旅行篇：☀️見到大家反應都幾好，估唔到原來好多人都鍾意睇旅遊日誌，好啦，咁你哋真係要支持喎 ，我就繼續寫落去啦！🥰 記得俾個like我呀！👍🏻👍🏻👍🏻
福岡Day 2: 去咗 香椎花園 森林家族樂園
入場費 :大人$1100yen
小童（三歲以上） $700yen （3歲以下免費）
網址參考：www.nnr.co.jp/kashiikaen/ （日文)
入場後，首先會見到好多小型嘅機動遊戲🎪🎠（小火車，升空小飛象，小型過山車等等）🎡🎢
有一啲係投幣方式，大部分是要買代幣，印象中每坐一次每一位$300yen (大小同價）🤑
我帶2個小朋友坐1 round 已經係$900yen ( 即約$63港幣） 所以我建議，如果打算玩好多機動遊戲嘅話，就最好買佢個手帶無限次任坐 （ 手帶好似係$2xxx yen) 我地去當日突然下大雨，所以冇買手帶！
個園區好大，行過咗一條森林隧道，就正式進入森林家族公園。 🐰🐶好多影相位，幼兒及小朋友都適合⋯ 美中不足係入面好多設施（例如：想入森林家族間屋）都要單一收入場費。
入到盡頭有個巨型室內遊玩區（有波波池）呢個我就覺得好抵玩（當日基本上係我哋包場）
另外森林家族餐廳同禮品屋必去，食嘢打卡都抵！ 🍱🍧🍰
🏬公寓apartment 入住篇：（碌到最底有相）
見到有好多人問我地住邊一個apartment，其實我都係透過網上訂，呢間叫： 博多天神2號粋旅住宅酒店
（英文： Ikidane residential hotel hakata tenjin 2)
優點： 好新好乾淨，直情成間屋咁設備齊全
我訂個晚$400港幣咋！ 🤩🤩
一張雙人床一張日式榻榻米⋯ 2大2小夠住！
呢間 有電梯的（ 見過有人分享話住apartment 冇電梯要自己搬行李上幾層😱🥵
小缺點就係: 1) check-in 要自己搞掂( 跟email 指示
2) 要早check out ，10am 就要check out!
3）樓下停車位有可能滿 ，可嘗試早點email 預留（ 不過附近都有停車場）
🗣🗣🗣差啲唔記得咗仲有一點大家必定要留意： 呢類公寓式apartment check-in time 比較遲，5pm 先可check-in , 我覺得真係比較適合自駕遊，因為啲行李可以留喺車內，或者連續入住起碼2天，咁就唔使搬來搬去！
之後幾日仲有好多靚景行程，亦有住另一間apartment，後續
#HAHA之家 #福岡之旅 #回憶旅行篇
福岡自駕遊酒店 在 【2023福岡自駕遊】Vlog Ep8 平價回轉壽司飽到嘔! - YouTube 的八卦
福岡 #旅行vlog #壽司# 福岡自駕遊 【2023 福岡自駕遊 】Vlog Ep8 平價回轉壽司飽到嘔!|超高性價比無人 酒店 |600呎大房|4張雙人床今集由#別府開車到# 福岡 ... ... <看更多>