有日一位男士嚟到診所。
佢問我：「姑娘，你哋有冇減肥藥買呀？」
我望住已經好瘦嘅佢：「你仲要減？」
佢：「唔係我呀，我老婆要啫」
我：「我哋有睇體重管理嘅，不過都要佢親自嚟睇咗醫生先嘅」
佢：「咁有啲難搞喎，我叫過佢好多次減肥，佢都唔郁唔盛」
我：「我都冇可能就咁俾藥你，醫生開唔到藥㗎」
佢：「或者俾幾粒我返去試吓得唔得呀，係成粒丸定膠囊嚟？」
我：「唔可以啊，一定要佢親自嚟見醫生啊」
佢：「唔好啦，我哋下星期要去飲呀，我叫佢嚟佢一定唔嚟嘅，肥到成撻嘢咁，我拖佢出去見鄉親父老都樣衰啦」
…你咁嫌棄自己老婆嘅。
我：「就算減肥都唔會一減就瘦晒，都要慢慢減㗎，減太快對身體唔好」
佢：「咁點搞呀，佢一生完就肥到不得之了！佢未生前都唔係咁嘅，而家日日都好似見到成樽油咁」
…好簡單易明啫，有小朋友前佢淨係需要照顧自己，有小朋友後佢已經再冇時間照顧自己…
我：「有小朋友係會少咗時間扮靚嘅～」
佢：「已經唔係扮唔扮靚問題，係見到咁樣真係會反胃，佢仲話想生多個陪阿哥，搞得落先得㗎！起到機先得㗎！」
…賤…
我：「先生呀？嗰個係你老婆嚟㗎可？佢都已經為咗頭家變成咁，你仲要咁？」
佢：「阿姑娘？我家事關你咩事呀？痴線！」
先生離開了。
即使太太為你為家庭付出青春樣貌身材…你眼內都只有嫌棄，其實你先係最醜。
睇體 在 睇體ontv Sports 的八卦
睇體 本地籃球 · 【全場精華】香港籃球銀牌賽-滿貫90:80 香港東方 · 【全場精華】香港籃球銀牌賽-香港東方80:59 南華 · 【足本全場賽事】香港籃球銀牌賽-南華vs 滿貫. ... <看更多>