昨天有朋友由台北回港坐國泰，大呻飛機餐只有一包飲品及一個包(酥)。從這個飛機餐組合，或多或少可了解近年國泰衰落的原因…… #因航
去年底，我也是搭國泰由台北返港，是買港龍機票，班機是和國泰code sharing。飛機於晚上7:40PM由桃園機場起飛，我都預左沒有完整的飛機餐，之但係當空姐送來一包雀巢檸檬茶及一個看來很乾的包(酥)，都真係有點失望。
雀檸有一股化學劑感覺的怪味，未必個個鐘意飲。上機前才去完間咖啡店嘆完杯超正咖啡，而台北的幾天去夜市掃街，尋回舌尖上的味覺，國泰機上送來的，卻是一包雀檸……落差實在太大。
或許國泰用心良苦，想用包雀檸來提醒你快將返回香港這個現實世界。之但係國泰比中華航空及香港快運都貴好多，想要一包好少少的飲品，都唔係好過份啫，國泰你唔係廉航呀﹗
順帶一提，國泰用了一個綠色絲帶的精裝紙袋，盛載著雀檸及個酥。食完飲完，究竟個袋可以點？一架飛機幾百人，就耗費了數百個紙袋。有部份空姐自發收集番這些袋，放到回收箱，值得一讚。當環保減廢越來越重要(召喚 大嘥鬼 Big Waster)，減輕飛機重量也可減少耗油，國泰其實可以在環保行多一步。給國泰一個提議，可以用一張印上國泰logo、較薄的紙來包個酥，便可省回紙袋，亦夠體面。
所謂見微知著，一包雀檸及一個多餘的紙袋，已看到國泰由一個香港引以為傲的品牌，慢慢變成越來越似廉航。最近聽到國泰構思於部份飛機由每行9個位增至10個位，每個位的闊度將收窄。其實，有冇人知國泰未來想點？
或許批評國泰的人，仍對它有點期望，當然這期望已越跌越低。希望 Cathay Pacific Airways可以盡快回應我的善意批評，至於何時回應，也可看出國泰的誠意，是否珍惜乘客意見。(今個星期內回覆是很好，今日內回覆就國泰仲有希望)(若石沉大海，可以同國泰講bye bye)
#當然我係反三跑及不鼓勵大家經常搭飛機
#縱使如此都唔想國泰執笠
Michael Mo
