我們的少女時代 - Twins
「姑姐 你去睇Twins演唱會？個兩個女人呀？」當侄仔問起我呢個問題個陣 我先醒起係喎...原來已經過左十五年 ，唔止Twins 我同我個年代既朋友都一早由𡃁妹變左做女人。
尋晚睇完Twins開既演唱會真係諗起好多童年回憶，講真 細個個陣邊有咁多野架,咩big bang 少女時代...咁多韓國明星架啫。仲記得個時我會儲埋d零用錢去買yes card，poster同CD。以前d手提電話冇得聽歌，所以我成日都會拎個部牛龜咁大部既CD機出街。
細個個陣 大人唔會明我地點解咁鐘意Twins，我阿爸仲話佢地唱歌唔好聽。其實如果你而家問番我轉頭 我都未必答到你。可能係因為細個接觸既野無咁多，佢地既外形又靚又可愛，再加埋d歌好貼近校園生活卦。我諗無乜邊個細個個陣 同佢個初戀分手之後無不停聽眼紅紅同多謝失戀呢兩隻歌。
仲有呢 以前同d Friend去唱K個陣 一定要揀邊個做阿sa邊個做阿嬌，咁岩好彩我就同我個中學老死一人鐘意一個，咁就每次都唔駛爭啦。又會試過同佢地嘈邊個靚d邊個好d，諗番起都覺得自己好低b。
聽番d舊歌，總會令你諗起以前有幾個曾經好好朋友 但而家已經無乜聯絡既friend，係facebook見到佢都有去睇演唱會，唔知佢又有無諗起我呢？仲有當年曾經為左一個男仔喊到要生要死 失戀就好似世界末日咁，而家佢都已經成家立室啦 原來時間真係過得好快。
以前係電視機見到Twins攞獎會好興奮，但作為一個曾經好鐘意佢地既小fans，見到佢地係情路上面跌跌撞撞左咁多年都未能開花結果，我而家更希望佢地可以揾到一個會愛護同照顧佢地既另一半，因為我相信一個再強既女人 內心都會希望會有一個人好錫自己。
Twins既歌真係陪伴左我地成個少女時代既成長，仲記得當年既我地...一開心唱飲歌 不開心唱飲歌，當中記錄我這麼長大過。唱到而家2016 我都仲係記得d歌詞，如果當年我將一半背歌詞既時間用黎背書，或者 我讀書會好叻，哈哈。
阿sa阿嬌 仲有我地呢班八,九十後要加油呀，雖然少女時代眨下眼就已經過左十年，又發現原來大個左會有咁多野要煩，其實細個個時都幾開心啊。不過無論將來條路會幾難行 都好 我相信大家都可以笑住捱過去既。
一齊努力啦 各位同我同年代成長既老少女老少年：）
____________________________________________
FB：空姐發夢日記 A daydreamer's diary
IG：genie1184
眼紅紅歌詞 在 眼紅紅歌詞Twins ※ Mojim.com - 魔鏡歌詞 的相關結果
眼紅紅 作詞：林夕作曲：伍樂城編曲：伍樂城監製：伍樂城C：仍然懷念他一起去學結他一對黑眼圈回望中三暑假以後我都冇掂過部結他，這暑假... 為求發洩出一切流眼淚亦無 ... ... <看更多>