【核爆：恆指處生死關頭！】
今日想同大家講下：點解我認為26000點至26700點呢個關口係咁緊要？應該話係非常緊要，緊要到可以視為牛熊市既分野，企穩既話直情要轉強積金！呢個圖，我尋日响無綫財經台既《收市大檢閱》節目度首次公開左。
如圖所見，呢個係恆生指數既週線圖，而藍色既線，係250週線。大家可以見到，由2018年開始，市場雖然一直被貿易戰困擾，但亦從來未失守過該線，而且一試就彈。可想而知，呢條線既支持有幾咁關鍵，係鐵底黎。但係到左今年初，亦即係全球爆發濕鳩肺炎之後，市場擔心經濟陷入衰退而展開左股災，美股更出現多次熔斷、跌停，而就係由果一刻開始，鐵底猛地穿左！之後無論係炒作經濟重啟抑或放水，都撞唔返穿，鐵頂育成。而最大既問題係：科技股剛剛响呢個星期大成交拆倉！
咁即係話：天堂同地獄，黎到一個好大既分野喇！如果今次可以升穿藍線而企穩（記住：週線圖係要以全週收市作準架，星期一二三四升到點，星期五都可以臨尾香），就會展開新、真升浪，潛在既升幅係以千點計，最有可能既，係炒返上2019年頂，亦即係2018年第二季既破位30000點。如果係咁，我唔單只會短炒得更進取，甚麼會將強積金都柯煙埋。相反，如果恆指响呢個位開始回頭，我就會話：港股既熊市反彈黎到最最最高點，下望可以去到三個底：24000、23000甚至22000左右。
如果你問我：我認為目前最有可能trigger大熊跌浪既原因係咩，我會話：較大既可能性係侵侵真係連任！因為只要你睇多啲外媒，你就會知道，其實拜登依家既得票只係得返250幾。拜登一日未登機，侵侵都可以覆桌。而較細既可能性，但亦唔係無可能既係：內地既企業違約，亦即係你地成日所講既：＿ ＿！你唸下，恆大（3333）既求救信係咪偶然？華晨（1114）個老母咁堅都要違約，細既企業又點會欣欣向榮？
結論喇：我強調，我並唔係叫大家响呢個位清貨、反手做淡，而係想大家知道，現水平有低位買落既野，keep係無問題，但要再買新野既話，同買大細差唔多，贏面得一半，即係零值博率！你睇恆指今個星期好似企穩左250週線，但其實係星黎架咋，無陽燭燭身架，可信性好低。如果下個星期開陽燭棟上去既話，我同你一齊擁抱牛市；如果係大陰燭隊落去既，咁我就唯有祝你全家都幸福。利申：內堂已經減到得返六成倉。
㊙️
#港股 #恆指 #牛熊 #好淡 #分水嶺
熔斷跌停 在 [請益] 台股熔斷機制？ - 看板Stock - 批踢踢實業坊 的八卦
如題
美股雖然沒有單日漲跌幅限制
但會透過熔斷機制 在大盤失去理性時 控制局面
台股雖然個股看似有每日10%
但大盤明顯已經陷入恐慌 卻沒有制度來應對
大家會支持大盤過熱過冷 有個控制開關嗎
--
※ 發信站: 批踢踢實業坊(ptt.cc), 來自: 223.137.253.157 (臺灣)
※ 文章網址: https://www.ptt.cc/bbs/Stock/M.1656554580.A.5AD.html
... <看更多>