//當愛變成習慣遺忘了你的好
K2仔今年要報小一喇....近排同啲媽媽同事傾開計，細路五、六歲呢段時間，都係煩湊仔，大家一致認為，湊小朋友最激心嘅，除左叫佢哋食飯，就係要陪佢哋寫字做功課。
可能大家見到小茄都係頑皮一面，畢竟佢都係一個小朋友，出活動拍野都會好開心，出現太興奮嘅情況...
其實平日一至五留喺屋企嘅佢，的確係一個好有規律嘅人，食正餐食水果從來不用費心，放學返嚟主動食飯做功課。佢超級鍾意寫字，做完老師嘅功課，再要搵啲簿出嚟寫字，呢排仲學人做小老師自己出數學題或者設計啲功課比婆婆做...晚上八點就主動拎啲字卡出嚟溫習，睇書背下詩文，每日自動自覺9:30 pm就話要返房瞓覺,因為明天要返學上課，要學習新知識喎。
當然，休息時間都會玩下佢最鍾意嘅新幹線戰士機械人啦。
以上不是要讚美他有多好多乖
而是這幾年來，我默默覺得這是理所當然事...因為基本的，他已經做到，大人們總是錯fo ,你能力得嘅，我就想你做好啲。
死啦，我從來冇覺得他特 別 乖。
//今天擁有的不是僥倖，要珍惜今天自己所擁有的。
//要欣賞別人的優點，不要着眼於別人的缺點。
成日教人要放手；原來，對住自己個仔最苛刻。
嗯，都係果句 , 要記住自己嘅初心, 為佢好也要為自己好，唔好變咗怪獸老母哦。
#兒子你好乖乖的
#人在LA
#jetlag廢文
