【時間會流走，但相片嘅回憶就可以永久保存】
(有關時間小故事第二篇，繼續有鄭子誠聲演！請多多支持，記得開聲聽！)
有日我放工返到屋企，見到成枱都係相，而女朋友就睇得津津有味。
「嘩！乜呢個年代仲有人曬相嫁咩？」 我。
「梗係有啦。」女朋友。
「唓，用手機電腦隨時都睇得返啦。」
「咁你幾時會睇吖？吓～？平時去旅行，叫你影幅相都好似辛苦你咁。」
臨死前一定要做嘅事叫Bucket List。
不過無論去邊同做啲乜，我都希望身邊有一個人陪住我，就係我女朋友。
「咦？！呢張相幾時影㗎？」我拎起一張相問。
「你訓覺唔理我嗰陣。」
「咁呢張？」
「我蝦你嗰陣。」
「呢張…」
「你去廁所被我突襲嘅失神樣。」
「……」
枱面上有好多相，我唔敢講全部，但大部分我都好醜樣…
究竟點解女朋友要專揀啲我咁醜嘅樣去曬？
萬一畀曬相舖老闆見到，我形象豈不是盡毀？！
我諗唔通女朋友點解要咁做，我只係見到佢好開心咁將啲相貼上牆上面。
「啲相都唔靚，貼上去做乜喎…」我。
「我就係鍾意你個樣夠傻，望見就開心～」女朋友。
呢個女朋友好傻㗎，同我一齊咁多年，無嫌我人工低，無嫌我咁蠢去追求不設實際嘅夢想。反而仲鼓勵我，努力去追求自己鍾意嘅野。
「你睇吓你個樣吖～勁搞笑囉。」
好多人都話要維持關係，就要計算為對方犧牲幾多，付多幾多。
女朋友最傻嘅係，佢諗住將往後嘅人生交畀我。
回報唔係想要名牌，食大餐，只係想我一直留喺佢身邊。
每一幅相，唔單止係光與影嘅結合咁簡單，
仲可以好似一把鎖匙咁，解鎖返腦入面每一段開心嘅回憶。
留唔住時間，唯有用照片留低回憶。
人會老，但愛情永遠都唔會老。
就算將來又老又皺皮，我都會陪佢一齊變老。
而當我望住佢嘅時候，心入面嘅感覺依然唔會變
想記錄低腦海朦朧嘅光與影?
http://www.samsung.com/hk/galaxyc9pro/
#Samsung #GalaxyC9Pro #1600萬像素前後鏡頭 #讓回憶更富質感
照片像素計算 在 像素與解析度，以及「像素密度」，到底是什麼? 跟好照片有關 ... 的相關結果
... 我們可以說像素Pixel 是照片最小單位，解析度則是一張照片長與寬各有多像素，至於像素密度，則是計算一面積下有多少顆像素的計算，我們今天一次弄 ... ... <看更多>