Search
讀者投稿《俾番我奶奶篇》
話說响我結婚的時候，都係簡單簽紙然後擺兩圍請下親戚食下飯就算。咁簡單的儀式，我同我先生係咁意著左件老西同簡單裙就算，反而我奶奶全日換左3套衫。當日我地搵左個朋友封大利事影snap shot就算，點知出黎的相，影奶奶多過影我地兩個主角。
最搞笑係咩呢，開頭我老爺奶奶講明唔會買金器比我，唔緊要，我嫁你個仔啫唔係嫁比金器。不過為免我屋企人知佢地唔買金器比我，以為佢地刻薄我呢個個新抱，所以我自費租左對龍鳳鈪黎影相比我媽媽睇，等我媽安心。
但當佢知道我屋企人個個都買左好多金器比我，佢地就覺得自己寒酸，死充都要去買返條金頸鏈比我帶住。形容下條鏈先，如果你有睇開電視古裝劇的話，就會見到d下官帶住條長到落心口的珠鏈，有一粒大少少的珠留比皇帝將佢賜死的鶴頂紅，變返金色就係佢地買比我條鏈啦！咁正的款唔知個自命後生潮人的奶奶係邊度買? 結果我梗係求其拎住影張相就算啦，唔係比機會佢賜死我呀？
最爆最難忘的係，簽完紙食完飯的當晚，佢走黎敲我地房門。。。。
收返條頸鏈。
退一步海闊天高。
讀者投稿短篇1《地獄廚神奶奶篇》
話說有次係屋企準備開飯，見到奶奶煮蝦米節瓜粉絲，好少係屋企食飯嘅我即刻心心眼，因為我好鍾意食節瓜！！！
點知碟餸煮完出嚟竟然變咗黃色，我個心離一離問奶奶加咗咩啦！原來"知慳識儉"嘅奶奶將噚日食剩嘅咖喱薯仔加埋落去，心諗都算喇....個樣係核突咗啲，咖喱味我都仲勉強接受到嘅！點知放到入口有另一種意想不到嘅怪味，再望一望碟餸有啲好似濕咗嘅紙巾係入面，鼓起勇氣再問奶奶係咩嚟啦，"充滿創意"嘅佢話老爺想食鹹蛋，咪放埋落去"吊一吊"味囉，仲話鹽都唔洗落...自此以後，我都唔敢再返屋企食飯。。
讀者投稿短篇2《Keep住龍鳳鈪奶奶篇》
話說上次見到有人留言話99擺完酒收返兩對龍鳳鈪，其實我都有同樣經歷。我老公就話因爲我地搬出去住，99怕會唔見所以幫我地keep住先，但擺酒前我地已經搬左，依家租約都至少一年死約，點會搬嚟搬去怕易唔見？而且係怕重要嘢唔見，就幫我地keep埋大學證書結婚證書果d啦！分明99計較或貪錢，覺得禮金果到俾多左肉赤囉！唉！呻完！
退一步海闊天高。
【#HKET創業故事】結婚一生人一次，龍鳳鈪都係戴一次，是否租比較划算呢？
http://ps.hket.com/article/2032017?r=mcsdfb2
地產站 Property Station
租龍鳳鈪 在 【#購物兵團】觀塘樓上舖潮租金器龍鳳鈪$980對、有爛唔駛賠? 的八卦
結婚使費一大筆，近年有唔少新人寧願「以租代買」金器，將慳返嘅錢用喺婚禮其他開支上面。觀塘呢間專租金器嘅樓上舖， 龍鳳鈪 、豬牌款式得體又新淨， ... ... <看更多>