Search
英國零下25度冰櫃嗰39條人命，黎自邊度同係咩國籍，相信大家都知，無謂再講什麼「為什麼去沒落廢國」。
反而想大家留意下，當英國警方駛走嗰架冰櫃車嘅時候，途經嘅所有英國警務人員向部貨櫃車低頭默哀。
就算對方係毫不相識甚至係違法嘅偷渡者，都給予應有嘅人道尊重同擁有人類該有嘅同理心。
回看東亞國際城市嘅警察，對自己嘅市民，有時尚未違法，又持有咩嘅心態呢？
#唔想比較
#唔好比較
#無得比較
英國MI5收到嘅「求職信」
英國軍情五處（MI5）前日出咗個IG Post話收到好多小朋友寄比佢地應徵做特務嘅信件，特別揀咗啲同國（網）民分享，順便感謝國民對MI5國安工作嘅支持，即係講到底都係宣揚自己部門，即係係最後個tag #KeepingTheCountrySafe（繼續維護國家安全），不過好似咁樣係特別cute。
大家一齊感受下英國小朋友面對MI5嘅國安哥哥姐姐天真爛漫嘅一面：
「補充：我識講小小德文、西班牙文同中文㗎，唔洗講緊係識英文啦。」
「如果講秘密比我知嘅話，我好信得過㗎。你地有無工比10歲嘅我做？我可能年紀少同細粒，但係我可匿埋响好窄嘅地方，亦跑得好快喎。而且我扮嘢嘅能力仲好高添，我同家姐可以用張被變到好多款裝扮。」
「高度機密！我有呢啲技能...請問點樣可能受訓成為特務？有章程、說明書或者裝置之類可以比我研究？」
「我今年七歲半，唔該可唔可以話我知點可以成為一個特務。另外我畫咗幅畫比你地，希望你地繼續保持安全。」
好耐未睇過關於國安部門嘅Post咁開心....
#無得比較
Photo Source：MI5Official IG
原Post：https://www.instagram.com/p/CO2nlBEABSd/
***************************************
每日更新乞兒兜Patreon：
https://www.patreon.com/goodbyehkhellouk
MeWe：https://mewe.com/p/goodbyehkhellouk
Twitter：@ByeHKHiUK
IG：@goodbyehkhellouk
最近更新：
BBC記者「呃」戴安娜訪問調查報告嘅後續深層意義
https://bit.ly/3v6ElJL
向議會講暴力可能係最後手段，見識下北愛爾蘭親英新一代
https://bit.ly/3f2Nqhm
由Donald Trump嘅中東遠景開始，了解今日以巴問題
https://bit.ly/2RteAVy
***************************************
嗱！法國依家就示範對付警暴嘅「國際慣例」喇，就算係被歐盟議會同聯合國迫都係咁話，呢啲咪係好些少嘅文明民主國家囉，至少知衰知醜！
上個星期有條片影住個法國黑警近距離向示威者射橡膠子彈，法國檢察官即時開file調查，明明係「暴徒」，又放火搞事又剩，點解咁呢？
因為响2018年「黃背心」期間，有25個示威者無咗隻眼，5個無咗隻手，1個比勒死。2019年剩係頭三個月，橡膠子彈射咗13,460粒！初頭總統仲話係「法治國家」（rule of law），完全唔接受「警暴」同「打壓」“repression or police violence”呢種說法（呢條友講嘢係咪好熟呢？）
最後，歐盟同聯合國都出聲，話無論警察用乜膠非大殺傷力武器都係用過份武力都係「不相等嘅暴力」“disproportionate use of so-called ‘non-lethal’ weapons”。依家啲檢察官見一單，查一單，而內政部長仲要同啲黑警講，就算係暴徒都要忍讓（“keep their sangfroid”）。
P.S. 查還查，唔代表啲豬隊友法國黑警識自控嘅。
#唔係比較
#無得比較
原文：
https://www.economist.com/…/france-admits-its-police-are-to…
第76創業知識《哈佛分享：「搵錢、結婚、生仔」點算好？》
我相信好多阿媽都同阿仔講， 大個咗要搵到錢，大個咗要結婚，大個咗要生小朋友建立家庭。 咁樣才會有開心嘅人生。佢哋講得啱唔啱呢？
根據哈佛心理學教授Daniel Gilbert 指出，答案在影片裏....
......................
全文：
而家喺星加坡同我老婆同三個女，趁開學前放下放假。 我相信冇人會反對人生其中一個最開心嘅時候就係同屋企人放假去旅行嘅時候。
包括我在內，我相信好多阿媽都同阿仔講， 大個咗要搵到錢，大個咗要結婚，大個咗要生小朋友建立家庭。 即是唔係咁講，都肯定唔會講大個仔要窮，記住成世要孤單一個人，唔好結婚同有仔女，種下禍根。
咁其實我阿媽、同你阿媽講嘅嘢啱唔啱呢？ 有冇科學根據？ 錢能唔能夠買到快樂？ 結咗婚係咪真係會開心啲？ 生咗仔女咁又點呢？ 根據哈佛心理學教授 Daniel Gilbert 過去30年嘅研究， 佢話阿媽以上三大智慧係啱啲唔啱啲。 而家同你逐一講講。
今個月我剛剛就去咗佢喺哈佛講Happiness 嘅一課， 循例我好鍾意坐第一行，佢無話唔俾影，個個學生喺咁影相，我又唔係學者，我只係一個專賣鋪嘅生意佬都同你分享下我學咗啲乜。
第一：阿媽話，大個仔要搵到錢。 咁錢係咪越多，會令你越開心呢？ 答案，yes! 真係，越多就越開心。 Never go back down. 邊個扮清高，話錢買唔到happiness係錯晒。 有錢人就係開心過窮人。不過根據哈佛教授Daniel Gilbert 指出， 錢喺大約去道每年六萬蚊美金嘅收入， 即係每個月三萬九千蚊港幣，你就大約已經買到95%嘅happiness。 諗真啲，每個月三萬九千蚊港幣，其實真係唔係太多。 當然世界每個地方嘅生活水平唔同， 但個idea 就係如果你要再開心啲，更加多嘅收入其實如果你同樣嘅洗法都只係畀多你人生5%嘅開心。
咁點樣洗法先能夠更加開心呢？1. 買多啲經歷，買少啲嘢。 因為經歷，例如去旅行，每個人係獨特嘅，無得比較。 但如果你買咗架法拉利，見到側邊嗰人揸住架林寶堅尼， 你就覺得點解佢架車仲靚過你。2. 洗多啲喺人哋身上，洗少啲喺自己度。 點解有錢佬好鍾意捐錢， 因為幫人都係一種滿足感。3. 放多啲錢係關係上， 有人同你分享，遠遠開心過自己一個獨食。 信不信由你，我幫到個租客做生意，我都真係好開心。 佢賺多一萬，遠遠開心過我自己袋晒。
Breakdown 呢，睇下呢個chart, 開心嘅程度, work 工作, commute 即係揸車搭車去上班嘅時間，TV 電視就係咁開心。 好多人話有錢之後就攤喺度乜都唔做， 但其實嘆喺度開心嘅程度，同work 都差唔多。 咁乜嘢係最開心呢？ 教授話係 talk and sex. 你明啦，我諗唔使翻譯。 佢話，所以如果你有錢嘅話唔應該休息多啲，係應該多啲 talk while having sex. 真係佢話㗎，今晚試試。
第二， 結咗婚係咪真係開心啲呢？ 呢個我有些少利益衝突，即使唔係，我都唔可以講大聲。 但研究指出，答案又真係，係喎。 過去嘅50年嘅研究指出，結咗婚嘅人就係開心過未結婚嘅人。再細緻啲睇，結咗婚嘅人就係開心過cohabiting 同居嘅人，同 single 嘅人。 離咗婚 divorced 或者 separated 分開咗嘅就最唔開心。
但結唔結婚，隨著歲數都好影響開心程度。 佢哋全部都係二三十歲嘅時候最開心 ，去到四五十歲就中年危機，七八十歲嘅時候又回覆童真。 但留意喎，四五十歲未結婚嘅人係最唔開心， 因為一世人入面唔知最終結唔結到。 去到六七八十歲呢就認命，開心返啦。
但記住喎， 以上嘅圖雖然結咗婚嘅人係開心啲。 你要搞清楚，係因為佢結婚而開心，定係因為佢本身係個開心嘅人而吸引多啲人想同佢結婚呢？ Correlation （相關）唔等於 Causation （因果關係）。 教授話你要搞清楚個關係喎，佢都未有答案。
佢只係知道結咗婚嘅人，都唔係all the way 開心㗎喎。 結婚之後嗰一兩年係最甜蜜嘅， 之後就一般啦。 我結咗婚13年啦， 都細細聲同你講唔會相差太遠。 但離婚呢？ 男人？ 離婚前一年就最悲哀，之後就一支箭咁標上去。 女人就反而比較平穩啲喎。 我諗男人最明點解啦！
第三， 睇完錢同老婆，睇下生仔女啦。 Kids are pain in the ass, 我諗好多父母都會贊成。 原來阿媽話結婚一定要生仔女先至開心，呢個係錯㗎喎。 唔怪得知，我最開心嘅旅行，通常都係同我老婆兩個人去嘅旅行。
教授Daniel Gilbert 話non parents, 一般係開心過parents, 更開心過 parents with minor children. 即係有細個嘅小朋友，即係我呢啲，係最唔開心。佢話研究數據指出，小朋友出世頭幾年係會令你越嚟越唔開心。 諗真啲，又啱喎。 啱啱出嚟嘅時候，成嚿飯咁，同佢玩乜都得。 篤下佢，彈下佢，no problem 。之後又要playgroup, 又要諗幼稚園，又要諗小一入學，真係想死。 我最近先至成日煩緊我細女要去小一入學面試。 小一入學嘅壓力係遠遠大過自己去大學或者求職面試。 當年見傑青個panel 我都冇咁大壓力。
數據指出作為父母，開心嘅程度，talking with friends 係最開心，eating 第二，grocery shopping 超市買餸第三，doing housework 做家務第四，咁being with children 同細路一齊呢？ 只係高過做家務少少。
全世界嚟講， world average 都係無細路係開心過有細路.... Just by 少少。 結咗婚嘅就好啲， 但整體上都係無細路開心少少。 如果你係單身single 嘅，你就更加唔開心。Divorced 離咗婚嘅， 係最唔開心。 因為大家都明白，離婚最難搞嘅就係仔女。 反而widowed 寡婦/寡佬就遠遠最開心， 因為始終老公或者老婆走咗之後，仔女可能就係佢哋唯一嘅伴。
雖然全世界整體上都係無細路開心過有細路，但每個國家都有所唔同。美國呢就係比全世界好啲，Montenegro 又名黑山共和國就係最好， Macedonia 馬其頓就係最差。 香港我就無數據，我估應該好啲嘅，始終有工人姐姐幫手。 但一講起小一入學，我諗個個父母就會話我哋同Macedonia 差唔多。
總結，點都好，有細路係開心嘅，不過唔好為佢哋而煩惱太多， 我成日同我老婆講 number one rule of parenting: Relax!
結婚？ 好吖，only if you find the one you love and he or she loves you too。Love 唔到like 喎。 Like 喜歡係想得到，love 愛就要付出。唔好為結而結。
最後，錢可以令你開心啲，但如果你能夠買多啲經歷，洗多啲喺人哋身上，同埋建立關係上面呢，你會更加開心。教授話 try to talk during doodoo 係最開心，今後搵錢、結婚、生仔、點算好，你懂啦！
愛 得比較 深作詞丁曉雯作曲陶喆I LOVE YOU FOREVER 我從不否認可是當愛已失去了信任何不了了這緣份我常常憑感覺去愛一個人但是我害怕到最後沒有了愛只 ... ... <看更多>
無得比較 在 珍惜生命！情緒健康問題需要關注！痛苦係無得比較！｜瘋中三子 ... 的八卦
免費『訂閱』支持D100 Radio YouTube頻道，同我地一齊撐住香港：https://bit.ly/subscribe-d100#D100Radio《#瘋中三子》//#D100香港台節目// 時間：逢星期一至五； ... ... <看更多>