Search
芬蘭的美好教育，香港一樣做到。
每個學生都重要，每個小朋友的作品都值得欣賞。「只要做老師的不要忘記初心，北歐式教育我哋一樣做到。」 bit.ly/2FEf7w7
#理解佢哋尊重佢哋 #而唔係唔係一味催谷
===============
►【零家課】整靚班房推正向教育 小學雞放假無學返唔開心 bit.ly/2FEf57t
►【動畫】過百人生濃縮成22頁 19歲女幫102歲伯伯寫回憶錄 bit.ly/2FEf839
===============
請即 Follow 果籽 IG 👉🏻instagr.am/as.appleseed
果然好玩，籽在四方。緊貼報道，即睇 as.appledaily.com
蟬唱不斷，斥訴着深水埗鬧市的翳悶；蟲鳴不止，嗟嘆怎麼仍未爬離車水馬龍的大埔道。
颼颼啾啾，忽而一陣涼意撫慰一身風塵汗雨。冷風源自右邊的小店。然而，小店並非如風般清新，只見門外攤放着鋪了薄薄塵土的杯碟﹑電插座﹑行李箱等各種風馬牛不相干的雜貨。舉目掃視，店內擺設密密麻麻，未來得及看清貨物，雙目就被上方一道赤熱刺中，瞇眼一瞥，原來是暉光灑落在殘紅的招牌上，招致反光，勉強睜開眼睛，「聯盈公司夜冷」數隻燦黃大字映入眼簾。
啊，原來是夜冷店。
往事一如輕煙
涼風又至之時，一名目測年約五十男人亦步至門外，身穿棗紅恤衫的他，與紅招牌相當搭調。只見他叼着一根香煙，點燃起煙草。縷縷輕煙揚起，收起老煙槍的淡然，他漾出一抹頗傻氣的笑容，介紹着自己是店主，人稱小明。呼出一口煙，他口沫滔滔地介紹着這間與他相好四十載的店子。
「夜冷」一詞，其實從葡萄牙文「Leilao」繙譯過來，後來傳到廈門、汕頭有所變異，輾轉傳到廣州，方才開始叫「夜冷」。小明搔了搔頭：「我唔識英文，總之我哋叫拍賣行做『冷行』，拍到嘢就叫『出冷』。」夜冷店嘛，當然是賣舊貨，真正的夜冷貨，正是由拍賣得來，而非私人買賣。每逢有店鋪﹑公司倒閉或住家欠租遭收樓，該址的物品一律由法庭執達吏查封，或者經會計師樓﹑清盤人﹑破產管理處處理。譬如說某月一號封鋪；七號就會通知夜冷老闆前來看貨估價，假貨、破貨一律不打價；八號早上十一時到拍賣行舉手拍賣，價高者得。投得者分配到數天時間到店裏把認為有用的貨物搬走，再安置於夜冷店裏出售。
這是一家老夜冷，由小明父親開辦，莫問年月，只記得小學畢業，十二、三歲就於店裏幫忙，後來爸爸年紀漸老退休，由他正式接手。回想起二十來歲那個年代，沒有一百都有幾十人做夜冷，因為賺錢多，買一百元的貨賺一百元﹑甚至幾百元。例如投得店鋪後，他們會四處貼上大字報，着街坊到現場拍賣。原因是當時執法沒那麼嚴謹，他們就利用法律漏洞，省下高昂的搬運費。只是，時移世易，現時實在的只可搬，不能賣，加上搬運費幾倍增，目前買一百元貨物，只賺到十五元。數數手指，由他父親那年代經營至今的夜冷店，不出兩間。而今天真正的夜冷店，也只餘數間而已。現時有很多大大小小的夜冷店，都只是掛羊頭，賣狗肉，他調侃：「好多自稱夜冷店，但其實喺內地買新貨返嚟賣，同日本城有乜分別？」
不知何時，煙已快燒盡，他吸一口，又言：「呢一行，愈嚟愈式微。」說起往事，他臉上帶點蒼涼。呼出白煙，開始理解他何故抽煙，輕輕的，如舊事。現實，又豈能如煙。
心細一如渺塵
丟掉殘煙，小明率先步進店內。繞視一周，小店呈長方形，前作買賣，後為辦公，確實是老派。貨架上的夜冷貨林林總總，最接近門口的，是衣物胸圍，排放得井然有序；刀叉碗碟﹑罐頭汽水則放在箱子裏分好類。來到中間的貨架，則放滿了花瓶﹑木製家具﹑電器﹑擺設，較昂貴的已用膠紙封好，天花上掛了數台正在轉動的電風扇。店之深處，則於高處擺放着各類名酒﹑海味藥材；金銀珠寶如珠寶店般用玻璃飾櫃放好，附近都有員工看守。這裏啊，似乎說得出的，都能找得到。對小明而言，做夜冷店最考功夫，就是第七日看貨估價的程序：「乜都靠經驗，我十幾歲做起，冇乜瞞得過我雙眼。」何止眼，要耳﹑口﹑鼻多管齊下。
第一，眼見。例如他看雪櫃，雪櫃型號他一看就大概知道價錢，值錢又新淨的才打價；鋼具，要看是不鏽鋼還是不鏽鐵，價錢相差幾倍，對他而言，九成用肉眼可分辨是鋼是鐵。他回想起自己早些年買過一間藥房，竟然把鮑魚放在門口，他冷笑：「直覺話我知，假嘅，鮑魚要放後面玻璃樽嘛，呢啲唔打價！」看習慣了，經驗令他雙目銳利。
第二，鼻嗅。有些木具，他會用嗅覺，如花梨木有花梨木的香味；酸枝又有它的味道，外表再像真也騙不了他。
第三，手觸。可以的話，要用手去摸東西，例如花瓶，並不是看到花瓶底，寫着「乾隆製造」就一定值錢。一摸下去，他就感覺到花紋是畫出來還是印上去：「睇吓花紋係咪粗身，如果滑嘟嘟，多數電腦印。」。
第四，耳聞。如近期聽到哪裏有店鋪倒閉，大多數傳媒都會公佈，所以要常看報紙，如果不聽不聞，哪有競投的機會？
最重要是心澄。倘若心裏不在乎，不用心細想，則甚麼都不成。小明倏地胸膛一挺，坦言自己除了勤力兩字外，再沒有甚麼有膽去認叻，不論大與小的生意，他都一定去看，因為這是他的工作及責任。對於自己的弱點，他亦不畏懼：「而家規定拆一間酒樓都需要牌，我雖然唔識英文，但足足上咗三個月堂，我小學畢業咋，但呢個IVE證書嚟㗎！睇吓自己有冇心做啫。」收起指着證書的指頭之際，他瞄一瞄手錶，將近十時。
苦澀如水滿肚
陣陣的撻車聲震耳欲聾，數名壯丁包括小明把尼龍袋﹑紙箱﹑板車等架生放到車尾箱後，就爬入如火爐般的車廂內開車出發。小明邊扭着軚盤邊道：「我哋而家去一間豪宅，我早兩日投咗返嚟，而家就去執嘢啦。」或許夜冷佬真的一肚苦水，一路上，他連綿地分享逸事。
原來他最怕的事有三，第一是狗。經常到處去，以為香港沒有甚麼地方難得到小明，怎料，原來他還有一個死敵——「丈量約」。新界好些村屋沒有街名門號，只有「丈量約幾段」，這令小明頭痛非常：「對住呢三隻字我真係投降，搵親呢啲村屋，都總有隻狗走出嚟汪汪吠我，我而家真係好驚狗！」第二是蚤，做夜冷一行，經常會遇到一些髒得很的店鋪，尤其食肆。有一次，他要看一家倒閉了約半年的酒樓，剛好廚房爆水管，踏上地毯的一瞬，蚤子就跳到腳上，多到不行，但他仍硬着頭皮工作，直至估價完成。甫離開酒樓，小明就把褲子脫了，他猶有餘悸：「件衫都除埋，剩低條底褲，係咁撥蚤，公園啲阿婆以為我係儍㗎！」
回過神來，原來車子已停泊好，他抹一把汗，整理好衣衫，準備迎接他第三件最怕之事，就是眼前的保安。「做我哋呢一行，經常要求人，你又唔係租客，點解要將就你？」語畢，只見他霎眼間換上一臉燦笑，拿出身份證向保安問好，頻頻點頭。辦妥手續後，他又接着低喃：「嘈多兩嘈，電梯都鎖埋你，搬樓梯啦！所以千祈唔好嘈交，以和為貴。」只是，有時候自己不得罪人家，不見得運輸工人會收斂，當「磨心」的小明，確是有苦自己知。踏進電梯，「嘟嘟」的關門聲為其掩飾了一聲低嘆。
屢勝不如一敗
偌大的豪宅只餘拉膠紙的聲音迴盪着，經歷了約四至五小時的包裹及封箱，屋內只餘下三分一的物品，以及十數箱封妥的大紙皮箱。整件恤衫被汗水沾染着的小明，正在廚房察看雪櫃。看貨時已知雪櫃是高檔貨，但執屋當天還要試試它是否正常運作，畢竟運送一台雪櫃的開支不少。故一到埗要先插電，待收拾所有東西後，它仍然保持製冷，才可搬走。但見他一堂愁眉，就知道事情似乎不順利，他苦笑：「唔凍㗎！佢值成萬幾蚊，咁就冇咗啦。」
意志並沒有消沉太久，畢竟，於他而言只是小事一樁。走出客廳，小明拿起飾櫃裏幾座金牛﹑金豬，笑言這裏只有一座是真金，故根本沒有打價。對金的真偽，他可是特別敏感，因為他以前曾經錯估一座金觀音，虧損了一大筆錢；又曾經花數十萬買了一批黑膠唱片，結果全都不能播放。種種挫折令他沮喪，當時父親﹑兄長並沒有責難，一份內疚感更逼使他成長，造就了今天的一雙金睛火眼。把金器包好，小明示意搬運師傅先把東西搬上車。
拜金不如講心
通常貨物要分兩程車運送到店裏，小明目送第一車的貨物出發後，又乘電梯回到豪宅內。此時細心一看，屋內其實佈滿生活痕迹，一家四口的照片；主人房內，仍放滿了女主人用剩的護膚品；書房裏，盡是男主人的玩具珍藏；小孩房裏，一雙又一雙的小鞋，記錄了孩子的成長。如今，卻蒙上了薄薄的灰塵。有人不喜歡夜冷佬，大概是這緣故，說不上是「發死人財」，但卻踐踏着人家的倒楣。
小明吹吹盒子上的餘灰，一臉心安理得。「我爸爸走嘅時候，一班仔女陪住佢。我呢？活到五十歲，除咗探我爸爸之外，我冇進出過醫院。」他徐徐道出，眸子裏，映照着別人的全家福。舊物扔掉了，不代表對人家的尊重，也不代表能為對方帶來祝福；反倒，把他們於美好時光所擁有的東西保留下來，也算是留下了一點緣分、一絲情意。
小明算是百無禁忌，只有一個原則，就是賺錢沒有必要賺到盡。原來，有些貨品，他會原價出售，甚至店裏會有部分屬於新貨，如小鬧鐘，賣十元一個，還倒貼一顆電池；老花眼鏡亦然：「有啲老伯伯，幾乎每日唔見一副眼鏡，有個伯伯隔日就買一副，畢竟是深水埗舊區，當回贈街坊。」也不是一身銅臭，對他而言，有價值的東西不一定很昂貴，正如他為了喜愛的鑽石牌鐘，可以走三十層樓，逐個單位搜索；又如早年他拿了攪盤電話回店裏，僅售二百元。某東西總有某人喜歡，有歷史的東西，或許來得更有價值。
最後一個紙箱置於貨車廂內。小明抽抽衣襟，試圖撇乾汗珠。緩步踏至車前，一臉倦容的他打開車門，吐出一句：「我做到六十就唔會做，都唔會畀我下一代做。」畢竟，做夜冷這一行，倘若明天沒有店倒閉，也就沒飯開；縱使生意不絕，誰又欲見兒女捱苦？
車子於路上疾駛，赤日早去，夕陽已至。問他日退下來如何度日，他驀然一笑。
哈，還不是想念舊相好？
聯盈公司夜冷
地址：深水埗大埔道244號
電話：2778 6539
營業時間：不定
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
我學習做YouTube的地方：http://goo.gl/zNT6Ck
黑豹第一日上映我已經睇咗兩次，今次想用一個角度嚟貫穿今次嘅影評－就係「對比」。未講點解係對比之前我想大家睇黑豹唔係當佢係一部英雄電影去睇，而係用點解黑豹會係MCU十週年嘅頭炮電影去睇。雖然同以往嘅英雄電影一樣，劇情上都有一個公式，但無論喺鏡頭、畫面、對白、角色等等都有一定程度嘅象徵意義喺入面，而我會用「對比」呢個角度去探討呢種種方面嘅象徵意義。
(劇透)
先講講電影比我嘅感覺，一套兩個鐘多啲嘅電影節奏拿揑相當之唔錯，對白有一定嘅深度去建構每個角色嘅性格，唔同場面嘅對白交代到唔同嘅背景關係，例如一開頭T’Challa返到Wakanda同媽媽阿妹嘅對白會感受到佢地嘅溫馨，華生飾演嘅CIA人員審問偷汎合金嘅KLAUE個陣可以知道KLAUE走私Vibranium嘅背景啦，同埋會知道外面嘅人係真係對Wakanda一無所知。順帶一提，KLAUE就喺Age of Ultron到已經係走私Vibranium，佢隻手就係比Ultron斬斷。除咗對白拍攝手法都充分呈現到Wakanda係一個點嘅國度，首先會有好多wide shot比觀眾睇到成個Wakanda嘅picture，另外我好鐘意好多「一take過」嘅鏡頭令到個空間感好強，呢種類型嘅鏡頭會令觀眾更加容易遊覽一個好大嘅空間，例如舉行儀式個陣女侍衛團用長矛打地嘅震動落水再出返天空wide shot去瀑布、賭場入面嘅打鬥由上面嘅Okoye一take影落下面嘅Nakia再cut去T’Challa打到上樓上同KLAUE對持射爆咗個錢箱，仲有華生喺實驗室起身，令幾個shot都係我個人最鐘意。
言歸正傳，我地開始入「對比」呢個角度。
十年前後的對比
十年前，MCU第一部電影IRONMAN，已經同樣地都係英雄起始電影。其實我自己會覺得MARVEL STUDIO係特燈揀黑豹做十週年頭炮嚟同IRONMAN做一個對比。首先，英雄嘅特徵其實係幾相似：超有錢、有高科技support、同樣地都係用盔甲嘅英雄。其次，故事劇情都係圍繞住英雄性格嘅改變。我會認為MARVEL STUDIO想透過用同樣都係英雄起始電影，呢十年佢地有幾大改變。而講述T’Challa作為一個國王點樣蛻變嘅故事正正可以象徵住呢一點。
Tony Stark同T’Challa嘅分別係咩呢？十年前MARVEL喺破產嘅情況底下問銀行借錢搞MCU，但個陣如果佢地失敗就會失去差不多全部角色嘅電影版權（我會推薦超粒方出嘅邁向無限之戰IRONMAN篇比大家睇）。作為第一部MCU作品，IRONMAN講嘅係一個風流自大嘅天才點樣改變，喺個陣嘅Tony Stark你唔會搵到成熟嘅感覺，就好似IRONMAN電影本身，係一個各方面都能力有限嘅新嘗試，我認為IRONMAN嘅成功會喺因為本身英雄選角得啱同副甲好型呢D因素，因為我本身覺得睇英雄電影呢件事就係大概知道劇情係點，入去只係會集中睇D動作場面同英雄點型法身上；而經歷十年嘅黑豹，由T’Challa性格已經話到比大家知佢本身已經夠成熟成為一個國王，故事就係話比大家知佢要點樣去成為一個獨當一面嘅國王，亦同Marvel一樣，MCU已經喺一個成熟發展嘅階段，以十週年頭炮嘅黑豹話比大家知，一部英雄電影係可以建構出Marvel獨當一面嘅深度。
所以我會認為故事藉著用「對比」呢個角度話比觀眾知黑豹比起十年前已經係一個有故事兼且成熟嘅英雄，所以電影入面都會有好多「轉變」帶出對比感。
先講主角T’Challa嘅轉變
T’Challa喺電影嘅形象由一開始已經係好冷靜沈穩，無論喺開頭同Bako嘅挑戰儀式最後叫Bako投降話啲族人需要佢再去到中段佢同華生嘅交談show到佢嘅外交能力。但有一樣嘢佢需要改變就係Wakanda過於傳統嘅思想，而佢點先可以察覺到呢樣嘢再改變呢？其實電影一開頭已經舖咗路。一開頭喺飛船嘅時候Okoye叫T’Challa見到佢個ex Nakia嘅時候唔好嚇親，佢就話 I never freeze 佢從來都唔會嚇親，但佢一見到Nakia就真係比佢嚇親，喺果個時候嘅Nakia係一個扮難民嘅間諜，呢一個嚇親可以係一個唔知道外邊世界苦難嘅國王見到呢啲苦難而被嚇親，電影中Nakia可以代表住兩樣嘢：1. 一粒改變Wakanda傳統嘅嘅種子 2. 相對代表住國民嘅離心。所以喺電影開頭已經喺T’Challa同Nakia嘅相遇，T’Challa潛意識已經被落下種子要改變Wakanda，亦呼應T’Challa想成為一個好國王嘅心。咁點解佢嘅轉變就一定係變好先，電影亦都透過好多場景比較呈現：
(一) 同先王嘅對比
T’Challa同爸爸喺祖先平原對話，從兩次對話嘅比較可以見到先王T’Chaka都有呈現一種只為國家著想只為國家做事嘅感覺。第一次個仔同佢講話仲未ready，佢就反問返個仔「你唔係已經準備咗做國王好耐喇咩？」，個仔就話係未ready無咗佢。第一次對話已經表現到先王對於國家以外甚至親情都擺喺後嘅感覺，比起先王T’Challa更加有自己嘅情感，之後佢爸爸就話It’s hard for a good guy to be a king，就正正講緊先王認為T’Challa重感情係一個好人，但咁樣好難做到一國之君，相反不理一切只跟隨制度去做就更簡單。連埋第二次嘅對話嘅比較，比起重親情嘅T’Challa，佢可以不理親情殺咗細佬掉低個侄，所以第二次對話最後T’Challa指摘爸爸係錯嘅時候已經不再迷惘，象徵當下已經用自己嘅見解打破Wakanda嘅傳統思想。喺畫面上我地都可以留意到第一次對話背景係黑夜，可以象徵當時T’Challa當時仲有迷惘；而第二次對話以清晨做背景，象徵T’Challa嘅醒覺。
除咗呢兩幕嘅對白仲有喺Zuri同T’Challa講完佢老豆嘅黑歷史之後話「We must maintain the lie」，下一幕就係T’Challa同Nakia講出呢個秘密。呢一幕嘅剪接好快話比觀眾知佢係唔會接受先代一成不變而造成嘅惡果，再將呢個秘密話比一個象徵改變嘅女伴知。仲有一幕就係當T’Challa問Baku借兵嘅時候佢話佢唔代表歷代皇帝，呢句說話表面係打動Baku，亦代表佢係打破歷代傳統開始統一緊Wakanda。
(二) 國王嘅對比
電影用Killmonger呢位皇帝同T’Challa比較，顯得T’Challa嘅轉變更具意義。佢嘅堂兄弟係一個充滿仇恨嘅皇帝同樣地想打破Wakanda傳統制度，Killmonger非常激進獨裁。雖然都係一個Wakanda人，黑人問題令佢喺外界充滿仇恨，眼中只有仇恨會令一個人失去理智；相比之下，同樣面對殺父之仇嘅T’Challa喺美國隊長內戰最後理解事情真相化解仇恨，但電影表現嘅Killmonger連真相都無理解到最後帶著仇恨死亡，因為最後當T’Challa想救佢嘅時候，Killmonger都係睇成一種要救返佢囚禁佢嘅仇恨而選擇離開。反映著即使要破舊立新都好，太過激進都係會物極必反，過於保守又會太過無情帶嚟惡果，凡事都要有個平衡立新得嚟都要保護到國家。電影中亦有用武器同裝備去象徵呢件事，兩次嘅挑戰儀式T’Challa都用咗攻守兼備嘅武器，表現除咗進取嘅態度亦有沈住氣嘅防守意識，相反Killmonger用嘅全攻形亦反映佢激進嘅態度；另外喺黑豹嘅suit upgrade個陣T’Challa同阿妹講原本套甲係”The idea by not being noticed”，所以佢揀咗紫色嘅甲，而Killmonger係用比較顯眼嘅金色，都有表達T’Challa沈實嘅一面，同埋如果紫色代表心型藥草的話，我會覺得係即使佢要改變制度都好，尊重而且保留傳統嘅美德都好重要。
其實講到呢度，黑豹對於主角T’Challa嘅背景、感情建構同埋同其他人物嘅關係已經落咗唔少功夫。跟著我地再可以睇下電影點樣表達點解跳出傳統思想咁重要。
有句對白印象好深刻，當Nakia叫Okoye一齊逃走個陣，Okoye話雖然佢好想跟佢哋走，因為要「效忠國家」所以佢唔走，呢度又一個例子表現盲從令人甚至放棄感情都唔敢違抗制度，作為對比嘅Nakia聽到Okoye叫佢「效忠國家」佢嘅回應就係佢會「拯救國家」save the country。先王T’Chaka講過佢掉低個侄係因為「He chose Wakanda」又係一個例子表現盲從令人無情，所以有自己思想嘅T’Challa當時話佢老豆係錯準備去執佢D蘇州屎個陣，都已經講緊盲從傳統令人無情甚至後患無窮，要有自己嘅思想先可以改變國家，獨當一面。 呢個思想係咪都講緊Marvel Cinematic Universe唔再好似傳統英雄電影咁，以十年第一炮嘅黑豹去表達MCU可以破舊立新地塑造一套獨當一面嘅英雄電影。順帶一提當Killmonger燒哂D心形藥草下一幕係一個鏡頭調轉嘅畫面影住佢行去坐上王位，燒草表達緊消毀傳統，連接畫面調轉暗示成個國家會被呢個行為顛覆同埋表達Wakanda政權已經被佢推翻。
最後電影以兩個首尾呼應嘅對比去令黑豹完滿。
第一係喺開頭嘅挑戰儀式T’Challa大叫佢係”Son of T’Chaka”之後一鼓作氣勝咗場比賽，到最後mid-credit scene嘅conference再以”Son of T’Chaka”介紹自己，以同一句對白但兩個不同場面首尾表達T’Challa已經由憤概轉變成熟。第二就係，十年前後嘅首尾呼應，十年前嘅IRONMAN最後Tony Stark係記招同世人宣布自己係IRON-MAN，有一種逞英雄嘅感覺；十年後以一個特徵相似嘅英雄黑豹，同樣地要顯示比世人知Wakanda有能力幫助出面嘅世界，十年轉變，黑豹係代表成個國家，而且最後嘅鏡頭同樣地都係影住佢地嘅笑容T’Challa嘅笑係充滿自信而Tony Stark當時嘅笑係有猶豫係入面㗎，所以透過呢一個十年嘅首尾呼應，Marvel係同大家講：MCU已經唔係代表住英雄電影咁簡單，而係不再猶豫、自信地話你知係代表住一個世界。
最後送返啲彩蛋比大家
1.當阿妹Shuri見到哥哥對鞋嘅時候大叫”What are thoooose!?”，係一個外國嘅vine joke嚟，大家可以上網search下。
2.當華生送入Shuri個Lab嘅時候佢話 ”Another broken white guy?” 即係話之前都有一個白人送過入嚟，就係講緊End-credit scene嘅Bucky喇。
3.反派Killmonger出生地Oakland其實係導演Ryan Coogler嘅出生地同埋係一個1966年成立都係叫Black Panther嘅政治團體嘅成立地，仲係喺Marvel出咗黑豹呢個角色幾星期後成立。
4.飾演T’Challa爸爸同佢爸爸後生時候嘅演員係兩父子嚟：Atandwa Kani, John Kani
電影有起碼3個位係向漫畫致敬
－同犀牛打鬥
－被扔落瀑布
－黑豹裝嘅金色頸鍊
相關影片：
看黑豹必知的漫畫知識
https://youtu.be/IY9Y0559IG0
《黑豹》Black Panther 香港版製作特輯 - 彩蛋！
https://youtu.be/_fnPV4i_Zx8
【影評+片尾畫面】黑豹|彩蛋
https://youtu.be/tebkAeKCcAE
想留意更多我的動態，記得緊貼Ernest Docrazy
Ernest Docrazy社交平台：
Ernest Docrazy channel:
https://www.facebook.com/DuoCRAZYTokyo/
Ernest DoCRAZY facebook:
https://www.facebook.com/ErnestDoCRAZY/
Ernest instagram:
https://www.instagram.com/ernest_pch/
#獨家爆料 #SmartTravel #國泰削航機人手 #機艙服務經理降呢 #國泰管理層背後動機 #國泰惡性結果三輸 #國泰工會斥不現實堪憂 #國泰禍延甚廣
【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #SmartTravel, 可以滿足你 #娛樂、輕鬆、#剝花生 #旅遊資訊 #平吃買玩 #各地文化, 要睇梗係睇原汁原味, 你係咩人就會支持返咩嘅youtuber, 國際華人傳媒, 最喜歡報道Smart Travel
https://youtube.com/playlist?list=PLhKZNoNE4iEf-Rsl1fa8Um8aY2Yl86Q95
大家可以透過Payme, 支持下我同貓貓阿Cash, 打賞打賞鼓勵鼓勵:
https://payme.hsbc/smarttravel
?合作邀約請洽
gold7778@gmail.com
https://www.instagram.com/gold7778t/
成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
Appledaily 蘋果日報:
國泰去年10月大裁員，裁走5,300名香港員工，據知當中不少是機艙事務長（Flight Purser，FP）。不過，在大裁員後，國泰員工的危機似乎仍未完結。《蘋果》獲悉，國泰擬於今年第三季推出全新人手分配，每班機將會削減一個機艙事務長人手，其工作會由其他職級的空中服務員接替。有空服炮轟國泰職能錯配，為開源節流不斷增加員工工作量；國泰工會就新措施收到大量投訴，批評國泰不尊重員工經驗，「有同事覺得好侮辱」。國泰回覆指，一直檢討改善機艙服務，為機艙服務員提供更多發揮機會，亦會為他們提供更多培訓。
記者 盧珮瑤
現時空服員一般分為4個職位，分別為機艙服務員（Basic Crew，BC）、機艙事務長（Flight Purser，FP）、高級機艙事務長（Senior Flight Purser，SP）以及機艙服務經理（Inflight Service Manager，ISM）。據知，國泰去年10月大裁員中，有至少三成的機艙事務長被裁走或離職，成為國泰大地震的「重災區」。
國泰擬於今年第三季，每班機削減一個機艙事務長人手，其工作會由其他職級的空中服務員接替。資料圖片
國泰擬於今年第三季，每班機削減一個機艙事務長人手，其工作會由其他職級的空中服務員接替。資料圖片
第三季強推新措施
《蘋果》獲悉，國泰早前向員工宣佈，指將於今年第三季開始實施全新人手分配。新安排下，每班機將減少一名機艙事務長（FP），原本負責看管全機運作的機艙服務經理（Inflight Service Manager，ISM），亦要「落場」服務顧客，意味每班機將減少一個空中服務員人手。
以773機種為例，該機分為頭等、商務及經濟艙。根據以往的人手分配，頭等共有2名空服員，分別為1名高級機艙事務長（SP）以及1名機艙事務長（FP）；商務艙則有5名空服員，分別為1名高級機艙事務長（SP）、2名機艙事務長（FP）以及2名機艙服務員（BC）。而經濟艙則有6名，分別為2名機艙事務長（FP），加上4名機艙服務員（BC）。
不過，新安排下，商務艙與經濟艙人手均有所轉變。以同一機種為例，負責監察整架飛機運作的機艙服務經理（ISM），將須到商務艙工作，人手分配變成1名機艙服務經理（ISM）、2名機艙事務長（FP）以及2名機艙服務員（BC）；而經濟艙方面，其中一名機艙事務長（FP）被換走，轉為以高級機艙事務長（SP）頂替，新人手分配為1名高級機艙事務長（SP）、1名機艙事務長（FP），加上4名機艙服務員（BC）。
空服質疑職能錯配
於國泰任職10年機艙服務員（BC）的阿Joy指，機艙事務長（FP）在機艙中擔任重要角色，「負責同啲loyalty member（會員）打招呼，又要heat（翻熱）餐，好多嘢都係依賴FP去做」。然而，現時所有工作由其他職級員工分擔，包括低一級的機艙服務員（BC），但認為部份工作由資歷較淺的BC完成，或會影響機艙服務質素，「有客發『狼戾』，你都要有經驗，先知點樣處理而又唔會收到complaint letter（投訴信），呢啲係要時間浸返嚟，但公司唔value（珍惜）你呢啲嘢，而不斷增加你嘅workload（工作量）」。
阿Joy指，雖然機艙服務經理（ISM）亦要「下凡」分擔工作量，但認為國泰將本已晉身機艙管理者當成人手之一，或會構成職能錯配，「喺前面做咗十幾廿年，而家要做返啲佢哋好耐無做過嘅工作」。阿Joy續指，業內的經理一般達40至50歲，現重拾「搬運行李」等勞動力工作，亦會增加同事受傷風險，「公司為咗縮減人手同節流，唔理已經水深火熱嘅前線同事嘅生死，喺度搞職能錯配。」
國泰的裁員潮仍未平息。資料圖片
國泰的裁員潮仍未平息。資料圖片
「又要萬二蚊，又要林嘉欣！」
於去年10月國泰大裁員後，國泰推出全新「魔鬼」合約，並調整薪酬水平，底薪及飛行時薪「封頂」，有空服薪金大減四成。阿Joy指，同事對新人手分配感不滿，亦有部份人感到失望，認為「俾國泰呃咗」。
阿Joy續指，以自己任職10年為例，新合約下薪酬只有約1.1萬，但在全新人手分配下，工作量變相增加，「以前大部份同事幾唔鍾意公司都好，都有個團結精神，同你死掂佢，但公司角度就會覺得，你哋個個都can-do spirit（做得到精神），越加咪越多嘢畀你，反正你哋都做到㗎啦！」
阿Joy認為，國泰大裁員後已重挫士氣，現時更進一步減人手，令同事們意興闌珊，「大家而家心態都係『拚䠋』，都係覺得『是但啦』，又要萬二蚊，又要林嘉欣呀？唔好玩啦！」阿Joy指，自己亦打算修畢其他學位後就離職，「冇呀，你咪繼續搭國泰囉，但唔好expect（期望）佢係一間premier airline（優質航空）囉！」
工會收大量投訴：高層假惺惺
國泰空中服務員工會主席王思敏指，新措施惹大批員工不滿，宣佈短短數天，已收到數十封電郵投訴，「而家即係要做返低一層嘅嘢，尤其係FP同SP，大家都覺得好侮辱，覺得俾人『降呢』」。她指，同事並非不願意處理其他層級的工作，但認為國泰不尊重同事的經驗，亦批評公司以「提升服務質素」作為理由是「假惺惺」：「根本就係想cut costs（減少支出），你係嘅咪大方講囉，點會提升服務質素但係cut（減少）人手？」
現為高級機艙事務長（SP）的王思敏指，機艙事務長（FP）是機艙上具靈活性的職位，「佢係由低數上去第二級，有時細嘅無經驗，可以即刻做返低一層嘅嘢，真係『入得廚房，出得廳堂』」。她指，人手改動後，同事工作量必定增加，「少咗一個人點都辛苦」，又指早前部份機種增加40至50個座位，但人手從未見增加，「本身人手已經係好舋」。王亦批評管理層相當離地，「似係外行人嘅決定，根本唔理解我哋嘅工作」。她續指，新人手分配或令新同事升職更困難，由於上層的需要減少，「而家機艙服務員（BC）已經做10年先升，嚟緊可能係15、20年。」
對於國泰是否為裁走所有機艙事務長（FP）鋪路，王認為反而工資較高的機艙服務經理（ISM）更「高危」，「講到尾都係錢㗎啫」。她指，機艙服務經理工作大多視乎情況而調節，「兩個機師其中一個要去洗手間，都要佢幫手頂住個位」，惟新人手分配下，機艙服務經理須留在指定機艙，或會影響其工作流動性。
國泰去年10月大裁員，裁走5,300名香港員工。資料圖片
國泰去年10月大裁員，裁走5,300名香港員工。資料圖片
國泰：提供更多發揮機會
國泰回覆《蘋果》時，並未有就新人手分配正面回應，僅指受疫情影響，航班數目大幅削減，乘客量跌至新低。國泰一直檢討改善機艙服務，為乘客提供更多貼心的服務，以及為機艙服務員提供更多發揮機會，亦會改善部份工序。國泰續指，將會為機艙服務員提供更多培訓，並與同事保持溝通。
國泰及國泰港龍於政府保就業計劃下共取得逾5億元工資補貼，去年國泰大裁員，雖令薪酬開支減少兩成，但在客運量銳減下，國泰去年全年虧損高達216億元，其中燃油過度對沖更帶來30.17億元的虧損，較2019年只蝕1億元大增近29倍。運輸及房屋局局長陳帆昨表示，國泰去年削減約8,500個職位，在撇除自然流失等因素後，實際削減的員工人數約5,900名，當中包括約5,300名駐港員工，另約600名非駐港員工也可能受影響。
