間唔時就有人向我自薦想入毛記，
其實…我覺得…大部份想入毛記做嘅人可能都誤會咗…
毛記並唔係你哋想像中咁好。
尤其係當我認識咗莊偉忠先生同佢嘅管理理念之後，
我就更加自愧不如。
以我所知，佢真係完全一滴都唔會怪責同事，
出任何事時只會專心同同事共同解決問題。
雖然身為CEO，佢完全貼地，
完全明白前線同事嘅感受，會加以關心，加以獎勵。
簡單講，佢嘅管理係充滿…愛…
而我……就最缺依樣嘢，
你知啦…咩關心呀咩愛呀嗰啲嘢，好尷尬㗎嘛
（寫出嚟都尷尬病發……）
所以，毛記真係唔係你哋想像中咁好。
滿腔熱血入到嚟嗰啲，大部份都會忙到癲，癲到頹…
我仲唔係幾識關心你……
你哋咁熱血自薦入毛記，
不如試下自薦去莊生公司做好過啦……以前，
而家冇機會啦，人哋退咗休喇。
咁或者自薦入去條片入面攞獎嗰幾間公司做啦…
又或者自薦入Häagen-Dazs做啦…
佢哋搞得呢個撐打工仔嘅活動，應該…都會對員工幾好…呱
無論如何，希望越嚟越多公司同管理層都可以學習一下莊生嘅管理方針，
多啲獎勵下員工…關心員工…
我都……盡……量……啦……
有朝一日，我會「愛」我啲同事的話…你哋先自薦入嚟啦…
（嘩但係真係好尷尬……一講到愛呀關心呀就搞唔掂……遲啲先……）
【Häagen-Dazs™ X 莊偉忠 最有愛辦公室頒獎典禮】
最有愛的工作環境－要有五星級嘅茶水供應？定係有娛樂設施放鬆工作壓力？又或者無敵海景等眼睛去旅行？呢啲身外物有就固然好，但最重要都係肯關心同鼓勵每位同事！
係呀！我哋特意邀請咗莊偉忠呢位前良心CEO為我哋頒發「最有愛辦公室」獎項，宣揚重視員工之道～一齊睇吓呢三間得獎公司有咩獨門秘技令莊偉忠都like啦！各得獎公司都可以得到Häagen-Dazs™全新S-Bar，幫咁多位打工仔打打氣，一齊掌聲鼓勵一吓佢哋！
你公司都有咁好嘅員工福利？ 即刻同我地分享啦！
#haagendazs #icecream #Surprise #HDofficeattack #SBar #最有愛辦公室
眼睛去旅行 在 眼睛去旅行 的八卦
眼睛去旅行 ｜尋找童年回憶東京必去多啦A夢作者博物館｜叮噹｜多啦A夢｜博物館｜東京｜藤子F不二雄｜陳嘉慧｜童年回憶. TVB 綜藝. 8.4K views•3 years ago. ... <看更多>