下星期三就係書展，又係一眾作者龍爭虎鬥之時。政治新書唔少得，舊年係夏慤道渡過18歲生日嘅學民思潮召集人黃之鋒，今年就輯錄咗佢喺16歲至18歲寫下嘅文字，推出新書《我不是細路──十八前後》。不過本書就冇揾學者議員寫推薦序，反而揾咗兩位之鋒口中最了解佢嘅女子──佢媽媽同女友錢詩文為佢寫序。
錢詩文講返第一次係公民廣場見到之鋒，話自己當時唔多理政治，最初去廣場集會只為影相放上facebook同instagram，仲提到佢同之鋒講加油時，對方眼尾都冇望佢一眼，只係好求其咁握咗個手。到後來愈來愈感覺到之鋒嘅努力同不斷承受無盡嘅抹黑同壓力，先發現做黃之鋒真係一啲都唔容易。
平日之鋒表現硬淨，機關槍咁講嘢嘅style深入民心，錢詩文係序中就大爆料，講返之鋒軟弱嘅一面，仲形容鏡頭後嘅之鋒，係毒男、派膠、講情話會Lag機，仲透露之鋒第一次表白時，足足用咗30秒先講到5個字，第一次面對女生發脾氣，居然話驚過見到梁振英﹗
之鋒媽媽嘅推薦序一樣感人。作為媽媽，佢見到之鋒嘅日程表簡直係非人生活，搞到明明立志做「不囉唆的媽媽」嘅佢，兩年嚟不斷犯戒，要提之鋒瞓覺、剪頭髮同剪指甲。之鋒媽媽仲透露，時時刻刻機不離手嘅之鋒，舊年手提電話費期期過千蚊，佢走去電訊商門市查數，對方以為佢個仔一定係不停上網打機煲劇煲電話粥，仲問佢個仔係咪做sales要講咁多電話。惟有做媽媽嘅知道，個仔sell嘅係「真普選」，默默為個仔upgrade咗個無限上網同無限通話月費plan。
情話同家事都大公開，其實都係想講返之鋒嘅另一面，之鋒喺本書都有覆返呢兩封「情書」。至於本書，係輯錄之鋒係2013年7月到今年6月嘅23個月來寫嘅文字，八方就唔喺度劇透喇，想買本書，書展時可以去白卷出版社攤位。
http://hk.apple.nextmedia.com/realti…/news/20150709/53952545
無限上網plan 在 【手機上網】4.5G 無限上網plan比較- YouTube 的八卦
我們怎樣幫到你？唔想咁麻煩逐間比較計劃同價錢？市面上有一些寬頻報價平台例如telcoquo.com，可以一次過查詢各間供應商的寬頻計劃，比較價錢及優惠。 ... <看更多>