成日話扮靚係女人嘅終身事業，咁呢個事業由幾時開始？大概要追溯返去初中。
本來妳嘅世界好簡單，唔會有「護膚品」、「化妝品」、「做Facial」出現。妳甚至有少少鄙視嗰啲懶係靚嘅女仔，好肯定咁同自己講，唔會為咗靚搞到自己咁辛苦。
可惜有一日，妳嘅好朋友好似創世記入面條蛇咁，引誘妳陪佢買嘢，仲無啦啦拉埋妳落水：「嘩⋯妳咁樣真係唔得，冇男仔鍾意妳㗎！」結果，妳就陷入咗無底深潭，無盡深淵。
妳被誘惑到，因為當時真係出現咗個妳暗戀嘅男仔。妳開始打扮，但唔識點扮，信咗牙膏可以當暗瘡膏，亂搽Cream搞到太笠生暗粒，好啦唔搽囉點知又乾到甩皮，已經唔講用錯幾多次嘢，搞到敏感唔想見人。
原來，打扮真係咁辛苦。
可惜，呢個只係第一階段。
之後，妳嘅世界唔只有好朋友，仲有男朋友。有啲老套，妳好想成為佢眼中最靚嘅人，但殘酷嘅係，妳身邊，佢身邊，點解都好似有咁多靚過自己嘅人？喂，上lecture啫，使唔使化到咁行？你呀，唔准再望前面個低胸短裙。
同人比較好痛苦，妳唯有更加努力去學打扮，學襯衫，接受貴嘢都係會搽得唔好，現實就係Your Face Your Fate，妳好冇安全感，好驚隔離嗰個有一日，連望妳一眼都唔想。
為咗打扮，原來妳可以去到好盡。
直到有一日，妳如常咁喺返工前化妝照鏡，覺得今日個妝化得唔錯，妳好開心，好有滿足感。
妳明白到，每日返工咁辛苦，做到不似人形，而家開始自己搵錢，獎下自己，食餐好嘢做個Facial好合理，要錫下自己。妳以前覺得，扮靚係希望有人欣賞自己，好朋友羡慕妳，男朋友傾慕妳，但原來做咁多嘢，其實係氹自己，想令自己有返啲自信。直到有一日，你終於唔再介意人哋有冇欣賞妳，因為妳同自己講：「無論點都好，都要好好愛自己。」
扮靚，可能真係扮一世。但已經唔係一種壓力，只係一個選擇。
Keep好自己，只係希望有一日起身，唔使再煩化唔化妝，就算素顏都唔驚。心情好，又得閒咪先化下妝囉。
化妝定素顏，係自己選擇。
想點就點。
【得閒睇埋呢度】沒有最了解，只有更了解，依家有隻好得意嘅Game，由內到外咁同妳分析自己，玩完妳就會知點樣再靚啲，登記埋仲有Reenex膠原自生facial treatment、BIODERMA深層卸妝潔膚水250ml(總值$978)送𠻹：http://bit.ly/RKOLS0316D
FB: 莎比亞
Follow IG睇獨家Sweet相同片: sapeiar
男朋友冇安全感 在 男朋友係咪好冇安全感？ - 港澳感情事板 | Dcard 的八卦
唔可以同其他男仔傾計！去左邊到做左咩！做咩唔覆佢！點解買左咩唔同佢講！經常check我電話等，以上呢啲行為係咪代表佢好冇安全感？ - 安全感,男朋友, ... ... <看更多>