【珍惜一杯水】
開工前到快餐店醫肚，見到小朋友一支箭飛到座位前霸位，大聲叫要飲水，又呢又路嘈到爆。
婆婆隨即拿了一杯水來，說：「你正經飲，唔好浪費呀，水好矜貴架。」
小朋友當然睬你都傻，飲兩啖又話要飲汽水。婆婆：「要飲晒啲水先可以飲第二樣，做人唔可以咁三心兩意。」小朋友開始發爛之際，婆婆摸住佢大脾話：「依家婆婆都可以教你，第日婆婆死咗就無人同你講呢啲道理架啦。你要記住珍惜你有嘅嘢，唔係想要咩就有架。」
小朋友呆望了婆婆兩秒，突然嗚咽起來：「我唔記住，我要婆婆日日講俾我聽。你死咗邊個帶我食豬扒飯呀！」
婆婆笑住攬住個孫：「好啦好啦，咪少少事就喊得架。婆婆幫你飲半杯水，飲晒我哋去買豬扒飯啦。」
雖然一開始我覺得呢個細路曳到爆，又衝又叫，但我相信佢大個之後，一定會記住婆婆嘅說話，尤其是食豬扒飯嘅時候。
#好感動 #婆婆喺你個孫心目中無咗你帶佢食豬扒飯絕對係大件事 #當全世界鬧怪獸家長嘅時候要記得仍有人好努力教育下一代 #婆婆祝你身體健康 #我都好掛住我阿婆
