又有得食好嘢！好嘢！👏🏻👏🏻👏🏻
事緣係有朋友推介話要帶我去食啲老味。我聽到佢話食滷味，咁普通？哈哈哈，原來係美心嘅「食在老廣州」，我呢啲'年輕人'梗要跟佢去見識見識呢啲老廣州味道啦！😅😝😅
活喺吓吓要食新派嘢嘅年代，其實識得食'舊嘢'至叫識食！因為舊派菜講師傅們嘅功架，講烹調精粹，冇番咁上下功夫都未必識搞。今次我食到多款無論用料同製法都講究十足嘅菜式，等我慢慢記錄番先⋯⋯✍🏻✍🏻✍🏻
前菜有半新還舊鴨腳包同白雲山上凍豬手打響頭炮，胃口與眼界大開。豬手酸甜爽滑；而鴨腳包嘅味道係我第一次嚐，薄切五花腩替代傳統嘅鴨腸，將叉燒豬肚雞干鴨腳等材料包好，䶢香濃郁。跟住係講火候嘅鮑魚冬瓜盅，又矜貴又鮮香，夏天良伴！緊接係講手工嘅推介，古法脆皮糯米雞，好似一份雞形禮物包咁，逐層逐層拆開滿載驚喜；原隻脆皮雞入面已經拆骨不特止，仲釀入熟糯米、花生土魷冬菇等配料，皮香脆，肉嫰滑！仲有玉簪桂魚卷，桂花魚肉傍刀起片，捲住露筍、火腿，味道鮮中帶鹹香爽脆！菜單仲有魚腐玉翡翠、桂花銀簪炒涼瓜、大同竹笙扒鴿蛋，仲有仲有就係喺粵語長片成日聽到嘅「我請你食蓮子羹吖嗱」嘅妹仔蓮子羹。🔫🔫🔫
完美嘅一餐、令人回味嘅一餐、係回到老廣州食到嘅一餐。
想睇吓「食在老廣州」仲有啲乜嘢食，快啲去： https://goo.gl/VfPrSB
#美心中菜 #食在老廣州 #老廣州味道 #半新還舊鴨腳包 #白雲山上凍豬手 #鮑魚冬瓜盅 #古法脆皮糯米雞 #玉簪桂魚卷
