ... <看更多>