【郵差叔叔，啲口罩去咗邊？】工會建議用社區中心存貨遭高層反對
香港口罩欠缺，相信唔少人一早已經喺外國訂購口罩，或者由外國嘅親戚朋友寄嚟香港，但點解啲貨咁耐都未到？
我哋就呢件事向郵差工會了解過：
1.好多時大家都會收到EMS或包裹嘅msg話俾你知，你件貨已經到香港，但原來由於空運中心貨物太多，而郵局亦已經爆倉，大部份人嘅貨其實仲喺空運中心，連record都未入得切，更何況要運去分區作派發，所以就算大家上網 / 打熱線 / 去櫃檯都未必會check到件貨喺邊；
2.根據 明周文化 MP Weekly 報道：「以九龍區為例，特快專遞中心只有兩個，連同司機大約有100人，分成七十至八十個小隊。每個小隊每日八小時可以派四十件郵件。就算署方安排普通分局同事也一起加班，每晚三小時，每次加班也只能多派二十多件。換言之，一日下來，全員出動兼加班，也只能派發大約五千件郵件。」；
（原文：bit.ly/3bIBwFF）
3.根據前線郵差評估，到港航班因疫情而削減，變咗仲有好多郵件滯留原寄地，即使佢哋日日OT多幾個鐘都冇用，現時可能只係派緊2月初嘅件，當中最少有8成係防疫用品；而佢哋每日只會獲派一個口罩，都擔心長時間工作會減低口罩防護能力，休息唔夠抵抗力自然變弱，萬一不幸受感染就會變成播毒源頭，加上收件人喺屋企簽收時亦未必會戴住口罩簽收，更加容易增加傳染風險；
4.我亦問過香港郵政局員工會，會方表示已向郵政署建議借用各區目前關閉咗嘅社區會堂存貨，然後由文職同事協助打電話通知市民前去取貨，以加快領件速度。可惜署方高層反對做法，亦未有其他新建議，只係叫前線繼續開OT。相信郵差叔叔並唔係介意開OT，怕嘅係即使日日OT，以呢個運作方式亦會派極都派唔完，海外寄來嘅防疫物品變相一直積存，市民要繼續四圍排隊撲口罩；
5.公民黨已經就上述情況去信郵政署，要求署方想方法盡快協助市民領取郵件，一方面市民毋需為口罩太過頻撲，二來亦可減輕郵差OT派件壓力。
#唔好難為前線職員佢哋都想快啲派貨俾大家
#去櫃位或打熱線問同你上網追查冇分別
#現貨派得哂轉頭黎雙倍日日OT都唔掂
#唔止個倉爆連停車場都擺緊貨
#口罩係必需品市民等唔切
特快專遞 在 如何於香港郵政「我的特快專遞」網上平台製作投寄表格 的八卦
上網、打印、投寄。透過香港郵政「我的 特快專遞 」網上平台打印投寄表格，寄件話咁易。 ... <看更多>