今日一日之內我哋暫停營業咗3.5間分店，有客人同埋朋友即刻問點解同埋關心我。其實三間分別係沙田新城市柳氏家、旺角瓊華中心及銅鑼灣世貿WTC的MMC牛涮鍋，仲有0.5間係收咗鋪未裝修嘅永華麵家現在也決定擱置了。 三間分店一向生意都只屬一般，過去呢幾個月亦係處於社會運動的核心區，踏入10月只有正常生意的10-20%，能夠頂到今天已經係同事最大的努力，奈何實在係虧損得太嚴重了。 停業唔可以怪任何人，只係我管理不佳。 中美貿易戰嚴重困擾本地經濟，港鐵經常突然提早關站，都明顯加速了問題的浮現。社會運動帶來的社會成本，我作為香港人當然願意一同承擔。
生意人做到要關門從來都係最困難嘅決定，但係面對着完全不明朗的處境，再困難的決定只要正確，都要馬上落實。 三間鋪我堅持一個同事都唔裁減，全部同事只要願意都會繼續被聘請調去其他店舖。
我會繼續懇請同哀求各大業主高抬貴手願意減租，6月至今暫時只有兩個舖業主同意減租，雖然減幅是很少（幫助極微）但係我內心都好感激佢哋，因為只講合約精神的話其實佢係一毫子都唔需要減嘅。
我唔想裁員，只要同事願意一起努力，一起面對困難的前路，我希望敘福樓集團仲會成為一間百年企業。今天香港亦有一些百年企業，100年以上即係經歷過滿清倒台、國共內戰、第二次世界大戰、六七暴動、中英前途談判、天安門事件、金融風暴海嘯地震、SARS... 既然這麼困難都有企業捱得過，正好是我們學習的榜樣。(事實上我們公司亦係捱過咗以上其中幾個難關)
我會繼續擔任公司CEO，直至同事與顧客對我嘅支持率跌破50分，絕對不會等到低過20分。懇請大家繼續指正教導🙏 , 肯定我們將來會更加強壯, 只要今次唔死😅。
今天香港整個零售餐飲業都經營極度困難，所以唔係單單我面對這個困境，大家唔需要特別嚟支持我，去都去咗小店先💪。
牛涮鍋 在 牛涮鍋 的八卦
《食好西》2021.07.18 九龍淘大牛涮鍋日式shabushabu放題｜午市每位HK$163+10% ｜單人座｜生酮首選 · Cherry In Wonderland. Cherry In Wonderland. ... <看更多>