今日一直有讀者問我，可以點做？老實說，作為半個marketing 人、半隻IT狗同埋一個專業師奶，我邊忽似會有辦法對付全港最大的犯罪集團？
但我在讀渾水 的帖文時，重覆地看到一個關鍵字：路西法效應，這倒是令我靈機一觸，根據wiki，路西法效應的出現與以下的情況有關。
1.在有意或不經意之情形下跨越自己的道德底線。
2.將其他人或個體去人性化。
3.將自己去識別化。(透過匿名、變裝等方式、如：三K黨)
4.分散與推諉個人之責任。(如：納粹)
5.盲目服從於權威。
6.不經批判地盲目服從團體規範。
等一下，換句話說，反過來操作，不就是解藥了嗎？
第一、五和第六點和他們的智商與職場文化有關，甚至我懷疑上頭根本就落左命令「只要唔死人，你無論做咩，都會隻眼開隻眼閉！」在這個情況下，自然無須負責，攻擊示威者就變成單純的VR 5D生化武器打喪屍遊戲了。
所以，只能從第二、三、四點著手：人性化，重新賦予羞恥之心；識別化，重新賦予獨立身分；將責任回歸個人，施以公眾壓力。
咁實質點做呢？好簡單，大家即刻拎自己部電話出黎，睇下whatsapp、line、微信群組裡面有冇做警察嘅朋友？有嘅話，留一句「清除垃圾聯繫」，然後就將佢踢出群啦！如果係遠房親戚（直系親屬要三思）嗰啲咩「我們這一家」，你可以留一句「清理門戶」先踢佢出去，呢啲親戚就算留黎都唔會有好野，都係借錢籌旗同新年問你賺幾多錢同幾時結婚，多個唔多，少個更好。這是「公眾羞辱」，讓他從署長「你地無做錯到」的謊言裡，大把大把打醒佢沉睡了的羞恥之心之餘，亦重新把名譽懲戒回歸到他本人的頭上。當然，如果事先同呀媽傾好，當呀姑姐怪罪落黎話你無大無細時，佢可以代你說句「他只是個孩子呀！」效果更佳。
可能你會話：喂，又唔係佢開槍，佢直情連中環都冇去，關佢咩事？睇返上面第四點，這些人正正是因爲是以團隊名義，分散了社會與道德責任，呢套打示威者的棍法和槍法，也是這幾年練回來的，他沒有參與只不過是他不在這個崗位，要是他剛好被調配到中環，他也是會扣板機的。所以，你不需要管他當時身在何方，只要是在同一個制服團體，你就把責任重新壓下去吧。
好，做完垃圾親友大掃除後，這只是第一步。接下來，可以逐個群組睇返，有冇群組內有親人係做警察嘅。Send一條警察「文明執法」嘅短片落去，@ 對方出黎 tag9him，等一下，我唔係叫你攻擊佢屋企人，相反，關心一下對方，在群組內當住所有人面慰問一下佢平日有否被家暴？了解一下到底是否夫婦不睦，所以才有這麼大的怨氣？如果可以令佢去叫自己老公「做少啲陰質野，唔好搞到我咁無面」，你就幫左佢地全家積陰德，可謂功德無量，隨時上帝在天堂留個位俾你坐林鄭隔離添！
我知，你想問：山水有相逢，咁做好唔好？我話你知，商業社會做到咁盡就一定唔好，但你睇下佢老公做邊行？警察呀！佢有咩能力在將來可以幫到你？幫你劫法場呀？呢類人義理值偏低、學歷偏低、人工偏低、智力也偏低，可謂做人唔精做鬼唔靈，為左份糧咩都做得出。你覺得在關鍵時刻佢會幫你？你會不會太傻太天真了？功利點講句，呢啲就係傳說中嘅「垃圾社交」，本來就應該割捨的，依家也不過因利成便而已。
總的來說，佢地無犯法，因為龍門任佢地擺。但是大家必須緊記：法律只是道德的底線，而社會是可以在法律以外，去制裁一個人的。
孔子講過「君子無友不如己」，你不過是行聖人之訓，割捨「不如己」的小人之友而已。
#如果你連踢件垃圾嘅決心都冇
#你真係唔好自稱鍵盤戰士
#無朋友行動開始
#人係群體動物
#約炮apps的profile加句NoChemsNoCops
#直播查編號點名也是把責任個人化的好方法
#戴左頭盔就認你唔到咩
#踢佢出車會慘過佢老婆踢佢訓廳
#麻煩從今日起唔好再like黑警個專頁
#完左事之後佢地一定會在fb粉飾太平做公關
#唔好上當
無朋友行動開始 在 (更新)有沒有人在現實中沒有什麼朋友，幾乎是無社交的在生活？ 的八卦
但最近也許煩心事多了吧又開始感覺心理狀態變不好 如果還有人想一起聊聊天~加這個群吧~我會在裡面~XD (更新)有沒有人在現實中沒有什麼朋友，幾乎是無 ... <看更多>