🚫嚴禁劇透
🚫粗口自行過濾
🚫可瘋狂話戲屎但免外表批評人身攻擊
·
[1230隔夜超短劇評][ViuTV][打天下 EP02]
·
[讚] 最後嗰段莊惠同正師兄對決係好睇，有味道有氣氛。
·
[彈] 另一段打戲，即係喺大排檔嗰段係長啲，又有部分係一鏡咁拍，會拍得辛苦啲，但我覺得唔夠兩個教練對決嗰段短嘅武戲出到嚟好睇。可能呢啲圍毆加大排檔太似爛仔交，拍出嚟冇乜空手道味道。同埋睇得出一鏡落嗰吓棠哥都打得幾盡力，又有啲位個感覺係等個人埋嚟打佢，唔夠一氣呵成。點解唔搵另外兩個演員去做後生嘅正師兄同埋師妹呢？
·
文戲嚟到第二集都冇乜改進，第一集對白夾硬塞啲嗰個場口唔會講嘅資訊落去對白交代角色，第二集少見咗，但依然有好多唔自然嘅對白，AK又再次自己同自己講嘢……
·
不過最慘都係談善言打輸咗之後嗰段，文戲應該係談善言強項喎，但拍攝同氣氛營造都冇辦法畀佢發揮到，而呢個位係今集重點嚟，但幾個鏡頭好少段落就交代咗，同AK喺一邊自言自語話佢男人婆都喊嘅分配近乎一樣，諗唔明點解。
·
睇到第二集個節奏好差，談善言嗰段覺得自己唔識打空手道奇短，小玥同佢阿媽老豆嗰段就勁長。中間又好短咁加插咗大師兄武田同西華嘅交易。應長唔長，應短唔短，睇到好氣餒。
·
另外想問問，有冇人覺得班後生學員嘅設定，例如佢哋無聊起哄嗰啲好old school，我諗依家啲後生如果咁做，會畀隔籬嗰個歧視佢。
·
又，小玥同佢阿媽兩個人嘅對話講返普通話仲好，合理之餘亦都唔會阻到兩位演員做戲。如果佢哋兩個普通話對戲勁流利，但對住其他人講廣東話就有時有口難言，咁嘅對比唔係仲正咩？
·
[演員表] 歐錦棠 飾 馬剛正 / 文頌嫻 飾 莫可麗 / 談善言 飾 莊惠 / 江生 飾 關志浩 / 葉麗娜 飾 淩小玥 / 王頌茵 飾 何善善 / 張建聲 飾 武田國全 / 李潤祺 飾 關仁 / 李剛慧 飾 李天愛 / 楊英偉 飾 莊惠父 / 萬斯敏 飾 莊惠母 / 王思欽 飾 小玥母 / 高翰文 飾 小玥父
·
#1230隔夜超短劇評 #ViuTV #打天下 #歐錦棠 #文頌嫻 #談善言 #AnsonKong #葉麗娜 #王頌茵 #張建聲 #李潤祺 #李剛慧 #楊英偉 #萬斯敏 #王思欽 #高文翰
王思欽 在 王思钦 - YouTube 的八卦
王思钦. 王思钦. @user-jw3jx6xx9z. @user-jw3jx6xx9z No videos. Subscribe. Home. Playlists. Channels. About. Search. Created playlists. Created playlists. ... <看更多>