既然咁多人想我回應backup呢件事，我諗我要從頭到尾一五一十澄清返件事。
熟悉我既朋友都知道我份人係唔鐘意同人有咩紛爭，唔鐘意同人有罵戰，但是無諗到，息事唔一定可以寧人，退一步不一定海闊天空。坦白講我這些天壓力很大，我不得不交代此事。
我初初開頭直播既時候JustinTV、TWITCH係有永久backup既，當時覺得既然有永久backup點解仲要搬去YouTube。咁好啦，無耐，有一啲兄弟幫我backup，好似tatbackup(注意係tatbackup，唔係Tatfullclipbackup2（backup佬），這兩個名字很易混淆)，MUV1668既精華，佢地係從我未有人認識就已經幫我整緊，亦有主動徵求我同意，真係好感激佢地。
一段時間後，backup佬開始backup我D打機片，我覺得都是fans既一番好意。雖然佢無主動問過我授權，我當時既態度係隻眼開隻眼閉，15年出於禮貌仲PM佢講過一句辛苦佢。
直到大概一年前，見到高登有人討論backup佬用我打機片賺錢，我當時將信將疑，覺得應該唔會既。但當時留意到backup佬好似有條錄音回應，當時我既感覺係有D奇怪既，因為佢對於獲利只係一句帶過，類似話“錢果D唔好講啦”。但未同backup佬有過咩實質既接觸，我都唔想去猜度別人，覺得唔應該咁樣諗人，他應該係熱心FANS，就算我自己見到係有廣告，我都諗應該係YouTube自己加，因為當時我都唔係好熟悉YouTube營利果D野。
到左上年年中，G公司既人聯絡我上去G公司傾我係youtube官方channel既問題（因為YouTube搜“達哥”係出現Tatfullclipbackup2頻道，但undergroundDV先係我官方頻道），當時G公司向我展示一些數據，backup佬既channel係有營利，獲利既數字都令我非常驚訝，多過唔少人每個月人工，但呢個數字我無得公開（坦言G公司也不讓我留底），而且如果我公開，G公司員工就可能觸犯私隱條例，分分鐘會無左份工，所以呢個亦係我一直俾你地鬧極都唔回應既理由，唔想牽連到人，因為佢都係出於好意先提醒我。但唯有這些數據可以證明我既清白，而獲得這些數據有幾種途徑：
1.backup佬自己公開。
2.問G公司攞。如我所說他們要保護backup佬私隱，縱使是不當獲利，但是他們也不會提供比我。
3.通過法律途徑，讓律師出信俾G公司要求取證。（如果有人實在希望我攞出實質證據，我可以著手搵律師處理。）
當時G公司建議我自己擺返backup片，因為我官方channel當時只有5萬訂閱，而Tatfullclipbackup2係已經有12萬既訂閱。當時G公司說他們有聯絡過backup佬，通知佢既影片存在版權問題，需要處理，但佢無回應。G公司仲提到Tatfullclipbackup2曾嘗試申請官方認證（類似Facebook藍剔），但G公司無通過。G公司話實在無法聯絡到佢，因為再之前G公司通知backup佬攞10萬訂閱既channel獎牌，佢都沒有現身。我多次同G公司人員溝通，可否停止佢營利，但由於我無CONTENT ID，因為CONTENT ID只有唱片公司、電影公司先有能力申請到，所以G公司人員無權限停止佢營利。G公司話唯一可以做既就係檢舉佢個頻道，但我無咁做。
聽從G公司建議，要我整backup其實唔難，我只要入我TWITCH頻道有粒製叫做 匯出 就可以上傳影片到YouTube，chatroom版就耐小小，但都唔係話太難。
五週年台慶由於也是值得紀念既日子，所以五週年直播既影片我都有自己backup。隨後G公司人11月25日又再一次約見我，此次G公司提供既資訊係Tatfullclipbackup2開廣告既數量更加多咗，月營利數目增加咗50%，變本加厲。
今年1月16號，我開始正式自己做backup，但係呢度澄清下，我係無Ban過任何人，無直接叫任何人唔好再upload我D片。我估唔到既係backup佬係無私底下同我有過任何溝通既情況下，係佢既FB專頁公開詢問我係咪唔俾佢繼續backup。令到件事公開化，變左一定要俾公眾一個交代。
1月17日，Backup佬出左第一個post之後，見到留言有人建議佢同我傾授權，所以當日佢18點左右私信左我，但相信有了解我當日行蹤既人都知道，當日我返左大陸出差公幹，晚上趕返黎開台已經22:00點，根本未諗到點樣處理backup佬既問題，佢就即刻又單方面出post，並聲稱得不到我答覆，唔再upload我既backup片。佢發私信俾我既時間至到出第二個post話我唔回應既時間，過程不足一日，咁大件事，根本無足夠時間比我諗清楚點處理。講得唔好聽，我有種俾人擺上台既感覺，而呢個人仲要聲稱係我既兄弟。同一時間，好多人開始鬧我，話我過橋抽板，無佢我唔會紅之類。我自己感覺係，好多人係睇左一D精華片先認識我，可能你話無MUV1668幫我剪精華我唔會紅，我應該多謝MUV1668，都合理D。聽到呢D留言，唔知點解覺得好難受。要我多謝一個利用我影片營利多年，我自己一backup返就製造輿論圍攻我既人，我真係無辦法講多謝。
好多人話我沒有好好溝通，真的是我沒有好好溝通嗎？佢一開始backup我既影片唔搵我溝通，一開始營利唔搵我溝通，G公司搵佢處理版權問題，佢唔溝通，最近了解到佢原來都有搞電台版，也沒有同我溝通，到1月17號我自己upload影片，佢開post公開討論此事，亦事前無同我溝通。咁多唔會傷害到人既溝通方式，點解佢一定要選擇一個將所有矛頭指向我既溝通方式？發生呢D事件之後，很多人想我即刻公開回應，但係我想講好多紛爭既野要我公開回應唔一定對件事好，今次也是迫於無奈。
做人都會想有娛樂，想有交際應酬，但是為咗開台直播，我多年來堅持週一至週五每天直播兩小時，有時食無定時所以人都好消瘦，也落下了腸胃既毛病。我從來不喜歡賣慘，因為不想比負能量別人。但如果真係要論這些苦勞，當backup佬係1，我係9，但宜家係這些影片上既直接得益，佢係10，我係0，我都無說甚麼，為甚麼被指責的還是我？
所以件事既原由就係咁。最後講句，每個人都會犯錯，但是，只有愚人才會執過不改。至於有些人說對我很失望，好抱歉，對你講既“失望”我無法再做甚麼了。
P.S.無論如何，各位不要去Backup佬既FB攻擊佢，或者做出咩起底既行為，呢D壓力佢未必承受到。
P.S.除此之外，都收到很多網友既支持同關心，我無法一一回復，在心中，多謝你地。
![Danny_AhBoy [CHANNEL]](https://img.mediatagtw.com/api/image/webp?source=https%3A%2F%2Fyt3.ggpht.com%2Fytc%2FAKedOLTs7Ij0MDR-hmGqMBAhHg7o479Ehz9OKtJohR5I2A%3Ds800-c-k-c0x00ffffff-no-rj)
版權問題 在 [閒聊] 關於模擬器的版權問題- 看板PlayStation - 批踢踢實業坊 的八卦
不曉得這標題會不會踩到板規....
不過以下討論都以正版為準，搬不上檯面的就別提了.....
近年拜硬體強大所賜，很多老遊戲都會以模擬器包遊戲的方式重新在新主機上販售
例如老任的虛擬主機，XBOX ONE相容XBOX360，ps2 classic等等
通常這類遊戲，除了遊戲商的軟體版權外(像XBOX的相容就需要遊戲商同意)
還有就是硬體的版權了(bios)
所以像上述模擬器多是硬體商用自家更先進的硬體去模擬自家的舊硬體
像越南大戰3，軟體跟硬體都是SNK自己的，包一包上PS4是沒什麼疑問
不過像老卡的洛克人合輯，很明顯就是在PS4上運行紅白機模擬器.....
會LAG的地方，會破圖的地方一點都沒有少= =
老卡賣自己的遊戲沒有問題，但把老任主機一起包進去賣錢，感覺就很神奇XDDD
要嘛老任允許自家主機可以在對手主機上模擬運行，要嘛老任也有分一杯羹
想想以老任的作風都不太可能啊XDDD
有沒有熟知版權相關法律的大大可以解釋一下的
昨天用九折券買了洛克人合輯就一直有的疑問 囧
--
※ 發信站: 批踢踢實業坊(ptt.cc), 來自: 223.138.173.206
※ 文章網址: https://www.ptt.cc/bbs/PlayStation/M.1468121428.A.18D.html
感覺是大陸廠商會做的事
※ 編輯: OROCHI97 (223.138.173.206), 07/10/2016 13:04:21
... <看更多>