噚日篇文出咗之後，畀我知道原來呢種事一直以嚟都不斷發生，只係程度之別罷了。
文中嘅Agent噚晚WhatsApp我，寫咗篇千字文解釋，雖然有話「如果係我錯，我同你講對唔住」，但又問我係咪初幾次接廣告，可能唔清楚做廣告嘅情況。
我心平氣和逐一回應佢嘅謬誤之後，換嚟佢一句「我唔想意氣之爭」，將所有道理一槌定音成意氣。
我感覺真係冇必要再溝通，所以關電話瞓覺打算Close File。
但今朝一起身見到有十幾個未讀訊息，其中一個令我決定要再好好表明立場同用意，以及交代大家關注嘅稿費問題。
佢話：「你可以叫你的作家朋友甚至100毛黎圍鬧我，我又可以叫返我既報章同網媒黎造文章。但咁樣其實無意思。」
其實我為咗避免網絡公審已經刻意隱去咗Agency嘅名同佢本人嘅身份，而我寫嘅內容只係陳述事實，除咗電話對談，全部WhatsApp都有記錄。不少人（包括同為Agency者）睇完篇文都覺得佢嘅處理手法同態度有問題，並非只有我嘅朋友或前公司同事如此認為，同身份立場都無關。而且大家只係針對件事去發表意見，一句指名道姓嘅攻擊都冇，何來我動用人脈公審佢之說？
我寫出嚟係想話畀大家知現實有咁荒謬嘅事，勸戒Agency要尊重創作人，同時提醒各位Freelancer記得就算對方話幾趕都好，都要請佢白紙黑字簽訂Agreement，訂明價錢、完成日期同工作內容，亦可以協定好修改次數。咁樣合作時雙方都可以更有保障，以上就係我寫嗰篇文章嘅意思。
至於稿費方面，Agency表明會支付，我當初話唔收稿費係想以明心志，唔係想陷人於走數之不義。所以參考大家嘅留言後，我決定喺收到款項後全數捐畀眾生緣流浪動物之家，遲啲會將收據Post喺留言作記錄。
好感謝大家關心同幫忙，呢件事已經到此為止，我唔會再花時間回應佢嘅訊息，因為最大問題從來唔係工作內容，而係態度。
我可以保證，件事發展到如今，我真係一直都保持禮貌說理，一句惡言都冇講過，亦唔會開名做佢口中嘅網絡公審，因為我唔想散播仇恨。
我喺另一篇文章寫過：
「善良應該是更勇敢地點破真相，學會拒絕的手腕，就算換來不理解的咒罵，也不要討好了所有人，然後討厭了自己。
仁者無敵，不是打遍天下無敵手，而是我沒有敵人。我是這樣理解的。」
希望喺處理呢件事上面，我有盡力做到。
眾生緣流浪動物之家 在 眾生緣流浪動物之家Animal Shelter Of Love - Facebook 的相關結果
眾生緣流浪動物之家 是一個為無家的/被遺棄的毛孩遮風檔雨的庇護所， 給予有緣的眾生有一個溫飽的安樂窩。 也是給他們一個重生的機會。 何太(眾生緣負責人) ... ... <看更多>