鳩遊東京1
心思思想去東京好耐，然後去咗十日，個trip話咁快就完咗。第一日，10點幾機，轉車出到淺草附近經已6點。快手check in完就去附近搵下有咩好嘢食啦緊係，兜咗幾個圈，離遠見到有間好地道嘅扒房。出面有好多精美嘅食物模型，標住200g、300g唔同扒類，好肚餓嘅我就當然即刻9沖入去啦。一坐底，店員姐姐好溫柔咁遞上menu，我望一望，全部日文，冇圖冇英文，咁就問下佢有冇英文menu啦，哎呀，可惜又冇。但唔怕啦，呀叔咩洋腸咩大場面未見過，我見佢好多款式都有200g、300g、400g咁樣，應該唔同部位唔同煮法再揀份量架啫，是9但睇價錢揀個咪得囉，於是我就是但揀咗個400g嘅唔知乜嘢啦。
等咗一輪，首先有前菜，有湯，唔錯唔錯，食完之後再等多陣，呀，終於到主菜上場了。就係依個時侯，我望住佢拎咗碟好L大碟嘅Pasta放係我面前，我啤9住碟意粉心諗「嗯？乜撚嘢嚟？我塊扒呢？」再望下個店員，意圖用眼神話佢知係咪有咩搞錯咗，但佢用返好堅定好溫柔嘅眼神回應返我，再講咗句請慢用之類嘅嘢，我再望返碟意粉，霎時間好似明白咗啲嘢。冇錯喇，屌你個嘴，我叫咗碟400g嘅意粉呀仆街，400g意粉點撚樣食呀屌你，我唔係唔鍾意食pasta，只不過係冇諗過一心想食牛排會咗變咗做pasta，仲要咁撚大碟啫。就好似你諗住見到劉德華，點知嚟嘅係蔡楓華，真係屌一聲。
作為一個大鄉里，我真係第一次食pasta係段g計，估唔到咁樣嚟陰9我。但冇辦法啦，柒係自己手上，除咗食我都冇得揀，估唔到嘅係，一試又好乸好食喎。雖然好食但真係好撚大碟，食到一半就已經患上意粉恐懼症，但又唔能夠浪費食物，最後鬼叫我餓呀頂硬上，食咗大半個鐘終於食L晒成碟嘢。真係第一次食意粉食到懷疑人生，個晚真係好開心呀，我諗聽日一定會緊加開心架啫....就係咁，為東京之旅揭開一個美好嘅序幕。待續...
#第一日主要搭車同好攰冇咩影相之後個D就會有埋好多相畀大家睇
ig:hello.wong
第一日主要搭車同好攰冇咩影相之後個d就會有埋好多相畀大家睇 在 Hello Wong - 鳩遊東京1... | Facebook 的相關結果
鳩遊東京1 心思思想去東京好耐，然後去咗十日，個trip話咁快就完咗。第一日，10點幾機 ... 第一日主要搭車同好攰冇咩影相之後個D就會有埋好多相畀大家睇 ig:hello.wong. ... <看更多>