七, 八年前, 失業.
兩個月而已, 但已覺得自己很無用.
始終, 這是香港.
每時每刻, 都要用錢.
即使我不吃, 我當時養的那兩頭大狗也要吃.
吃得比我還多.
雖然, 牠們有時會食屎, 自己痾自己食番, 好環保慳家, 但這始終非長遠辦法!
不得已, 打開報紙, 搵工.
時為8月28日, 臨近9月1日開學, 卻竟然見到報紙上猶有私校急聘老師廣告!
自問別無他技, 只懂中文中史, 毅然應徵.
他急, 我也急.
面試時, 他們知道我是香港永久居民, 有身份證, 便立即請了!
這就是緣份.
從此, 正式開始教書.
該校是一所私校, 另有一個部門, 攪補習.
偏偏, 尚欠一名中文補習導師.
他們問我:
'驚唔驚拍廣告先?'
不知何故, 我對曝光這些較大陣仗倒不怕, 卻偏怕那些小東西如飛曱甴及四腳蛇!
於是我便由學校老師, 變為補習老師!
這就是緣份.
從此, 正式開始補習.
由於公司規模較小, 廣告資源不夠多, 於是惟有出奇制勝.
但今次, 確乎出奇得過火, 公司安排我們以一套電影'無極'的幾個角色造型拍廣告!
我被安排扮演一名將軍!
那時我曾試圖反抗, 但當然無效.
這個廣告, 成為史上最騎呢的補習社廣告!
惟一可自我安慰的是: 我真係出名了!
一次, 到樓下的茶餐廳, 向伙記嗌雲吞麵, 那伙記竟向我拱手作揖, 回應: '遵命, 將軍!'
看著他揚長而去, 我心中難免一聲聲慨嘆.
這就是緣份.
從此, 正式開始'出名'.
有一天, 到金魚街睇金魚.
男人的另類浪漫, 一街金魚佬.
正瀏覽間, 身旁的男人各我兜搭, 問: '咦, 你係咪將軍軍....呀, 唔係......張欣欣?'
兩個金魚佬, 便如此攀談起來.
原來, 他竟然是在活學做的.
我便是藉著他穿針引線, 來到今日的活學.
金魚街的偶遇.
這就是緣份.
從此, 正式開始在活學工作.
後來, 相熟了, 我問他:
'你做咩無啦啦睇睇下魚, 變咗睇人架?'
他說, 全因為我的將軍形象才引起他注意, 他克制不了云云......
之前, 我曾怨這個將軍形象的不堪, 所帶來的不便;
今天, 我卻全靠這將軍形象獲得大公司的青睞!
禍耶? 福耶?
原來, 萬事萬物, 禍福相依.
今天, 已在活學做了七年了!
這是緣份.
在這工作中, 我得到些微名利, 獲得上天賜福;
但, 我豈能只拿而不給?
無論是中文及教學上, 比我更有能力的比比皆是, 就今天所得的, 我更應要懂得感恩.
想想, 上天安排我有緣為師, 覺得便從課室開始吧.
任何學生, 如家庭是領綜援的, 或本身是傷殘的, 都可免費報我的中文班.
本來活學已半價優惠予清貧同學, 但你們放心, 我會為你們付清剩下的一半餘額學費給公司的.
不要怨自己貧困, 傷殘, 出身不好, 被人看輕.
禍福難料, 對嗎?
正如,
當日的我,
也只是一個被人唾罵的唏噓金魚佬將軍!
而更偏偏是,
今日, 我這個傻佬,
我老婆肯要!
這就是緣份!!
私補搵學生 在 邊度搵私補學生🙏🏻 - 港澳u life板 的八卦
啱升year1想問下大家個私補係點樣接返嚟，我聽朋友講上網嗰啲Tutor平台會食水好深想問吓大家意見同埋有冇搵私補介紹- 學生,大學,新生,補習班,港澳版. ... <看更多>