多謝 偽文豪。
記得我識佢時，就係喺男校。
話說當年體育堂，我唔單止冇得睇女孩子的肉，踢波仲會畀人逼去守龍。
記得有次，我企喺龍門嚇到腳軟，失咗幾球畀人小到想喊，坐喺場邊嘅偽文豪就衝出嚟話代我守，而佢嗰時隻手係打咗石膏，正宗單手撲球。
呢個恩情，細佬真係記一世。
【 專家Dickson的故事 是才氣不是運氣】
我幾歲識的神？十幾歲囉。因此，我睇住佢喺情路上仆仆街街，有成十年。當年見佢做兵做到將女神食剩嘅豬頭骨當係刻骨銘心戀人情侶鏈咀，我都陪過佢唱咗好多首王傑。
今非昔比，我呢期成日同佢講：「你而家唔憂啦，大把女埋你身啦！」佢淡淡然一句：「邊有？」……但係從佢眼神，我認為佢係已經唔志在。原來有啲嘢，當太容易得到時，就會變成咁。
寫呢篇文唔單止係為我自己呃Like，更加係想大家真真正正畀個Like我呢個好朋友。因為無論佢畀啲女點Hurt，無論佢喺職場上係點樣跌跌碰碰(佢曾經做過馬經)……但喺佢出名之前，佢都未曾放棄過寫作。佢寫新詩叻，寫語體文小說叻，寫廣東話小說都叻；而我最鍾意嘅，係佢寫嘅短篇小說，記得佢有一個系列叫做《往事回首堪嗟三部曲》，顧名思義，當然係文皺皺地講佢畀女Hurt嘅經歷，但係我夠膽講，從來冇人可以將呢份感覺寫得咁有《魂斷威尼斯》Feel，亦從來冇一個人，可以膠得咁透，同時間又貫徹呢種史詩式地溝唔到女嘅悲壯情懷，我甚至懷疑，佢係特登進入呢種不停被傷害嘅模式，去套取嗰一堆患得患失嘅失落感，然後滴出嚟嘅血，就成為佢寫作嘅泉源……
今日，佢真係紅到搭地鐵有人認得，甚至可以上 100毛嘅封面喇，但係我聽到某啲我同佢都識嘅人話：「佢真係好運/佢只係好運。」講真，我X你老尾咩！一個人能夠得到機會，係儲返嚟，儲嘅係性情、經歷同埋能力，尤其佢做嘅角色係毒L，所以至少要唔理人點睇先得，而呢種「唔理人點睇」，絕唔係泛泛之膠做得到。況且，100毛嘅同事同腦細都一定知，的神係一個一流嘅創作人，佢亦有佢自己一套嘅人生哲學，所以佢絕非毒L咁簡單；至於寫作，佢亦係我少數認同嘅作者，我真係好希望佢快啲出書，走上佢嘅作家之路。
當然啦，佢做的神呢個角色嗰種神髓，確實能夠畀人一種男人初次打J嘅震撼感覺，相信佢作為演員，未來會有更多精采嘅演繹。至於佢作為才子嘅一面，除咗即買今期100毛，支持佢嘅編輯工作之外，請Click入的神嘅寫作專頁： 榮泰星，欣賞佢如何修成金剛不壞嘅毒L童子身，欣賞佢手上面嘅才子之筆，係如何亦雅亦俗，與眾不同。
短篇新詩欣賞 在 新詩 的八卦
與新詩有關的話題. ... 回應晨心的慫恿，這次要分享高中時創作的新詩。 作品的題目分別為《偶遇》與《暮別》， 描寫的對象為當時通勤，時常巧遇的一位女同學， 透過 ... ... <看更多>