有日一位女士睇完醫生，等攞藥。
我：「可以攞藥啦」
佢行埋嚟聽我講解啲藥點食。
我：「呢度三百蚊呀，病假紙收據放埋喺袋入面」
佢：「我仲有啲嘢想請教你」
唔好啦，多謝啦，我區區一個診所小賤人點教到你嘢呀，唔好咁客氣啦。
我：「你要唔要入返去問醫生？問醫生好啲喎」
佢喺自己袋度拎出兩個小藥袋：「呢啲係咪藥嚟呀？」
我望望，獸醫診所…
我：「係呀，不過係獸醫處方喎，你有唔清楚嘅地方去問返佢好啲」
佢：「我見個藥名好熟面口，係咪人食都得呀？」
我：「獸醫開俾動物食嘅，同人食嘅份量唔同啊」
佢：「呢隻呢…我好似喺你哋啲藥入面見過，你可唔可以幫我睇吓係咪呀？」
我：「你其實想問啲咩呢？」
佢笑笑：「哎呀，你咁直接問到我真係唔好意思」
我想打巴你。
佢再講：「唔知你可唔可以幫我放多幾粒落去俾我看門口呢？」
唔可以。
我：「你要配動物藥嘅話去返獸醫診所啊」
佢：「獸醫冇得claim嘛，我要幾粒看門口㗎咋，未必食㗎」
你講到我份人咁隨便，其他人又點會俾面？
我：「我唔會咁樣出藥俾你㗎」
佢：「我想知點解喎？順手咋喎，我成日喺度睇㗎喎，幾粒咋喎」
以閣下嘅智慧確實係幾難理解。
我：「你都唔會去獸醫診所度拎自己食嘅藥啦…你係人，唔係動物呀嘛」
佢『喵～』咗一聲：「我會呀，我係貓呀」
喵你屎忽，你去死啦。
我：「…你唔好咁啦，見你咁樣我都好難過，不如你去出面啲藥房問吓啦，應該唔係好貴嘅啫」
佢：「我唔想俾錢先嗌你放幾粒落去咋嘛，我明明記得你都有呢隻藥，個英文名又係有L有O」
我俾個『LOVE』你，你快L啲同我走，OK？
我：「我真係俾唔到你」
佢放低三百蚊：「咁我以後去第二度睇囉」
佢離開咗診所。
以後你係咪去睇獸醫呀？獸醫貴啲㗎喎，你老闆收唔收獸醫寫嘅病假紙㗎？咪住先，獸醫會寫病假紙㗎咩？
看門口 在 《看門狗：自由軍團》PC 遊戲| 官方網Ubisoft Store - 台灣 的相關結果
發現《看門狗：自由軍團》PC 遊戲！ ✓官方網Ubisoft Store - 台灣✓100 點Club 點數享8 折✓PC 下載遊戲. ... <看更多>