#手動轉 疫症肆虐半年，好多人講嘅話題不外於去唔到外地旅行，夜晚出唔到街食飯，酒店升唔到套房，又或者上網換coupons，電話登記乜乜乜換獎賞。但，我哋又有冇諗過生活喺互聯網外嘅人又點生活呢？
凌晨點幾兩點，前一晚仍然掛緊九號風球，銅鑼灣勿地臣街一間麥當勞，一位衣衫單薄嘅中年婦女，戴住咗個明顯有重用過嘅外科口罩，背脊孭住一個黑色大背囊，兩手拎住裝滿嘅環保袋，就喺櫃位面前同經理問答。
佢貌似五六十歲，整潔而不帶體味。雖然佢未必乎合大眾對於典型「麥難民」嘅形象，但仍然睇得出佢將佢所有嘅家當孭喺身上。
佢仔細咁問經理每款食物嘅價錢，又問到到底啲優惠券可以點用，現金券又係唔係要用電話申請云云。經理答一句「係」，佢好失落咁點咗一下頭，覆咗一句「哦！」
佢最後只係買咗一杯新地，一個26蚊超值套餐都唔捨得買。
你會發現，連鎖快餐店推出嘅折扣優惠，買一送一、免運費、儲分scheme、信用卡優惠（超洗腦嘅YUU……）等等，原來只係大集團宣傳同埋襯疫情搶佔market share嘅伎倆。所謂嘅環保同go paperless，點知就隔絕咗一班真係幫到真係需要援助嘅人。因為能夠享受到呢啲嘅優惠，大前提係需要一部接上咗網絡嘅智能電話。看似理所當然，但其實最平一部都要一兩千蚊。
有網民今日喺Facebook上載咗一段香港電台《鏗鏘說》嘅節錄，由羅永聰訪問勞福局局長羅致光。羅致光講返上個月底突然推行全日禁堂食事件，話一場大雨先令佢同團隊如夢初醒，先知道有人係冇office食飯，例如戶外工作嘅人同清潔工，但係又佢話佢自己「冇內疚」，只係覺得有啲嘢可以再做得好啲。（題外話：羅致光局長係唔係欠咗公眾一個道歉呢？）
政府經常掛喺口邊嘅「沉默的大多數」到頭來只係一個幌子用以粉飾自己嘅過失，月薪冇中位數萬八蚊嘅原來都係no stake in society，亦只係用嚟僭建出虛構嘅民意，而唔係要虛心聆聽社會不同聲音。
#連張宇人都識講業界就快餓死
獎賞錢點用 在 號召「獎賞錢」高手第二回：想點用就點用（賞付款優惠） 的八卦
「 獎賞錢 」不只易賺，更用法多多！想「 獎賞錢 」更好使好用？立即下載「 獎賞錢 」高手必備的滙豐Reward+：http://grp.hsbc/6053HCktP 了解詳情: ... ... <看更多>