【眼見方為真之5個南美行學懂的事】
【治安】
秘魯Cusco可以周街行，影相都冇問題。
熱水鎮更加安全，9成是遊客。
首都利馬要揀返住Miraflores就冇問題，自成一國有獨立保安。
玻利維亞首都拉巴斯唔算危險，只係人口同車超密集，密集到好似蟻窩咁。
玻利維亞Uyuni市中心唔大，大部分都係遊客join local tour，治安好，半夜行去跟團都冇俾人打劫。
【風土人情】
好純樸、不計較，會盡量幫你，你唔識去既地方會直頭親身帶你去。
係歷史遺跡方面，更睇得出佢地會好好保存自己既國家文物，好有心。
【氣候】
雨季去大約9/10月至3月 ，不停陣雨陣雨，所以去馬丘比丘有危機，因為除左驚落雨外，仲要驚埋大霧（果朝我地6點上到去大霧到一舊石都睇唔到），乜都影唔到就真係喊出黎。2月印加古道唔開冇得你攞苦黎辛，做苦行僧咁揀慢慢行上山，要同大圍一齊搭火車加巴士上。
夏季去熱到傻，去Uyuni有機會搵唔到天空之境，要揀間有經驗既tour agency，下次會詳講我地搵邊間。
【物價】
係join tour同交通洗得比較多，其他食野，買野都好平，食飽飽一餐兩人都係100蚊港紙鬆D，即使去擺明掠你水既local market買手信，佢地開價都唔係高，仲要有得再殺價。
【有乜要帶】
1. 防盜腰包 - 淘寶超平有找，扣係衫裡面好安全。
2. 必帶的護膚品 - 一支精華乳液走天涯，果邊高山地區真係好乾，一支保濕乳液都夠我同阿陳用，唔係洗完面會好乾。我是用 Irohada, 用完佢皮膚有自然紅潤感，去南美真心唔會日日搭長途車仲化妝，有呢個自然紅潤已經有個好氣息，我日日素顏個樣都好精神。 再黎就係一定要有潤唇膏，高山地區試過一晚唔記得搽，會訓到半夜個嘴因為乾到裂開而紮醒。
3. 藥物 - 除左普通既panadol同消炎藥要帶之外，仲有一定要帶高山症藥！高山藥有好多隻，我地食果隻叫海拔適，出發前48小時我地已經食定，一日2次，因為我地係搭飛機直到高海拔地區，到時先食就驚太遲。
4. 假銀包 - 因為真心驚俾人打劫。以防萬一就準備左呢個假銀包，入面有幾張已過期既廢信用卡同少少散紙，真係被打劫時就拎呢個俾佢敷衍左佢咪算！
其他餅、杯麵、公仔麵一定要帶，因為時差會係半夜2、3點起身（即香港下午3、4點），你會好肚餓又冇野食就好慘。
總之南美，我喜歡，喜愛它的味道、風土人情、我絕對會再去。 ✈️✈️✈️
下次去埋智利同亞馬遜，反正都打左黃熱針，唔好蹝果4舊幾水。最後就係南美人唔收爛左既美金架！佢地真係逐張檢查，所以唱美金果陣要小心啦！
Irohada : 曼秀雷敦 Mentholatum
---------
Our ig :
www.instagram.com/erieri.c
www.instagram.com/ronronchan
秘魯治安 在 秘魯治安在PTT/Dcard完整相關資訊 - 小文青生活 的八卦
關於「秘魯治安」標籤，搜尋引擎有相關的訊息討論：. 【 秘魯自由行】機票、簽證、換匯、治安、住宿、行程規劃全... - Klook2020年3月14日· 秘魯自由行行前準備看這篇 ... ... <看更多>