我的「第一次」
第一次退休唞唞
第一次接拍銀行廣告
第一次對住陌生女人扮鬼臉
第一次化妝set頭噴膠裝身拍硬照
第一次畀幾十個專業人士指指點點
第一次由朝到黑NG完NNG再NGGGG
但 .... 我玩得超開心 .... 十分之享受
拍廣告，以前唔可以，𠵱家想點就點，仲可以角色扮演，扮celebrity成為鏡頭焦點，幾英呀。
拍廣告，有條件，宣傳嘅產品服務，用過唔在講，滿意最重要，或者欣賞主事人作風，主動求人畀我宣傳，有得玩，有得賺外快，有得滿足老婆大人吩咐：「可以退休，唔可以唔做嘢」，爽呀。
拍廣告，拍星展？第一間公司搵上門，第一時間睇到角色配合產品宣傳，市場反應敏捷，呢個係商業競爭嘅基本生存條件，大部份平庸機構無咁嘅本錢。諗番喺熊本縣地震當天，收到星展越洋慰問，我清楚睇到盛意拳拳，唔使諗，接咗個job先。
拍星展，有私人原因。財富管理實在太重要，主宰我嘅退休命運，辦法其實超容易，一分一毫，交畀叻過我嘅人全權負責，即係老婆大人，但係未收過財務報告，膽粗粗問積蓄，大人斬釘截鐵：「問咁多做乜，講咗你都唔記得。」鼓起勇氣再問過，終於透露存咗X蚊喺星展，連大人都氹得掂，唔係講笑，肯定掂。仲提出附加條件：「定期存款就快到期，利息唔該加番少少。」囧！
「第一次」，全新開心經驗，親身體驗世界已經改變，社交媒體網上宣傳橫行天下，兜口兜面，直來直往，啱我。邊個唔知唔學唔試，邊個適應唔到，畀市場淘汰，只係遲早。財富管理或者退休計劃亦都一樣，被動，不如主動，早做，肯定好過遲做，搵到叻人或者專業機構幫忙，更加好。
我計劃退休唔算早，廿五歲結婚嗰時已經開始做。
熊本地震原因 在 2016年4月16日 熊本地震 本震【まいにち防災】 - YouTube 的八卦
... <看更多>