[節目更新][#白手黨]
「從百萬年薪到失業再創業」的生意買賣顧問公司「引領航」創辦人Flavia Ser
佘穎雯，生意買賣顧問公司「引領航」（AGPS）www.agps.com.hk 創辦人，及「教育中心」（Learning & Playgroup Center）投資者。80後既Flavia 大學時於香港城市大學就讀人力資源。父母皆係公務員，從小都教落Flavia「公務員，鐵飯碗」，即係要正正經經有份工啦。雖然生於公務員世家,但Flavia 完全無心打鐵飯碗工，反而但發覺自己唔係咁適合打工。但當年輕，不知就裏於二零零五年，加入李根興博士（Edwin）旗下「香港商機」（現名「盛滙商機」）打工，既打工又幫人做生意，簡直係Flavia夢寐以求既工作。
當時「香港商機」堪稱香港首間買賣生意公司，Flavia憶述箇時生意買賣部門，唔多過五個人，但女仔做依行就比較「蝕底」：畢竟當年自己要親身落到廚房同賣家商討，很多老闆都沒有受過高深教育，都品流複雜、亦有返咁上下年紀，自己又年輕都頗難同啲老闆相處。再者，好多「買家」都係第一次做生意，對生意點樣運作完全無認識，Flavia就話一定要陪往依班買家，一齊經歷生意點運作。如是者工時都唔太穩定，例如有賣家係酒吧老闆，交接就由零晨開始，一做就三、四個鐘；又有賣家係街邊報紙檔，報紙一般都係零晨兩點送貨，Flavia就由頭跟到落尾，第日又要準時返工，箇中辛酸完全不為外人道。
百萬年薪到白手興家
三十出頭，貴為資深經理，管理旗下三十幾人，月入都有五六萬左右，生意好時佣金更高。但於2013年老闆Edwin就表示，希望將公司轉為商鋪基金公司。Flavia回憶當日係七月三號，Edwin就召集同事，分批解僱。主持Laurence反而好想知道Flavia點面對「晴天霹靂」呢？Flavia坦言，當年都有發函求職，但要找到一份人工相近的工作，真係絕對唔易。寄了近百封求職信，一點回音都無，真係好沮喪，Flavia 已作最壞打算，亦已經疊埋心水做返個普通Sales以維持生計。
幸好當時幾位同事都面對失業問題，其中就一位叫Clement Wong 主動聯絡Flavia，問下有無興趣「重操故業」，另組公司買賣生意，但身處管理層既Flavia已經無咩見客，更別遑論要call 客，所以就請幾位相熟舊同事sales 飲茶，希望招攬人手。Flavia 席間道出困難之處就係同事可能無咩底薪，整檯人聽到都鴉雀無聲。可幸，飲完茶後有兩位同事就坦言：「如果係你兩位我一定跟」因為佢地都見過Flavia同Clement 辦事，覺得跟得過。好彩佢地兩位舊同事都唔太大家庭負擔，可以拼搏，於是就加入成為團隊一員。
Flavia表示，其實生意買賣雙方都可能係第一次做生意交易，所以Flavia服務絕對係一絲不苟。但營業初期，仲未物色到辦公室，始終香港租貴，一簽重要簽兩年，對創業者絕對係大負擔。靈機一觸，拍檔有位關係幾好嘅婚禮統籌公司老闆，希望想租用佢個辦公室。面談之後，最後都合作得成，月租數千元就解決辦公室問題，搬埋兩張寫字枱就辦公；主持Laurence笑稱，Flavia創業成本之低真係好厲害。雖然解決左辦公室問題，但畢竟箇間辦公室唔太適合「見客」，好彩幾位舊客都唔太介意；但面對「生客」，佢地就希望上辦公室睇下佢地公司咩規模，面對依啲情況Flavia 係一年後終於正式成立現時係旺角接近2千呎的辦公室。Flavia嘆稱：「以前大公司八千呎，但依家真係用唔返以前箇套。」。創業之初的每個月，Flaiva都問員工會唔會同我地一齊繼續，佢地都會話「繼續！繼續！我地將來一定會有自己辦公室嘅！」最後捱過一段時間，目標終於達成，可謂「苦盡甘來」！
生意買賣101
生意買賣，一句以蔽之，其實即係「頂讓」，但Flavia認為，佢地依行更講求「生意價值」。以前人地唔熟就會覺得佢地係「經紀」，幫人搵鋪；但Flavia自言佢地係「顧問」，指導買家適唔適合、有唔有能力等等，協助佢地搵到一盤「好生意」。了解東主「放盤」原因，如果係因為東主退休、離港，質素相對較高；另外有啲希望試下自己盤生意值幾錢。最重要都係同買賣雙方都有「信任」。盈利方面，公司向買賣雙方各收顧問服務費，多數係成交價一成。Flavia亦有分享少少「行情」：做生意做左十幾二十年，現時有唔少老闆都被邀請北上協助業務，所以就出讓香港業務。但Flavia建議，剛剛做生意，唔適合北上拓展。但向香港都未做過生意，返大陸就更加危險。
雖然現時香港好多「問題」，各行業競爭都好激烈，但依然有人創業，依然有人成功，所以機會都重係有。Flavia就提醒有意創業者了解上一手東主做成點，你又諗下自己可唔可以更上一層樓。如果你有能力有膽識，不妨考慮透過生意買賣方式創業！
最後，Flavia身為「創業家」，最重要係「知行合一」，唔好「齋諗唔做」。此外，「真誠待人」好重要，Flavia強調：「最後會好多貴人相助。」今日幫人一丈，他朝受惠者都會回顧你一尺。
https://youtu.be/uBgAlI1ku0s
白手黨 在 〈白手黨〉20150320 ep1 pt1 of 4 --- 從副學士一直到跨國公司 ... 的八卦
80後陳國章Oscar, 從副學士一直到跨國公司最高層人員提到副學士生，往往只會令大家諗到究竟讀了有無前途，將來有無成就等。不過, 貴為仲量聯行中國 ... ... <看更多>