實名消防人員不甘成「警察傀㒦」寫信給香港人.
#強烈要求消防署長保障屬下
「現職消防員給香港人的說話：
大家記唔記得點解會有洗消泵嘅出現？係警察要我哋standby，cover住班警察，當佢哋萬一中咗腐蝕液體或者汽油彈都有迅速嘅支援。
但係已經唔只一次，警察對我哋用過份嘅武力同不合理嘅要求，甚至係我哋進行滅火救援嘅工作時，故意向我哋發射催淚彈，阻礙我哋工作，但呢啲工作嘅意外全部都係警察一手引起。
警察之所以乞人憎，完全咎由自取，佢哋永遠有更好嘅手法去處理今次嘅社運。警察選擇打壓市民示威活動同集會自由之餘，仲傷害市民，虐待市民。
我作為一名前線嘅消防人員，我對於任何傷害他人嘅行為都會感到難過，但特別係權力比一般市民大嘅警察做出呢啲人神共憤嘅行為，我條氣真係唔撚柒順。
各位師兄，我哋依家被警察利用成為政權嘅傀儡，本來已經好撚谷氣。依家仲要踩上心口。我真係無辦法再啞忍。我哋嘅副處長如果開口話示威者係暴徒係曱甴，唔知我哋呢位年資咁深嘅師兄，喺部門撈咗咁多年，點解都會成為副處長口中嘅曱甴？係因為梁Sir領導無方？
還是一直守係前線嘅消防員，得市民愛戴嘅原因，係因為我哋仲有良知，一直盡忠職守默默耕耘？
It’s now or never，已經有好多同事被離地嘅高層用程序打壓言論自由。今次嘅事件好明顯我哋嘅同事人身安全受到威脅，如果我哋今次都忍氣吞氣的話，下個就係輪到我哋。
我哋做消防都係想救災扶危為民解困 ，但係連消防工作都唔安全，我哋仲點救人？」
**事件起因，防暴粗暴對待消防員：
https://youtu.be/TaJ3QSyi_aU
***部分字眼、錯字經修改
IG = kaminghk
